البريدك شان مصالح
عمرو ببقي معاك قصير
بقضي مصلحتو وبفوتك
ولما يلقي بديل بغير
والبريدك شان حلاوة
بكرة بقنع من حلاوتك
اصلو حباك بي عيونو
وما بهم جواو غلاوتك
والبريدك ريدة عابرة
المواقف ليو بتفضح
والنوايا الفيو تجاهك
بالزمن بتبان وتوضح
والبريدك شان بريدك
بقبلك بي كل عيوبك
ومهما تعمل ما بسيبك
وبمشي اخر حد دروبك
امسك البيريد وبوفي
وديمة ابقي عليهو عشرة
والبتاجر بالمشاعر
اصلو ما تديهو ثغرة
#بقلمي مايسترو الاحساس والمشاعر صابر ادم
ليست هناك تعليقات:
إرسال تعليق