يا أخوانا كان رقتو✨..
يا اخوانا كان رقتو انا بوصف الشفتو
شفت الشعر جار لحنتو التحتو
ال زي فريع البان في الرقصة تتني
وزي السواد الليل في ايديها دي الحنه
خطوه بخطوه بروقه تتأني
والنهود تهتز ياهو ده المجننا
الشعر اسود زي سواد الليل
والكفيل عالي طبعو خصرو نحيل
والقديم مدبور في مشيها وحيل
والصدير ناهد علمني اساهر الليل
في الخشيم بسمة تنور الظلمة
وفي الرقيص حشمة زي البانه منقسمة
تجلت الحكمة في قدرتو الرسمها
والعطر فايح جابتو النسمة
الصادق الياس
علي ابراهيم اللحو
ليست هناك تعليقات:
إرسال تعليق