جدى الريل
ساعة ساعة أنا بتاوقن
ولحظه ما بقدر أفارقن
لي عيوني الشوق حارقن
والدموع داير تغرقن
والدن قال ما يمرقن
خايف النظرات تلحقن
وخايف العين لاتعوقن
هن وين تانى بيتلقن
ولى يخفظن الخالقن
متلى كم زول مات بالشجن
وقبلى ود الزومه اتسجن
كان زمان لى شتلو بيسقن
وديمه فى اللوبه يورقن
مره فى القعده ينقنقن
يحلفنو ولا يصدقن
أنا ما بخاف الموت والسجن
ولسه جسمى الصدى بتعجن
•♡•♕•♡•
جدى الريل ابو كزيمة
تعال نتمشى فى الغيمة
ماغيمة ريد تكب فى ريهدة
شواطيهو الخدر ديمة
نصارحك لا نخاف إنسان
ننسى الماضي والأحزان
نلاقى القمري لابس الطوق
يغني يغني للوجدان
يفر جنحيهو زى توبة
يصفق للزهور نشوان
جدي الريل أبو كزيمة
تعال نتمشى في الغيمة
ما غيمة ريد تكب في رهيدة
شواطيهو الخدر ديمة
أنت هناك ياحليلك
بفر فى قلبى ونشيلك
وتلقى الدنيا ياحبيب
تشيل افراحه تمشيلك
جدى الريل ابو كزيمة
تعال نتمشى في الغيمة
ما غيمة ريد تكب في رهيد
شواطيهو الخدر ديمة
جدى الريل ابو كزيمة
تعال نتمشى فى الغيمة
ماغيمة ريد تكب فىريهدة
شواطيهو الخدر ديمة
كلمات : محمد عمر عبد الرحيم
ألحان وغناء : عبد الرحمن عبد الله
( الرمية للشاعر : عبد الله محمد خير )
ليست هناك تعليقات:
إرسال تعليق