❤️آمنة ال شالت قلب ابوصلاح !
❤️ديل البروق الشالن ام درر ياسمين_
♦️تاريخ هذه الاغنية يرجع الى العام 1926 وكان الشاعر ابوصلاح قد دعى الى الى مناسبة زواج عثمان ابراهيم ابن العمدة ابراهيم (عمدةالخوجلاب وما جاورها)...والذى خلف والده لعمودية المنطقة بعد انتقال والده لرحمة الله . وكان الشاعر الكبير قد أعجب بأحدى حسانها. فتغنى وابدع بهذه الاغنيه التي تعتبر من درر وروائع حقيبه الفن وكانت أول اغنية سودانية بتم تسجيلها فى اسطوانة..اول اغنية سودانية تتغنى بمصاحبة الات موسيقية..اول اغنية سودانية يتم تسجيلها خارج السودان..حيت تم تسجيلها فى استوديوهات القاهرة..بصوت الفنان الكبير بشير الرباطابى فى العام 1927 ..وبعد ذلك تغنى بها كرومه
...........................................
♦️ كلمات: صالح عبدالسيد "أبو صلاح"
♦️ الحان وغناء: بشير الرباطابي
♦️ اداء: عطا كوكو و احمد يوسف
...............................................
ماكنت رايق وساكن في صفاء وتأمين
في الخوجلاب ياقلبي مني شالك مين
..
ديل البروق الشالن ام درر ياسمين
مابين ظل الايك ونفحه الياسمين
أم ديل شلوخه تلاته ومن تحت وسمين
ياقلبي بينه وبيني اليقسمك قسمين
..
جات روايح الورود مع الزلال والتين
فوق الجمال الفردي اليلة ملتفتين
بس ايه لزوم انوارنا من شموع ورتين
مادمت انت وبدري التم زي اختين
..
بقي ديسك اطول منك ولله متقايسين
شفنا الضفاير جرن في القديم كايسين
أنا شوقي دايماً زايد وماشي في تحسين
انا صبري قل ويشهد بي ازاي حسين
..
فوق الدروع ايدنا تتاقو زي شاهدين
بي سندت الاكتافا اردافا متعادلبن
برزن نهوده وعامن في الهواء مجاهدين
وعلي هلاك العاشق ديمه مجتهدين
..
فوق الجمال واقنا صابنا رمش العين
شفنا السيوف تتجرد من عيون واسعين
صاح وهبه فاقد عقله كم جريح وطعين
الـناس جروحن تسعة انا لي جروح تسعين
..
كيف المنام وعيونا يكونوا متفقين
وهنا الشلوخ تتقادح والخدود رايقين
فرت قلوبنا وضاعن من قلوبنا يقين
كيف الهلاك شايفنو وليهو مشتاقين
قول ياهازل اترنم بينا شوق وحنين
بالله عيد النظرة و زود الترنين
حرك هواي ذكرني بي هجرو بالتقنين
ساعة فراقو الواحدة تقيمت بي سنين
..
عد اللماك الغنت بالغرام نايحين
عد القماري القوقت بالغصون مايحين
عد النسايم المرت بالمسك فايحين
تغشاك ياعثمان نعمة وسرور كل حين
ليست هناك تعليقات:
إرسال تعليق