أفريقيابلاد الأفارقة

 

شبة جزيرة العرب

 

دار الرياضة أم درمان

 

مدايح السيرة النبوية العطرة

 

الأستاذ الراحل عبدالكريم الكابلي

 

ضحايا الاعتقالات في السودان

 

التعليم في ظل سلاح الجوع

 

الثورة بعيون سودانية

 

روائع الشعر السوداني

 زعلان منك أيّي لأنك 

ما هببت قوافل شوقو

 ولا أكرمت رسايلو الجنك 

لا عوافي ولا كيفنك 

يجري يلاحق في السُفار 

العايدين والجايين منك

قبال ياخد خبر البندر

 شوقو يسبقو و ينشد عنك 

يلقى حنينو إندردر ساكت

تاري البندر وَدر حِـنك 

تاريك ناسي في ماسي الغربة

حال الناس اليـوت طارنك

طاري عيونك لما تستف 

تمسح دمعة التانية تقطر

نزف وداعك لما شعاعك 

ساب الحلي ضلامه معكر

فدْ جواب طمني عليك 

صهين تاني أقول مشغول 

أبحت ليك العذر براي 

وأبعت ليك الشوق علي طول 

فكر أكنك في الطوالي 

عبى رسايل فوقه رسايل

يا متجاهل كل الجنـك

لو كان قايل صدرو الماهل

 مو بالساهل يزعل منك 

ضايقو صدرو وبي طول صبرو 

وماك حجر من إيدو يفنك 

إنت بشر بي كل ظروفك 

حر في جودك و حر في ضنك 

ما بتربع يرجى حروفك 

ولا يشابي علي غيم دنـك 

ما بِضرَّع شان ما يشوفك 

عندو كرامة تبدل حِنك

حميد

روائع الشعر السوداني

 عيونك إذا في العيون ارتحال

بلمن شتات البلود الرحيبة

دروبك كتيرة ووصولك محال

درب فرحتك وينو كيفن أجيبا

و انا الدون زوادتك شددت الرحال

رسمتك حدود لي مدائن غريبة

بحب في قساوتك كلام لسه طيِّب

بشابه عتاب المحب للحبيِّب

ويجبر خواطرا كتيرة ويطيب

كما النيل جراح الجروف الخصيبة

ورغم إنو ضاميني ليك انتماي

ويشهد علي ربي عالم الغيوب

بحس فيكي حن المحب المفارق 

كما فارقت أرضي أرض الجنوب

وبرضك بقول بينا نيل ما بينضب 

وريدتك تشبع جياع القلوب

تصدي وتجافي 

وحتى الصدود فيك كاسياهو طيبة

منو الفي الشمال مابغنيك محنة

ومنو المابشم فيك نقاوة أهلنا

منو الما حلم بكرة يتلم شملنا

وانت السكنت احتمالات صورنا

وغنانا 

ولحننا 

وقصصنا وأديبا

بنبعد 

ونقسى 

وبتحلف صور في الخيال إلا تبقى

محنة دماي في عروقك بتنتح 

تسميني منك واقول إنت أنقى

و اجيك لوني أسمر 

و ألقاك أسمر 

أناولك تمرنا وتناوليني منقا

تقول لي بحبك 

أرد حبي أكبر 

ومشتاق اضمك 

وأشوف شوقك أكتر 

وتعلن دموع اشتياقك نحيبا

بشوف بكرة أجمل إذا في عيونك 

تراءت إليك أي ذكرى بتطمن 

إذا في خيالك رسمت ابتسامة 

بتخفف مرارة خلافنا وتهون

و اضوق في مسامك ملوحة القبايل 

المن الطين تشكل صورنا وتلون

ودون شك عيونك برغم النهاية 

بقت لي حجاوينا سمحة و حبيبة

وبرجع و اقول (عذرا إن قولي طال)

تعالي النمد بينا سكة وصال

عيونك إذا في العيون ارتحال

بلمن شتات البلود الرحيبة

وئام كمال الدين

روائع الشعر السوداني

 اغنية طيبك عبق (جمال الليل)--للشاعر ابو صلاح.

هوي ياجاهلة وطيبك عبق-وسنك براقة يسوي بق--ترنع تشبه مهر السبق-وفوق اردافا كتيفة انطبق--)--اغنية جمال الليل كتب عليها في الاذاعة انها من كلمات الشاعر موسي حسن(شاعر جدودنا زمان) وفي الحقيقة هي من الاغاني التي جمعها كرومة من عدة اغاني مثل :-(فرع البانة البرنع يقود-وسبعة ام لونا غامق الخضار--لابو صلاح) و (ظبي الخدر الماشاف قفار--للمساح) و (الشويدن الروض الجنان--لاحمد عبدالرحيم العمري)--ولم تعدل هذه المعلومة في الاذاعة حتي الان فمثلا الابيات التي تقول طيبك عبق-وسنك براقة يسوي بق-ترنع تشبه مهر السبق-وفوق اردافة كتيفة انطبق...هوي ياجاهلة فوقك عهود-براءة وطه ويس وهود-لي شلاخك وقفن شهود-اثمر فرعك جوز النهود.....جدية الخدور-بخلاف شوفتك انا شن بدور-وسطك رق وقلع الصدر-شعرك ظلمة ومحياك بدر )..هذه الابيات من اغنية فرع البانة البيرنع يقود--لابو صلاح اما هذه الابيات التي تقول (طرفك كحيل-وصدرك عالي وخصرك نحيل-وبين اردافك دايما وحيل-تشبهي سحاب الضحي عند الرحيل--محياك قمر-ميل فرعك شال الثمر-طائل ديسك ينضح خمر-وم العلقم هجرك امر) هذه الابيات للشاعر علي المساح في اغنيته المشهورة :ظبي الخدر الماشاف قفار..اما البيت الذي يقول (اتجلي نار-قنديل وجهك يخفي الفنار--يا الساكنة فؤادي وماليك جار--سكني روحي معاك لو بالايجار ))فهي من اغنية سبعة ام لونا غامق الخضار-لابو صلاح.. الليل ... الليل

والبيت الذي يقول ..( تتفدعي-وفوق لدروعك تتجدعي-بي جيوش اشواقك تفزعي- وكل يوم ثوب صبري تمزعي ) فهو من اغنية سيبي قلبي لابو صلاح وهذا المقطع من اغنية سبعة ام صدرا علا..لابو صلاح ايضا( يانسيم الروض قابلا-بالتحية ان كان تقبلا-اوع حاسب لاتقبلا-تبقي عاشق والغي بلا)اما هذا المقطع فهو من اغنية الشويدن روض الجنان للشاعر احمد عبد الرحيم العمري..(يا خفيف الروح يا الرزان-فرعك المصقول خيزران-بيك نشابه البان يبقي زان-انت كالميزان يا المزان )سجل الاغنية للاذاعة اولاد المامون 

د/ احمد القرشي

الليل الليل ..يا جمال الليل

طيبك عبق ...

وهوي يا سمحة وطيبك عبق

سنك براقا يسوي بق

وترنعي تشبهي مهر السبق

فوق اردافها صديرها انطبق

الليل الليل ..يا جمال الليل

فوقك عهود ...

وهوي يا جاهلة وفوقك عهود

براءة و طه وياسين وهود

لي شلاخك وقفن شهود

ازهر فرعك جوز النهود

الليل الليل ..يا جمال الليل

تتفدعي ....

وهوي يا حبيبة وتتفدعي

فوق لدروعك تتجدعي

بجيوش شامك لي تفجعي

في يوم توب صدري تمزعي

الليل الليل ..يا جمال الليل

ما مشية المهر الوحيل

ما السحاب ما الظل في الرحيل

اصلو غير يتنى النحيل

يمشي خطوة اتنين مستحيل

الليل الليل ..يا جمال الليل

طرفك كحيل.....

وهوي يا حبيبي وطرفك كحيل

صدرك عالي وخصرك نحيل

من اردافك دائما محيل

تحكي سحيب الضحى في الرحيل

الليل الليل ..يا جمال الليل

محياك قمر....

وهوي يا حبيبي ومحياك قمر

ميل فرعك شال الثمر

طايل ديسك يندح خمر

من العلقم هجرك امر

الليل الليل ..يا جمال الليل

يا نسيم الروض قابلا

بالتحية ان كان تقبلا

قال لي حاسب لا تقبلا

تبقى عاشق والغيبة لا

الليل الليل ..يا جمال الليل

جدية الخدور.....

وهوي يا حبيبة جدية الخدور

بخلاف شوفتك انا شن بدور

وصفك رق وقلع الصدر

شعرك ظلمة ومحياك بدر

الليل الليل ..يا جمال الليل

تتجلى نار.....

هوي يا حبيبي و تتجلى نار

قنديل وجهك يطفى الفنار

ساكنة قليبي وما ليكي جار

سكني روحي معاك بالايجار

الليل الليل ..يا جمال الليل

يا خفيف الروح يا الرزان

فرعك المصقول خيرزان

انت كالميزان كاللبان

الليل الليل ..يا جمال الليل

روائع الشعر السوداني

 بحر الموده وقصتها

أصدقائي الأعزاء 

وصديقاتي العزيزات..

مساء العوافي.

درءًا لأي التباس حول مناسبة كتابة نص (بحر المودة ) ،،، ادون لكم ادناه حقيقة  متى واين وكيف ولد النص :

كتب السر عثمان الطيب

بحر المودة..... والدتي لها الرحمة والمغفرة والعتق من النار بإذن الله تعالى.... هي زينب بت محمد ود احمد ود على المشهور بـ (فسيل)...... والدتها النعمة بت خليفة جدها أبو قرن.... حي القلعة/ القرير...

انا اكبر أبنائها.....لديها من البنات إحسان وفتحية وحنان والمرحومة امال... ومن البنين عادل وهو فنان طنبور معروف...

في العام 1971 التحقت بمعهد المعلمين العالي بامدرمان. (كلية التربية جامعة الخرطوم )..... كانت الوالدة واخواتي بالقرير...والوالد تاجر بسوق الموردة من قبل ميلادي....

كنت اسكن في داخلية الكلية برفقة أصدقائي الدكتور عوض الخليفة عثمان من أبناء الأراك........ والمرحوم الراحل الصديق محمد سر الختم على يوسف مسمار من أبناء قشابي... ثم ساكنت المرحوم الصديق الحبيب الراحل المقيم محمود بكاب (نوري) والذي تزوج لاحقا اختنا فاطني حسن سالم (فطون) شقيقة الحبيب الراحل حميد ،،، والأخ الحبيب إدريس على إدريس (القرير)...

كانت غرفتنا محطة خميسية لكل الطنابرة يغنون ويبكون غربة الخرطوم... 

وفي ذلك العام (1971) كنت مصبحا على امتحان لغة فرنسية... وبعد  أن ذاكرت و راجعت دروسي اطفأنا النور... لكن النوم هرب بسبب هاجس الامتحان.... تذكرت امي.... نهضت وفي الظلام تناولت بصعوبة ورقة وقلم..... و صنقرت اكتب بعد أن فتحت الشباك برفق بحثا عن ضوء يساعدني على خط شخبطاتي فوق السطور على الاقل... كتبت ما كتبته وتوسدته تحت المخدة وغالبني النعاس فنمت...

صبحا،، انطلقت ورفاقي صوب قاعات الامتحانات تاركا ما كتبته في مكانه.....

بعد الامتحان،، عدت الي الغرفة واطلعت على شخبطاتي.. وكانت تلك هي المسودة الأولى لنص (بحر المودة )... بعد عدة قراءات للتنقيح والمراجعة دونت النص في دفتر اشعاري ولم افكر في تلحينه بالطنبور...

ظل النص حبيس دفتري لعام كامل دون أن ألحنه...

ذات يوم،، داهمتني نغمة ولزمة ودندنة(ترم... ترم)..... فكانت تلك إطار لحن بحر المودة....

صديقي المرحوم عبد الله محمد خير قمبور (القرير) كان مصرا على أن يتغنى النص....وكان ان دوناه وذهبنا الي الفنان الكبير الراحل إدريس ابراهيم في دار فن الغناء الشعبي في شارع الموردة بالقرب من دار فرقة فلاح...

التقينا إدريس ابراهيم له الرحمة.....سلمناه النص و وعدنا ان يغنيه....

بعد فترة طويلة عاودنا زيارة إدريس.. و سألناه عن مصير النص.. . لكنه فاجأنا بقوله ان النص لازم يغنيه صوت نسائي وانه قد سلمه للفنانة ام بلينة السنوسي لتغنيه...

لم ترق لي فكرته وتصرفه وطلبت منه أن لا يتصرف هو او ام بلينة في النص لأنني كنت حريصا على أن يتغنى النص بالطنبور و بايقاع الدليب....

كان ذلك سببا في أن أزور صديقي الفنان محمد جبارة في الحلة الجديدة وسلمته النص وحفظته اللحن... فترنم ببحر المودة واجاد وابدع....

وللحقيقة والتوضيح اسرتنا لم تكن تسكن في الخرطوم بل في امدرمان الموردة... وإنني درست الثانوية في مدرسة محمد حسين بحي المظاهر بامدرمان،، وفيها زاملت الأصدقاء على سيداحمد (على فطون... مساوي) له الرحمة ،، وعامر الننقة (الزومة ).. و معاذ محجوب ود الفكي إبراهيم (الأراك ) وغيرهم من الزملاء الذين قدمنا سويا لمدرسة محمد حسين الثانوية من مدرسة القرير الاميرية الوسطى.. 

كما انني درست الجامعة في كلية التربية (معهد المعلمين العالي ) بامدرمان.. 

تلك كانت باختصار ملابسات وتداعيات (بحر المودة ).....

اللهم ارحم امي وكل الأمهات يا رب العالمين..

شوفى الزمن يا يمة ساقنى بعيد خلاص

دردرنى

واتغربت

واتبهدلت ورينى الخلاص

يا يمة وريني الخلاص

ساقنى القدر منك بعيد

لأذايا كاس

جرعنى كاس

يا يمة

يا فيض الحنان الما كمل

يا يمة

يا بدرى اليشع دايماً يهل

يا يمة

يا نور الصباح وكتين يطل

واشرى يا (زينوبة) 

ولدك فى دروب الشوق كتل

محروم من الحب والمحنة

وراك همل

*

يا يمة

يا بحر المودة 

وكت يفيض

يا يمة

يا شعلة أمل 

زادت وميض

يا يمة

يا عنقود كلام 

منظوم قريض

*

يا يمة

يا نغماً حنين 

بالشوق يرن 

وافكارى فيهو بيرتعن

دمعاتى شانو .. بينزلن

واتذكرك يا يمة

فى الدغش النسايمو يهبهن

قايمى الصباح متكفلتى

وشايلى الحليلى 

على المراح

والساعة ديك يادابو ديكنا بدا الصياح

والطير صغارو يغردن .

جبتى اللبن بي انشراح

*

واتذكرك يا يمة

في ساعة الهجير

صالاكى نار الدوكى

عستيلنا الفطير

رشيتى قلتى اكلوهو خير

***

واتذكرك يا بسمة الطفل الغرير 

وكت الخلوق ترقد تنوم

واسهر براى أرعى النجوم

والشوق يرف جنحيهو

بى فوق لى يحوم

واهتف باسمك فى الخيال

[طيفك كمان بي فوقى جال

واتمنى لو لحظات يدوم

[لكنى فجأة القاهو  زال

*

واتذكرك يا يمة

ساعة الناس يجونا من البلد

ناعم ترابا على جسيماتن رقد

ريحة التمر فوق الهدوم

[لون الخدار خانس لّبد

والشوق أوارو بيشتعل

كان ظنى فيهو يكون خمد

*

واتذكرك يا يمة 

والناس قالو قايمين البلد

رصو الهديمات ..عدّلوا

ركبوا اللوارى وقبّلوا

خلونى وحدى بلا أنيس

كيف انفرادى ..اتحملو

شالوا السلام من عندى ليك

 وان شاء الله عندك يوصلو... 

يا يمة

ساعت يوصلو

ويقولوا ليك ..

شفناهو فى بلد الامان

مبسوط ورايق فى امان

أنبسطى يا نبع الحنان

و انا حالى يشهدبو الزمان يايمة

رسلى لى عفوك ينجينى من جور الزمان.......

روائع الشعر السوداني

 المرسال

كلمات : محمد علي ابوقطاطي

الفنان / محمد وردي

مناسبة القصيدة

من منا لم يسمع رائعة الشاعر الفذ محمد علي أبو قطاطي (المرسال)

 والتي تغني بها فنان أفريقيا الأول الأستاذ محمد وردي

 ( أمش قول ليهو يا المرسال)

 هل تعرف سبب تأليف هذه القصيدة ؟ 

ولو كنت تعرف برضوا نذكرك لما حوي من أسباب تقوي عليها عزيمة العاطفة سيما في زمنٍ مضي 

مناسبة القصيدة نسجت من واقع الحقيقة لا الخيال العميق ولشاعرها شخصياً الأستاذ أبو قطاطي فإذا هو يدخل علي منزله ليري قمراً يشع نور تسمر منه أسرة الشاعر أبوقطاطي برفقة وصادقة شقيقته الكبري . فما أن وقعت تلك الفتاة في عين شاعرنا إلا وأن أصابت مكن الإعجاب وسرعان ما إحلت مكانة ً مرموقة في نفسه ، فأبت نفسه إلا وأن يتقرب بها فأخبر شقيقته بأن تخبرها بأنه يرديها حبيبة وزوجة له ، الجدير بالذكر أن الشاعر المذكور وحسناؤه كانا يسكان منطقة (أبو روف) بأمدرمان ففعلت وأخبرتها ورأي شقيقها الشاعر الفنان فيها ، فلم تدلي برأي أو رد سلباً أو إيجابا.فكتب لها الشاعر عدد أربع رسائل واحدة تلو الأخري لمعرفة رأيها وكان رسول تلك الرسائل أيضاً شقيقته وصديقة عمرها .. فلم تأتي برد أيضاً . فقرر الشاعر الدخول من باب آخر غير أخته عسي ولعل يكون فيه طريق النجاح فإختار أحد آقارب تلك المحبوبة وصديق له وأخبره بأن قلبه قد تعلق بها وأرسل إليها من الرسائل ما أرسل .. فلم تأتي بمفيد وأمره أن يكون خير وسيط عسي ولعل أن يحمل الخبر اليقين ويسمع من فائه ، فكتب له رسالة كان يملي نفسه فيها بأنها الأخيرة وهي التي ستصله بمن تعلق بها حباً . فحمل الرسالة إلا أنه غاب عن عينه بضع أيام فلم سأل عنه عرف أنه طريح الفراش بإحدي مستشفيات ام درمان .. ولكن تأتي الرياح بما لا تشتهي السفن فقد قضي الله أمر كان مفعولا وإنتقل ذلكم الرجل الصديق للشاعر والوسيط بينه وبين محبوبته إلي الرفيق الأعلي فكتب الشاعر أبو قطاطي قصيدة المرسال المعروفة :

المرسال

مسكين البدا يأمل

أملو يغلبو تحقيقه

والعاشقة جفا المعشوق

الليلة وا سهرو ونشاف ريقو

امش قول ليهو يا المرسال

عساه يراعي ملهوفو

حبيبك و بي وراك

جارت عليهو وخانتو ظروفو

فقد صبرو شرد نومو

لهيب الشوق خنق جوفو

نحول جسمو شحوب لونو

براك أحسن تعال شوفو

مسكين .. مسكين

براي السويتا في نفسي

قلبي الحب ما واعي

عشق زولاَ مجافيهو

وما كان للحصل داعي

اقول اتناسي حبو يزيد

تزيد بالتالي أوجاعي

طريق الحب مشيت فيهو

تعذر تاني ارجاعي

مسكين .. مسكين

خطاباتي البوديها

تقول لا بتمشي لا حاجة

وديت ليهو زول مرسال

والمرسال مشى وماجا

بقيت انا والنجوم بالليل

سوا نساهر ونتناجى

والناس اللي كانو سبب

رموني وبقو فراجة

مسكين .. مسكين

روائع الشعر السوداني

 ﺳﻠﻢ ﺑﻲ ﻋﻴﻮﻧﻚ ﻟﻮ ﻋﺰ ﺍﻟﻜﻼﻡ

ﻭﺍﺳﺎﻝ ﻣﺮﺓ ﺭﻭﺣﻚ ﻣﻴﻦ ﻓﻴﻨﺎ ﺍﻟﻤﻼﻡ

ﺳﻠﻢ ... ﺳﻠﻢ ﻳﺎ ﺣﺒﻴﺐ

******

ﻳﺎﻣﺎ ﻋﺸﺎﻥ ﻋﻴﻮﻧﻚ ﺷﻠﻨﺎﻫﺎ ﺍﻟﻤﺤﺒﺔ

ﻳﺎﻣﺎ ﺯﺭﻋﻨﺎ ﻓﻴﻬﺎ ﺍﻟﺸﻮﻕ ﺣﺒﺔ ﺣﺒﺔ

ﺗﻬﻨﺎ ﻭﺿﻌﻨﺎ ﻣﺮﺓ ﺷﻔﻨﺎ ﺍﻟﺪﻧﻴﺎ ﻏﺮﺑﺔ

ﻟﻴﻬﺎ ﺭﺟﻌﻨﺎ ﺗﺎﻧﻲ ﺳﻴﺒﻮ ﺟﻔﺎﻙ ﺣﺒﺔ

ﺳﻴﺒﻮ ... ﺳﻴﺒﻮ ﻳﺎ ﺣﺒﻴﺐ

*******

ﺍﻳﻪ ﺑﺲ ﻛﺎﻥ ﻳﻀﻴﺮﻙ ﻟﻤﺎ ﺗﻤﺮ ﺗﻨﺎﺿﻢ

ﻋﻦ ﺍﺣﻮﺍﻟﻨﺎ ﺗﺴﺎﻝ ﺟﻮﺓ ﺍﻻﻳﺪ ﺗﺴﺎﻟﻢ

ﺍﻣﻜﻦ ﺗﻨﺴﻰ ﺯﻋﻠﻚ ﻭﺍﻣﻜﻦ ﻣﺎ ﺑﺘﺘﺨﺎﺻﻢ

ﻣﻨﻚ ﻛﻠﻤﺔ ﺣﻠﻮﺓ ﺗﻌﻴﺪﻭ ﺻﺒﺎﺣﻲ ﺑﺎﺳﻢ

ﺳﻠﻢ ... ﺳﻠﻢ ﻳﺎ ﺣﺒﻴﺐ

*******

ﻣﺎ ﺗﺸﻮﻑ ﺣﺎﻟﻨﺎ ﺑﻌﺪ ﻟﻮ ﻳﺮﺿﻴﻚ ﺗﻤﺎﺩﻯ

ﻣﺎ ﺗﺮﺣﻢ ﻋﻴﻮﻧﺎ ﻣﺎ ﺗﺸﻴﻞ ﻫﻢ ﺳﻬﺎﺩﻯ

ﺍﺑﻘﻰ ﻋﺰﻳﺰ ﻭﻧﺎﺩﺭ ﺷﻴﻞ ﻓﻲ ﺍﻟﺼﺪ ﺯﻳﺎﺩﺓ

ﻣﺎ ﺗﻌﻮﺩﻧﺎ ﻧﻨﺴﻰ ﻭﻧﻐﻔﺮ ﻟﻴﻚ ﻳﺎ ﻏﺎﻟﻲ

ﺳﻠﻢ ... ﺳﻠﻢ ﻳﺎ ﺣﺒﻴﺐ

محمد احمـــد سوركتــي

روائع الشعر السوداني

 Login

See who's singing “ما قالوا عليك حنين”

See Alطلبات الأغاني

ﻣﺎ ﻗﺎﻟﻮﺍ ﻋﻠﻴﻚ ﺣﻨﻴــــــﻦ ﺑﺲ ﻧﺎﻥ
ﻭﻳﻨﻪ ﺍلحنية
ﻻ بتسأل ﻳﻮﻡ ﻋﻦ ﺣﺎﻟـــﻰ ﻻﺗﺸﻮﻑ
ﺍﻟﺒﺎﻗﻰ عليا
ﻣﺎ ﻗﺎﻟﻮﺍ ﻋﻠﻴﻚ ﺣﻨﻴــــــﻦ
ﺑﺲ ﻧﺎﻥ
ﻭﻳﻨﻪ ﺍلحنية
ﻻ بتسأل ﻳﻮﻡ ﻋﻦ ﺣﺎﻟـــﻰ ﻻﺗﺸﻮﻑ
ﺍﻟﺒﺎﻗﻰ عليا
ﺍﻟﺒﺒﻘﻰ علي ﺃﻧﺎ ﻫﻴﻦ
ﺍﻟﺒﺒﻘﻰ علي ﺃﻧﺎ ﻫﻴﻦ
ﺍﻟﺒﺒﻘﻰ علي ﺃﻧﺎ ﻫﻴﻦ
ﻟﻮﺍنت ﺑﺘﻘﺒﻠﻮ ليا

ﺳﻠﻤﺘﻚ ﻗﻠﺒﻰ ﻣؤﻣﻞ

ﻣؤﻣﻞ
ﻣؤﻣﻞ
ﺗﺮﻋﺎﻫﻮ ﺗﺒﺎﺩﻟﻮ ﺍﻟﺮﻳﺪة
ﺗﺮﻋﺎﻫﻮ ﺗﺒﺎﺩﻟﻮ ﺍﻟﺮﻳﺪة
ﻭعشمت في ﻗﺮﺑﻚ ﻭﻛنت
أنا كنت

ﺑﺤﻠﻢ بي جنة ﺳﻌﻴﺪة

ﺑﺤﻠﻢ بي جنة ﺳﻌﻴﺪة
ﺳﻠﻤﺘﻚ ﻗﻠﺒﻰ ﻣؤﻣﻞ

ﻣؤﻣﻞ
ﻣؤﻣﻞ
ﺗﺮﻋﺎﻫﻮ ﺗﺒﺎﺩﻟﻮ ﺍﻟﺮﻳﺪة
ﺗﺮﻋﺎﻫﻮ ﺗﺒﺎﺩﻟﻮ ﺍﻟﺮﻳﺪة
ﻭعشمت في ﻗﺮﺑﻚ ﻭﻛنت
أنا كنت

ﺑﺤﻠﻢ بي جنة ﺳﻌﻴﺪة

ﺑﺤﻠﻢ بي جنة ﺳﻌﻴﺪة

ﺍﻧﻬﺎﺭة ﻭﺩﺍﺩﻙ ﻭﺣﺒــــﻚ

ورضاك ربيعه
ﺍﻧﻬﺎﺭة ﻭﺩﺍﺩﻙ ﻭﺣﺒــــﻚ
ورضاك ربيعه

ما قالوا عليكَ حنين
ما قالوا عليكَ حنين
ما قالوا عليكَ حنين
ﻭﻳﻨﻮ ﺍﻟﺘﺤﻨﺎﻥ ﻭﺍﻟﺮيييدة

ﻳﺎ ﺳﻼااااااﻡ يا سلام

يا سلام
يااسلام ﻟﻮ ﺗﺮﺿﻰ ﻋﻠﻴﻨــــﺎ
ﺗﺪﻳﻨﺎ ﻗﻠﻴﻞ ﻣﻦ ﺣﻨﻚ
ﺃﻭ ﺗﺴﺄﻝ ﻣﺮﻩ ﻋﻴﻮنة
ﺃﻭ ﺗﺴﺄﻝ ﻣﺮﻩ ﻋﻴﻮنة
ﻛﻴـــﻒ ﺑﺎﻻﺷﻮﺍﻕ ﺣﺎﺿﻨﻨﻚ
ﻳﺎ ﺳﻼااااااﻡ يا سلام
يااسلام
يا سلام ﻟﻮ ﺗﺮﺿﻰ ﻋﻠﻴﻨــــﺎ
ﺗﺪﻳﻨﺎ ﻗﻠﻴﻞ ﻣﻦ ﺣﻨﻚ
ﺃﻭ ﺗﺴﺄﻝ ﻣﺮﻩ ﻋﻴﻮنة
ﺃﻭ ﺗﺴﺄﻝ ﻣﺮﻩ ﻋﻴﻮنة
ﻛﻴـــﻒ ﺑﺎﻻﺷﻮﺍﻕ ﺣﺎﺿﻨﻨﻚ

ﻟﻮ ﺗﺴﺄﻝ ﻳﻮﻡ ﺗﻠﻘﺎﻧــــــــــﺎ
ﻛﻞﺛﺎﻧﻴﻪ ﺑﻨﺴﺄﻝ ﻋﻨﻚ
ﻟﻮ ﺗﺴﺄﻝ ﻳﻮﻡ ﺗﻠﻘﺎﻧــــــــــﺎ
ﻛﻞ ﺛﺎﻧﻴﻪ ﺑﻨﺴﺄﻝ ﻋﻨﻚ
ﻟﻮ ﺗﺴﺄﻝ ﻳﻮوم
ﻟﻮ ﺗﺴﺄﻝ ﻳﻮﻡ ﺗﻠﻘﺎﻧــــــــــﺎ
كل لحظة بنسأل عنك
ﻭﻛﻞ ﻟﺤﻈﻪ ﻫﻮﺍﻙ ﻣﻌﺎﻧــــﺎ
ﻭﻛﻞ ﻟﺤﻈﻪ ﻫﻮﺍﻙ ﻣﻌﺎﻧــــﺎ
ﻭﻛﻞ ﻟﺤﻈﻪ ﻫﻮﺍﻙ ﻣﻌﺎﻧــــﺎ
ﻳﺎ ﻏﺎﻟي ﻛﺘﻴﺮ ﺭﺍﺟﻨﻚ

روائع الشعر السوداني

 ﻣﻈﻠﻮﻡ ﻓﻲ ﺣﺒﻲ ﻣﺎﻟﻲ

ﺁﻳﻪ ﺫﻧﺒﻲ ﺍﻟﺠﻨﻴﺘﻮ

ﺣﺒﻴﺖ ﻟﻜﻦ ﻧﺴﻮﻧﻲ

ﻭﻧﺴﻮ ﻋﻬﺪﻱ ﺍﻟﺮﻣﻴﺘﻮ

ﺍﻟﺤﺐ ﻓﻲ ﻗﻠﺒﻲ ﺧﺎﻟﺪ

ﻣﺎﻣﻤﻜﻦ ﻳﺰﻭﻝ

ﻣﻬﻤﺎ ﺗﺠﻨﻲ ﻭﺍﺷﻲ

ﻭﺃﺗﻨﻜﺮ ﻋﺰﻭﻝ

ﺗﺮﻋﻲ ﺍﻟﺤﺐ ﻗﻠﻮﺑﻨﺎ

ﻭﻧﺮﺍﻋﻲ ﺍﻷﺻﻮﻝ

ﺍﻟﺤﺐ ﻣﻌﻨﻲ ﺳﺎﻣﻲ

ﻳﺎﺭﻳﺖ ﺍﻟﻨﺎﺱ ﺩﻭﺍﻡ

ﺗﻌﺮﻑ ﻛﻴﻒ ﺗﻘﺪﺱ

ﺃﺳﺮﺍﺭ ﺍﻟﻐﺮﺍﻡ

ﻭﺗﻘﺎﺑﻞ ﺩﺍﻻﻝ ﺍﻷﺣﺒﺎﺏ ﺑﺎﻻﺑﺘﺸﺎﻡ

ﻓﻲ ﺣﺒﻚ ﺗﻔﻨﻦ ﻭﺍﺩﺭﺱ ﻛﻞ ﻟﻮﻥ

ﻓﻲ ﻫﻤﺲ ﺍﻟﻤﺤﺒﻪ

ﺍﻭ ﺳﺤﺮ ﺍﻟﻌﻴﻮﻥ

ﻣﻈﻠﻮﻡ ﻓﻲ ﺣﺒﻲ ﻣﺎﻟﻲ

ﺁﻳﻪ ﺫﻧﺒﻲ ﺍﻟﺠﻨﻴﺘﻮ

ﺣﺒﻴﺖ ﻟﻜﻦ ﻧﺴﻮﻧﻲ

ﻭﻧﺴﻮ ﻋﻬﺪﻱ ﺍﻟﺮﻣﻴﺘﻮ

ﺍﻟﺤﺐ ﻓﻲ ﻗﻠﺒﻲ ﺧﺎﻟﺪ

ﻣﺎﻣﻤﻜﻦ ﻳﺰﻭﻝ

ﻣﻬﻤﺎ ﺗﺠﻨﻲ ﻭﺍﺷﻲ

ﻭﺃﺗﻨﻜﺮ ﻋﺰﻭﻝ

ﺗﺮﻋﻲ ﺍﻟﺤﺐ ﻗﻠﻮﺑﻨﺎ

ﻭﻧﺮﺍﻋﻲ ﺍﻷﺻﻮﻝ

ﺍﻟﺤﺐ ﻣﻌﻨﻲ ﺳﺎﻣﻲ

ﻳﺎﺭﻳﺖ ﺍﻟﻨﺎﺱ ﺩﻭﺍﻡ

ﺗﻌﺮﻑ ﻛﻴﻒ ﺗﻘﺪﺱ

ﺃﺳﺮﺍﺭ ﺍﻟﻐﺮﺍﻡ

ﻭﺗﻘﺎﺑﻞ ﺩﺍﻻﻝ ﺍﻷﺣﺒﺎﺏ ﺑﺎﻻﺑﺘﺸﺎﻡ

ﻓﻲ ﺣﺒﻚ ﺗﻔﻨﻦ ﻭﺍﺩﺭﺱ ﻛﻞ ﻟﻮﻥ

ﻓﻲ ﻫﻤﺲ ﺍﻟﻤﺤﺒﻪ

ﺍﻭ ﺳﺤﺮ ﺍﻟﻌﻴﻮﻥ

ﻳﺎﻣﺎ ﺗﻼﻗﻲ ﺩﻧﻴﺎ

ﻭﻳﺎﻣﺎ ﺗﺸﻮﻑ ﻓﻨﻮﻥ

عبد الرحمن الريح ﺗﻼﻗﻲ ﺩﻧﻴﺎ

ﻭﻳﺎﻣﺎ ﺗﺸﻮﻑ ﻓﻨﻮﻥ

عبد الرحمن الريح

روائع الشعر السوداني

 اوعه ما تکون جاي تبرر

انت ليه سديتو باااابگ..!!🚪

جای لی مین تانی تشرح

او تجمّل انسحاااابگ...🤷‍♂️

قلبی مما حسه بعدگ

یومگ انت السبتو ساابگ...🙃

من بدیت فی السگه تتعب

والغرور فی الریده صابگ...😔

مش ده ریدی الگان ظلمتو

یاهو نفسو اللیله جااابگ...😌

قلبگ الاجبرتو یبعد

لیهو ما ختیت حسااابگ...🙄

انو لی برجع یجییبگ

و گایس الودرتو دااابگ....؟🤔

||حسام محجوب||

#حساميااااات

روائع الشعر السوداني

 ﻣﻤﻜﻦ ﺃﻋﺮﻑ ﻋﻤﻖ ﺍﺣﺴﺎﺳﻚ؟

ﻭﻫﻞ ﻻ ﺯﻟﻨﺎ ﺟﻤﺎﻋﺘﻚ ﻭﻧﺎﺳﻚ؟

ﻭﻟﺴﻪ ﺣﺪﻳﺜﻚ ﺑﻴﻦ ﺟﻼﺳﻚ؟

ﻭﻻ ﺍﻟﻮﺍﻗﻊ ﻏﻴﺮ ﺭﻭﺣﻚ ..

ﻭﻟﻮﺙ ﺣﺘﻰ ﻋﺒﻴﺮ ﺃﻧﻔﺎﺳﻚ؟ !!

.........

ﻣﺎ ﺑﺘﺨﻴﻞ ﻳﻮﻡ ﺗﺘﻐﻴﺮ ...

ﺃﻭ ﺗﺘﺤﻮﻝ ﻋﻨﻰ ﺣﻮﺍﺳﻚ !!!

ﺇﻧﺖ ﺭﺑﻴﻊ ﺍﻟﻌﻤﺮ ﺍﻟﺰﺍﻫﺮ ..

ﻭﻣﻬﻤﺎ ﺗﻌﻠﻰ ﺑﻨﻔﻀﻞ ﺳﺎﺳﻚ

ﻭﺣﺒﻨﺎ ﺑﻔﻀﻞ ﻧﻮﺭ ﺃﻳﺎﻣﻚ ..

ﻭﻟﻮﻥ ﺃﺣﻼﻣﻚ .. ﻭﺿﻲ ﻧﺒﺮﺍﺳﻚ

ﻭﺍﻧﺖ ﺍﻟﻌﻴﺪ ﺍﻟﻌﺎﺩ ﺑﺎﻟﻔﺮﺣﺔ ..

ﻭﻋﻢّ ﺍﻟﺤﻠﺔ ﺭﻧﻴﻦ ﺃﺟﺮﺍﺳﻚ

ﻭﺍﻧﺖ ﺍﻟﻨﻴﻞ ﺍﻟﻔﺎﺽ ﺑﻲ ﺧﻴﺮﻭ ..

ﻭﻧﺤﻨﺎ ﺍﻟﻤﻄﺮ ﺍﻟﺒﺮﻭﻱ ﻳﺒﺎﺳﻚ

ﻭﺍﻧﺖ ﺍﻟﻜﻨﺰ ﺍﻟﻐﺎﻟﻲ ﻋﻠﻴﻨﺎ ..

ﻭﻧﻔﻀﻞ ﺟﻨﺒﻚ ﺯﻱ ﺣﺮﺍﺳﻚ

ﺭﻭﺣﻚ ﺟﻮﻫﺮ ﻣﺎﺑﺘﻜﺮﺭ ..

ﻭﻧﺤﻦ ﺑﻨﻌﺮﻑ ﻗﻴﻤﺔ ﻣﺎﺳﻚ

ﻛﻀﺎﺏ ﺍﻟﺤﺎﻭﻝ ﻳﺠﻬﻞ ﻗﺪﺭﻙ ..

ﻭﻗﺎﻝ ﺑﻲ ﻛﻠﻤﺔ ﺃﻫﺎﻧﻚ ﻭﺩﺍﺳﻚ

ﺗﺴﻠﻢ ﻟﻴﻨﺎ ﻛﺘﻴﺮ ﻳﺎ ﺭﻳﺪﻧﺎ ..

ﻳﺴﻠﻢ ﻋﻤﺮﻙ .. ﻭﻳﺴﻠﻢ ﺭﺍﺳﻚ

ﻋﺎﻟﻲ ﻣﻘﺎﻣﻚ ... ﻭﻳﻦ ﺃﻳﺎﻣﻚ ..

ﻭﻣﻴﻦ ﺑﺎﻟﻠﻪ ﺍﻟﻨﺎﻟﻚ ﻭﺣﺎﺯﻙ؟ !!

ﻣﺎ ﺑﺘﺨﻴﻞ ﺃﻧﻚ ﺗﻨﺴﻰ ...

ﻭﺃﻧﺎ ﻣﺘﺄﻛﺪﺓ ﻣﻦ ﺇﺧﻼﺻﻚ

...........

ﻭﻣﻤﻜﻦ ﺃﺣﻠﻒ ﺇﻧﻰ ﺣﺒﻴﺒﺘﻚ

ﻭﺇﻧﻲ ﺻﺪﻳﻘﺘﻚ .. ﻭﺇﻧﻲ ﻗﺮﻳﺒﺘﻚ

ﻭﺇﻧﻲ ﺍﻟﺰﻭﻝ ﺍﻟﻮﺍﺛﻖ ﻓﻴﻬﻮ ...

ﺑﻴﻔﻬﻢ ﻗﺼﺪﻙ ﻭﻳﺴﺘﺮ ﻋﻴﺒﺘﻚ

ﻭﺇﻧﻲ ﺑﺴﺎﻣﺢ ﺩﺍﻳﻤﺎً ﻭﺃﻏﻔﺮ ..

ﺣﺘﻰ ﻇﻨﻮﻧﻚ ﻭﺷﻜﻚ ﻭﺭﻳﺒﺘﻚ

ﻭﺇﻧﻲ ﺧﻠﻴﻠﺘﻚ ... ﻭﺇﻧﻲ ﺻﻐﻴﺮﺗﻚ ..

ﻭﺇﻧﻲ ﺣﻼﻟﻚ ﻭﺇﻧﻲ ﺭﺑﻴﺒﺘﻚ

ﻭﺇﻧﻲ ﻣﻬﻨﺪﺱ ﻛﻞ ﺃﻳﺎﻣﻚ ... ﻭ

ﻓﻲ ﺃﻭﺟﺎﻋﻚ ﺑﺒﻘﻰ ﻃﺒﻴﺒﺘﻚ

ﻭﺇﻧﻲ ﺍﻟﻌﺸﺘﺎ ﻣﻌﺎﻙ ﺍﻟﻔﺮﺣﺔ ...

ﻭﺇﻧﻲ ﻭﻗﻔﺖ ﻣﻌﺎﻙ ﻓﻲ ﻣﺼﻴﺒﺘﻚ

ﻭﺇﻧﻲ ﺍﻟﻨﻮﺭ ﺍﻟﻀﻮّﺍ ﻇﻼﻣﻚ ...

ﻭﺇﻧﻲ ﺍﻷﻣﻞ ﺍﻟﺒﺪﺩ ﺧﻴﺒﺘﻚ

ﻭﺇﻧﻲ ﻭﺣﺎﺗﻚ ﻣﺎ ﺑﺘﻜﺮﺭ ..

ﻻ ﻓﻲ ﺣﻀﻮﺭﻙ .. ﻭﻻ ﻓﻲ ﻏﻴﺒﺘﻚ

ﻭﺇﻧﻲ ﺣﺒﻴﺒﺔ ﻋﻤﺮﻙ ﻛﻠﻮ ...

ﺻﺒﺎﻙ ﻭﺷﺒﺎﺑﻚ .. ﻭﻋﺠﺰﻙ ﻭﺷﻴﺒﺘﻚ

.................

ﻭﺣﺎﻭﻝ ﺃﻓﻬﻢ ﻋﻤﻖ ﺇﺣﺴﺎﺳﻚ

ﻭﺍﻋﺮﻑ ﺇﻧﻨﺎ ﺃﺭﻭﻉ ﻧﺎﺳﻚ

ﻭﺇﻧﻨﺎ ﺭﻳﺪﻙ ﻭﺳﺎﺳﻚ ﻭﺭﺍﺳﻚ

ﻭﻣﻬﻤﺎ ﺗﺒﻌﺪ ﻋﻨﻲ ﻭﺗﺮﺣﻞ ...

ﺑﺮﺿﻚ ﺑﻔﻀﻞ ﻳﺎﺧﻲ ﻣﻼﺫﻙ

ﻭﺑﺠﺮﻱ ﻣﺤﻞ ﺍﻟﺪﻡ ﻓﻲ ﻭﺭﻳﺪﻙ ..

ﻭﺑﻲ ﺗﺘﺤﺮﻙ ﻛﻞ ﺣﻮﺍﺳﻚ

ﺳﻴﺐ ﺃﻭﻫﺎﻣﻚ ﻭﺃﻟﺤﻖ ﻧﻔﺴﻚ ..

ﺃﻧﺎ ﻳﺎ ﻏﺎﻟﻲ ﺷﻬﻴﻖ ﺃﻧﻔﺎﺳﻚ

ﻭﺩﻭﻧﻲ ﺑﺘﻔﻘﺪ ﻣﻌﻨﻰ ﺣﻴﺎﺗﻚ ..

ﻭﺑﻴﻨﻄﻔﻲ ﺑﺎﻟﺠﺪ ﻧﺒﺮﺍﺳﻚ .

ﺩﺍﻟﻴﺎ ﺍﻟﻴﺎﺱ

روائع الشعر السوداني

 راح النهار ..

وانا في رجاك

غربه وهواجس وانتظار

ماجابك الشوق بالدرب

ولا جاني طيفك اعتذار

ماكان تخلي الريد

يعلم صبري فيك الانكسار

او ينهزم لحظه غيابك

بالمخاوف والهلاويس الكتار

ياغاليه ماعارفه الصبر

كيفن بعذب وجمرو حار

لى زول بشوف اللقيا جنه

وواقعو نار

يمسح دموعو على عشم

يوم بكره ماتنزل غزار

***

اشتقته ليك

والشوق تعب وفتر معاي

فاقدك كتير

والوحشه ملت من عذاباتي وشقاي

ياغاليه طال الانتظار

وكمل ورا الاشواق غناي

واتبعثرت كلماتي ليك

اهه وشجن مزمار وناي

وانا منتظر

قدامي بادي عشم كبير

وهداك عذاب الريد وراي

علي همشري

روائع الشعر السوداني

 لو غربلو الدنيا ونقو صافيها

انسان جميل مثلك ما اتوجد فيها                                    

حاولت للذكرى للنفس ترفيها

أنظم غناك اشعار بالحب اقفيها....

من المعاني إختار ساميها صافيها

ارجع وأجد حسنك في حقيقتو خافيها                                        

روائع أوصافك دقت معانيها

كبرت عن التعبير لا حد يدانيها....

تحدت طموح العين تملاها تغنيها

قبلة قلوب الناس ومحل امانيها                                      

شخصت عيون الناس ورقصت حواليها

والألسن انطلقت تشكر معاليها....

دي بهجة الدنيا وأملآ محليها

اجمل جمال الكون قسمو الإله ليها                               

كل الرئاك يقول ما شفتنا شبيها

فيها المحاسن الكان في خيالي حابيها....

صار ليك عاشق يقول الروح بجود بيها

وكم عقول واعيان حسنك لعب بيها

سيد عبدالعزيز ✍🏼

روائع الشعر السوداني

 خاف من الله على قلبي 

من غرامك خاف

زرعت الشوك على دربو 

وياما في هواكم شاف قلبي

سنين وايام 

قضيت عمري في لوعة 

انادي الليل واقول ياليل 

انا المظلوم عساي دمعة

دموعي تسيل وليلي طويل 

وعايش في مهب الريح براي شمعة

انادي الليل واقول ياليل 

ياما في هواكم شاف قلبي

خسارة قلبي في حبك واخسارة 

علمتو يحبك 

ولما سار في دربك 

رحت وسبت حبيبك ليه

يا خسارة املي واملك وا خسارة

كنا بنبني الجنة 

ولما خلاص قربنا

رحت هدمت سعادتك ليه 

يا خسارة دمعي ودمعك وا خسارة 

ياما سهرنا ليالي 

ياحليلك يا غالي

وياما في هواكم شاف قلبي

يا قلبي انسى الفات وعيش من تاني وحداني 

ولو حنيت لعهد الشوق اجيب من وين عمر تاني

كفى يا قلبي شفت الويل وليل السهد بكاني

بعد ما تبت من النار حرام تتجدد احزاني

يضمك ليل ويطويك ليل ونار الويل ميهادة 

يا مظلوم وما ظالم حليلك والعمر فاني 

وياما في هواكم شاف قلبي

اسماعيل حسن

روائع الشعر السوداني

 هاك وصفو وخلي الإسم

سندس أخضر لون الجسم

في خديدُه يلالي الوسم

والكون ينور حين يبتسم

شخصو في الأفكار مرتسم

حبُه سارح في أعضاي سم

من صديرو وردفه الجسم

خصرهُ ميل كاد ينقسم

من لحاظو اعضاي تنفرم

في فؤادي النار تنصرم

جيدو دميه وعيناه ريم

من سناه الدر الكريم

قولهُ نايم وجسمك سليم

وفي قليبي الجرح الأليم

يحكي شعرك ريش الظليم

بس قليبك بي ما حليم

بي حبك كيف ينكتم

دمعي كل ما يفرغ يتم

خدو ضوى الليل العتم

يا عقيد الدر اليتيم

فكري دايماً في سين وجيم

وطرفي ساهر يحسا ويجم

لو عليك الحال منعجم

خلي قولي وسائل النجم

في خدوده النور يزدحم

وفينا تسرج نار الجحيم

كتفو في الدرعين يتلحم

ضِعنا يا رحمن يا رحيم

يا سمير ياخِل يا نديم

صبري قلاّ وأصبح عديم

برضي حافظ الشوق القديم

والغرام البي مستديم

أمشي سامر حالي النغيم

في ربوعه والدنيا غيم

خلي عبدالمطلب يقيم

في رياض حظه المستديم

ابوصلاح

روائع الشعر السوداني

 هاهيَّ الأرض تغطت بالتعب 

والبحارُ أتخذت شكل الفراغ 

وأنا مقياس رسمٍ للتواصل والرحيل 

وأنا الآنَ الترقبُ وانتظار المستحيل 

انجبتني مريم الاخرى قطاراً وحقيبة 

ارضعتني مريمُ الأخرى قوافي 

ثم أهدتني المنافي 

هكذا قد خبّروني ثم قالوا لي ترجل 

ثم أنتِ 

أنتِ يا كلُ المحاورِ 

والدوائر 

يا حكاياتُ الصبا 

تحفظين السر والمجد الذي ما بين نهديك اختبأ 

ليس يعنيكِ الذي قد ضاع من عمري هبأ 

وأنا صغيرتي لستُ أدري ما الذي يدفعني دفعاً اليكْ 

ما الذي يجعلني أبدو حزيناً حين أرتاد التسكع في مراي وجنتيكّ 

لا عليكْ 

تشهدُ الآن السفوح المطمئنه 

نحن قاتلنا سنيناً وأقتتلنا 

نحنُ سجّلنا التآلف وإنفعالات الأجنه 

واحتوانا البحرُ والمد اليقاوم والشراع 

ياهذه البنتُ التي تمتدُ في ديناي سهلاً وربوعاً وبقاع 

ما الذي قد صبّ في عينيكِ شيئاً من تراجيديا الصراع 

والمدى يمتدُّ وجداً عابراً هذي المدينه 

خبّريني ... هل أنا ابدو حزينا 

هل أنا القاتل والمقتول حيناً والرهينه؟ 

هل أنا البحرُ الذي لا يأمن الآن السفينه؟ 

خبئيني بين جدران المسام 

قبليني مرة في كل عام 

فأنا احتاجُ أن القاكِ في كل عام 

وأنا أحتاجُ أن القاكِ في ذرات جسمي 

في الشرايين المليئةِ بانقلاباتِ المزاج 

في إنعكاسِ الضوءِ 

في النافذةِ الاولى وبلّور الزجاج 

هكذا قد خبّروني ثم قالو ترجلْ 

وعلى اطروحة الحلم المسافر التقيك 

على حمى الرحيل المستمر الآن في كل المواطن التقيك 

في مساحات التوهج ... في جبيني التقيك 

في انشطار الوقت في كل الذرى 

وفي حكايات الطفولةِ إذ يعودُ بنا الزمانُ القهقري 

آه لو تاتينَ يا سيدتي من كل فجٍ واتجاه 

من عميقِ الموجِ 

من صُلبِ المياه 

تستطعين التنقّلَ بين ارجائي وظلّي 

تستطعين التوهجَ عند لحظات التجلي 

ولعينيكِ إمتلاكُ وثائقي حتما وقلبي 

ولعينيك التنصلُ عن مواثيقي ودربي هكذا قد خبروني ثم قالوا لي ترجل وأنا ابحثُ عن صيغة هذا البعدِ .. 

هـذا اللانهـائـي 

عن قرارِ الشعر عن لونِ التغرب بين جدران المقاهي آه لو تاتينَ .. آه 

تجدينَ الألف الممتدَّ سهلاً بإنتظارك 

وأنا كالحذر المنساب خوفا بين صالات الجمارك كالرحيل 

كالترقب وإنتظارِ المستحيل 

هكذا قد خبّروني ثم قالوا لي ترجـل

محمد عبد الله شمو

روائع الشعر السوداني

 الشاعر الكبير صلاح حاج سعيد في ذمة الله 

23/11/2022

*يوم "الحزن النبيل".. رحيل الشاعر الكبير صلاح حاج سعيد

*اللهمّ إنّه عبدك وابن عبدك* وابن أمتك، مات وهو يشهد لك بالوحدانية، ولرسولك بالشهادة، فاغفر له إنّك أنت الغفّار". 

*"اللهمّ لا تحرمنا أجره، ولا تفتنّا بعده، واغفر لنا وله، واجمعنا معه في جنّات النعيم يا ربّ العالمين".*

الشاعر صلاح حاج سعيد.. اسم مضيء في عالم الشعر الغنائي فهو يُعتبر واحداً من المجددين في مفردة الشعر، أضاف لها الكثير ومنحها أجنحة للتحليق في فضاءات جديدة محتشدة بالمغايرة والحداثة.. كتب صلاح حاج سعيد قائمة من الأغنيات الوسيمة التي شكّلت وجداننا السماعي وساهم في صياغة دواخلنا بكتابات ذات طعم مُغاير وشكل مختلف ..

نور بيتنا وتجربة ناجحة مع البلابل؟

ـ أغنية نور بيتنا هي تجربة حقيقية كتبتها في مولودي الأول جمال، وفي تلك المرحلة أنا بدأت كتابة الشعر الغنائي، وبعد كتابته ذهبت بها للأستاذ الملحن حسن بابكر والذي طلب أن تتغنى بهذا النص مغنية.. ولم يكن أي صوت نسائي متاح غير البلابل، فذهبت بمعيته للأستاذ بشير عباس في اتحاد الفنانين وقدمنا له نص (نور بيتنا) واحتفى به وتغنّت به البلابل وكان الأب الروحي لهن.. وأتمنى أن تكون هذه الأغنية حققت نجاحاً ووصلت بشكل جيد للمستمعين.

أغنية “لقيتو واقف منتظر” وتجربة وجدانية حميمة مع الطيب عبد الله؟

ـ هذه الأغنية كانت وليدة الصدفة، لأنني التقيت بالأخ الفنان الطيب عبد الله مع الفنان محمد ميرغني الذي كنت دائماً أزوره، فسألني عن الجديد من الشعر ولحُسن الحظ أنا كتبت نصاً جديداً وكنت أحفظه فقرأته له، وبعد فترة قليلة قام بتلحينه بسرعة لأن النص كان جديداً على تجربة الطيب عبد الله وأغنياته المشبعة بالحزن.. وأنا أعتقد بأن أغنية “لقيتو واقف منتظر” أحدثت نقلة في تجربته الغنائية.

تجربة ناضجة مع الفنان محمد ميرغني أقرب للثنائية؟

ربط بين محمد ميرغني والأستاذ الملحن حسن بابكر، وتقارب الوجدان حصل بسبب تقارب الأعمار والمزاج، وهي تجربة تعبر عن أشجان مشتركة.. وجمعتنا أغنيات كثيرة بعضها وجد الحظ في الوصول والأخريات لم يجدن نفس الحظ.. وهناك أغنيات كثيرة لم تصل الناس لأنّ محمد ميرغني كان مزدحماً بالغناء الجديد، حيث كثرت الأغنيات من عثمان خالد والسر دوليب والعديد من الشعراء، وفي هذه الزحمة تضيع بعض الأغنيات ولكن أغنية (ما قلنا ليك) وجدت حظها ومعها أخيراً أغنية (لو كان عصيت).

🖕🏼

*مقتطفات من حوار اجراه  الكاتب و الناقد الفني سراج الدين مصطفي مع الراحل*

✍🏼 فضيلي جماع 

17 مايو 2022

عندما قرأت أبيات صلاح حاج سعيد في رائعة فنان الثورة والفقراء مصطفى سيد احمد (تحرمني منك)..أحسست أنّ عاميتنا فصيحة ما تزال:

لا الزمن يقدر يحوّلْ

قلبي عنّكْ..

لا المسافهْ ولا الخيالْ..

يشغلْني عنّك

عارفني منّكْ !

وأقرأه في رائعة أخرى:

وبقيت أغني عليك غناوي الحسرة

والأسف الطويل

وعشان أجيب ليك الفرح

رضيان مشيت للمستحيل!

ومعاكي في آخر المدى

فتيني يا هجعة مواعيدي القبيل

بعتيني لي حضن الأسى

وسبتيني للحزن النبيل!

روائع الشعر السوداني

 عارفني منك

لا الزمن يقدر يحول قلبي عنك

لا المسافة ولا الخيال يشغلني منك

وتحرمني منك

والمواعيد لا بتجيب منك تودي

لا الزمن قادر يشيلنيعليك أعدي

لا التحايا ولاالمشاعر الحية في جوه الحنايا

لا رسالة تجيني منك لا خبر طمني عنك

وأنت سايق فيني ظنك

رغم انك إنت عارف انو منك

لا الزمن يقدر يحول قلبي عنك

لا المسافة ولا الخيال يشغلني منك

وأبقى بعدك في الأسى

وتبقى أنت الظالم القاسي النسى

وغصب عني أزيح ظنوني

وأقول عليك أنت المسامح

فوق شجوني

أعيش زمان بالفرقة جارح

وفي احتمالي وبالي منك

أنت سايئ فيني ظنك

رغم انك إنت عارف انومنك

لا الزمن يقدر يحول قلبيعنك

لا المسافة ولا الخيال يشغلني منك

يا هوى الألم النعيم

خليك على الوعدالقديم

وخليني في الشجن الأليم

وأبقى في كل المداين

سكتي وسفري الجحيم

تبقى إيه الدنيا من بعدك تكون

وأبقى إيه بعدكأكون

ما في احتمالي وباليإنك

أنت سايئ فيني ظنك

رغم انك إنت عارف انو منك

لا الزمن يقدر يحول قلبي عنك

لا المسافة ولا الخيال

يشغلني منك

عارفني منك

صلاح حاج سعيد

روائع الشعر السوداني

 الفينا مشهودة عارفانا المكارم أنحنا بنقودا

والحارة بنخوضا

الزول بفتخر يباهي بالعندو 

نحن أسياد شهامة والكرم جندو

ما في وسطنا واحداً ما انكرب زندو 

البعجز بيناتنا بنسندو

الليلة بنخوضا

ركابين عليهو الناصع أب غرة

نتباشر وقت نلقى الكلام حرة

ما بننفز يمين إن متنا فد مرة 

الخواف ما حر منو نتبرا

الليلة بنخوضا

للجار والصديق عشرتنا تتمنى

بنصون الأمانة السيدا أمنا

المغرور ندوسو ونعدموا الطنة

شافعنا بيرى الموت في الركاب سنة

محمد علي ابو قطاطي

روائع الشعر السوداني

 زى القمر 

واللهِ أحلي من القمر

ياحلوة يا ست البنات .. 

يامتعة للحب والنظر

طولتي بتخبي الغرام .. 

الليلة في عيونك ظهر

في بسمتك .. في رقصتك .. 

في خدودك الحلوين زهر

خلاك أحلي من البنات ... 

واللهِ أحلي من القمر

يااا حلوة بس خجلانه ليه

ايه الغريب و الحب حلاااال

فى نظرتك اجمل كلااام

دايما تقول للحب تعااال

بقيتى زى زهر الربيع

جميلة احلى من الجمااال

علمتى عينى السهر

ساااهرتى بالمحبوب شهر

الليلة حبك باان عليك

السر قدور

روائع الشعر السوداني

 ﺧﺬﻧﻲ

ﺇﻟﻰ ﻋﻴﻨﻴﻚ ﺃﺟﻤﻞ ﻭﺍﺣﺘﻴﻦ

ﻋﺮﻓﺖ ﺣﻴﻦ ﺩﺧﻠﺘﻬﺎ ﻟﻐﺔ ﺍﻟﺮﺣﻴﻖ

ﺧﺬﻧﻲ ﺇﻟﻰ ﻛﻔﻴﻚ

ﺍﻃﻬﺮ ﺑﻘﻌﺘﻴﻦ

ﺫﻛﺮﺕ ﺣﻴﻦ ﺃﺗﻴﺘﻬﺎ ﻗﺒﺮ ﺍﻟﺤﺒﻴﺐ

ﻭﺑﺎﺣﺔ ﺍﻟﺒﻴﺖ

ﺍﻟﻌﺘﻴﻖ

ﺧﺬﻧﻲ ﺇﻟﻰ ﺣﻴﺚ ﺍﻟﻘﺼﺎﺋﺪ ﺗﺴﺘﺮﻳﺢ

ﺑﻐﻴﺮ ﺃﻭﺭﺍﻕ

ﻭﺃﻗﻼﻡ ﻭﻧﺤﻦ ﻣﻊ ﺻﻐﺎﺭ

ﺍﻟﻠﻴﻞ ﻧﺴﻌﻰ ﻋﻨﺪ ﻗﺎﺭﻋﺔ ﺍﻟﻄﺮﻳﻖ

ﺧﺬﻧﻲ ﺇﻟﻴﻚ ..

ﻓﺈﻧﻨﻲ ﺃﺧﺸﻰ

ﺍﻟﺰﻣﺎﻥ ﻭﺃﺧﺎﻑ ﻣﻦ

ﻫﺬﻱ ﺍﻟﻬﻮﺍﺟﺲ ﻭﺍﻟﻈﻨﻮﻥ ﺗﻄﻮﻑ ﺑﻲ

ﻓﺄﻇﻞ ﺍﻫﺘﻒ

ﺑﺎﻷﻣﺎﻥ .. ﺃﻳﺎ ﺃﻣﺎﻥ

ﺃﺧﺸﻰ ﻣﻦ ﺍﻟﺮﻳﺢ ﺍﻟﺘﻲ ﺗﺠﺘﺎﺡ ﻗﻠﺒﻲ

ﻛﻠﻤﺎ ﺁﺏ ﺃﺗﻰ ﻣﻦ

ﻛﻞ ﻋﺎﻡ

ﻭﺃﺧﺎﻑ ﻣﻦ ﺣﻮﺍﺀ ﺗﺮﻛﺾ ﻓﻲ ﺩﻣﻲ

ﻭﺗﺤﺜﻨﻲ ﺃﻻ

ﺃﻧﺎﻡ .. ﻓﻼ ﺃﻧﺎﻡ

ﺃﺧﺸﻰ ﻣﻦ ﺍﻟﺘﻮﻕ ﺍﻟﻤﺤﺎﺻﺮ ﻋﻨﺪﻣﺎ ﺃﺧﻠﻮ

ﺇﻟﻴﻚ

ﻭﺃﻧﺖ ﺗﺪﺧﻞ ﻓﻲ ﻭﺭﻳﻘﺎﺗﻲ .. ﻭﺗﺨﺮﺝ ﻛﺎﻟﺴﻬﺎﻡ

ﺧﺬﻧﻲ ﺇﻟﻴﻚ ..

ﺍﻵﻥ ﻳﺎ ﺟﺮﺣﺎً

ﺃﻋﺎﻟﺠﻪ ﻓﻴﺰﺩﺍﺩ ﺍﺣﺘﺪﺍﻡ

ﺧﺬﻧﻲ ﺇﻟﻴﻚ ..

ﺍﻵﻥ ﻳﺎ ﺣﺰﻧﺎً

ﺃﻏﺎﻟﺒﻪ ﻓﻴﻐﻠﺒﻨﻲ ﻭﻳﻤﻌﻦ ﻓﻲ ﺍﻟﻤﻘﺎﻡ

ﺧﺬﻧﻲ ﺇﻟﻴﻚ ..

ﻓﺎﻧﻪ ﻓﺼﻞ ﺍﻟﺨﺮﻳﻒ

ﻭﺃﻧﺎ ﺃﺧﺎﻑ ﻣﻦ ﺍﻟﻤﻄﺮ

ﺍﻟﺮﻳﺢ ﺣﻴﻦ ﺗﻬﺐ ﺃﺩﺭﻙ ﺃﻧﻨﻲ ﻭﺣﺪﻱ ﻭﺿﺪﻱ

ﻫﺬﻩ ﺍﻟﺪﻧﻴﺎ

ﺑﺎﺟﻤﻌﻬﺎ ﻭﺳﻄﻮﺍﺕ ﺍﻟﻘﺪﺭ

ﺍﻟﺮﻋﺪ ﺣﻴﻦ ﻳﻀﺞ ﺍﺷﻌﺮ ﺍﻧﻪ ﻣﻦ ﺩﻭﻥ

ﻛﻞ ﺍﻟﻨﺎﺱ ﻳﻌﻨﻴﻨﻲ

ﺑﻐﻀﺒﺘﻪ ﻓﺎﻗﺒﻊ ﻛﺎﻟﺤﺠﺮ

ﺍﻟﺒﺮﻕ ﺣﻴﻦ ﻳﺸﻊ ﺍﻓﻬﻢ ﺍﻧﻪ ﺳﻴﻀﻲﺀ ﻓﻲ

ﻗﻠﺒﻲ ﺩﻳﺎﺟﻴﺮ

ﺍﻟﺤﺬﺭ

ﻭﺳﻴﻌﺮﻑ ﺍﻟﻨﺎﺱ ﺍﻟﺬﻱ ﺃﺧﻔﻴﺘﻪ ﻳﺘﺨﻄﻔﻮﻧﻚ

ﻳﺎ ﺃﻧﺎ .. ﻳﺎﻗﻠﺔً ﻋﻨﺪﻱ ﺑﺂﻻﻑ ﺍﻟﺒﺸﺮ

ﻓﺄﻇﻞ ﺍﻗﺒﻊ ﻓﻲ

ﺍﻟﺴﺮﺍﺩﻳﺐ ﺍﻟﻌﻤﻴﻘﺔ ﺧﻮﻑ

ﺃﻥ ﻳﺠﺘﺎﺣﻨﻲ ﺍﻟﺒﺮﻕ ﺍﻟﻤﺼﺮ

ﺧﺬﻧﻲ ﺇﻟﻴﻚ .. ﺍﻵﻥ ﻗﻠﺒﻲ ﻳﻨﺸﻄﺮ

ﺧﺬﻧﻲ

ﺇﻟﻴﻚ ... ﺍﻵﻥ ﺃﻭﺭﺩﺗﻲ ﺗﻨﺎﻡ ﻋﻠﻰ ﺭﺻﻴﻒ

ﺍﻟﻠﻴﻞ ﺷﻮﻗﺎً

ﺗﻨﺘﻈﺮ

ﺧﺬﻧﻲ ﺇﻟﻴﻚ ..

ﻣﻊ ﺻﻼﺓ ﺍﻟﻔﺠﺮ

ﻭﻗﺖ ﺍﻟﻠﻴﻞ ﻳﻤﻀﻲ ﻗﺒﻞ ﺇﻣﻀﺎﺀ ﺍﻟﻘﻤﺮ

ﺧﺬﻧﻲ ﺇﻟﻴﻚ .. ﺇﺫﺍ ﺃﺗﻰ ﻭﻗﺖ ﺍﻟﺴﺤﺮ

ﺧﺬﻧﻲ ﺇﻟﻴﻚ ..

ﻓﻌﻨﺪﻣﺎ ﻧﺘﻠﻮ

ﻣﻌﺎً ﻣﻦ ﺳﻮﺭﺓ ﺍﻟﺮﺣﻤﻦ ﺷﻴﺌﺎً

ﻳﺴﺘﺮﻳﺢ ﺍﻟﻘﻠﺐ ﻣﻦ

ﻫﺬﺍ ﺍﻟﺴﻔﺮ ﺑﺎﻗﻲ ﺍﻟﻌﻤﺮ

ﻟﻴﺲ ﻳﻬﻤﻨﻲ ﻣﻦ ﺑﻌﺪ

ﺃﻥ ﻳﺒﻘﻰ

ﻭ ﺃﻥ ﻳﻤﻀﻲ ﺍﻟﻌﻤﺮ

ﺭﻭﺿﺔ ﺍﻟﺤﺎﺝ

روائع الشعر السوداني

 ويُؤلِمُني

أنَّني كنتُ صادقةً

كنتُ مؤمنةً

بينما لم تكُنْ!

ويُحزنُني

أنَّني قلتُ للقلبِ

يومَ التقيناكَ

ها قد وجدناه!

صدَّقَنِي

فاطمأنْ!

ويُوجِعُنِي

أنَّني خُنتُ حدسي

وخالفتُ نفسي

فلم يغْشنِي فيكَ شكٌ

ولم يغْشنِي فيكَ ظنْ

ويقهرُنِي

أنَّني الآنَ

موجوعةُ القلبِ جداً

ولكنَّني

لستُ أدري

إلى أين أهربُ

من كلِّ هذا الحَزَنْ!

فما عدتُ نفسي

ولا أنتَ أنتَ

ولا وطني

عادَ ذاتَ الوطنْ!

روضة الحاج

روائع الشعر السوداني

 يا ابوي سلام

ما شفت يا ابوي حال الخلوق

يا يابا عاااااااااادي الناس تسافر

لا وداع لا حن وشوق

يا يابا عادي الناس تلهلب في المزامير الحروق

وببيعو في السوق العروض

ببيعو في السوق العروض

حتى المشاعر ليها سوق

يا ابوي سلام

يا ابوي دحين ارقد قفا

صح يا ابوي الناس هناك ممزوجة بي طيبة و وفا

و بالحن و بي معنى الأمان والريدة ديمة مسرفة

لكن تعال شوف المدن

معجونة بي طينة التحضر

وفيها حبة عجرفة

والناس ملخبطة بالجفا

ومكتومة لا بتدور تجيك

لا دايرة منك معرفة

ودة كلللو هيين يا ابوي

بس يا عزيزي المشكلة

والمعجزة

في البندر آ يابا الحبيب

قايلين علينا

اهل العوض ..

استغفر الله العظيم

...

ياهو العوض

سيد الرجال ال ما بخلي اللوم قفا

ياهو العوض دخري الحريم

سكينو ساللها للضبح

وايديهو لي كرم الخلق

يا حلة ديمة مكفكفة

يا الدمعة في خد الخلق

نزلت بلا ما يكفكفا

...

يا ابوي سلام

نضال حسن الحاج

روائع الشعر السوداني

 المهيــــــــــــــــــرة 

المهيرة وعقد الجلاد النااااااااار 

 ياعروسنا عريسك غلبوا الثبات

المهيرة وعقد الجلاد النار 

 ياعروسنا عريسك غلبوا الثبات

المهيرة وعقد القصيص 

 انت الملكة وحرس انجـــــليز

حكـــــــــــــــــــــــــــــومة

 يا عروسنا عريسك غلبوا الثبات

المهيرة البيت فرشو 

ديل نسابتك بالبيجو جو

كلام يا عروسنا عريسك غلبو الثبات

 ، يا ام خشيمن ما قال وقال

يا ام قديمن ما شال كلام 

يا عروسنا عريسك غلبوا الثبات

كـــــــــــــــــلام كــــــــــــــــلام

تراث