في قعر راكوبة ست الشاي جمبت ستنا
مآآآآآآآ حارتنا و بِنريدآآآآآآآ !!!!!!!
لبعض الأوباش في حارتنا وحدتنا الذين بأنوا على حقيقتهم، ومعدنهم الرخيص وعنصريتهم القيح في هذا الزمن العصيب الذي يمر به سوداننا والذين ظهروا على حقيقتهم فيما يضمرونه من غِل وحسد وقلوب سوداء إتجاه الآخر .
التأريخ يحفظ لكم صنيعكم هذا.
وغداً لناظره لقريب.
فأعلموا الناس شركاء في ثلاث :
الماء.
والكلا.
والنار.
كل الخدمات ( ماء وكهرباء ومدارس و مستشفيات وجميع الخدمات ) في حارتنا وحدتنا جاءت بالعون الذاتي .
يعني كل بيوت حارتنا وحدتنا شركاء فيها .
و الماء ( المويه ) اللي بتمنعوا ناس منها وبتعطوا ناسكم وعشيرتكم و قبيلتكم
بعنصريتكم وتكتلكم العنصري البغيض اعلموا أن كل مواطنين حارتنا وحدتنا لهم الحق في اي نقطه ماء فيها ساهموا بالعون الذاتي في حفر آبارها ونصب صهاريجها، وحفر خطوط امدادها وتوصيل وربط شبكاتها ولهم الحق الكامل في اخذ نصيبهم منها .
وكل واحد منكم أيها الحاقدون حفر ليهوا حفره في شبكة المياة قدام بيتوا يشفط المويه من الخط ويمنع جاره لانوا ما من أهلوا .!!!
ويعطى الماء لجاره الآخر لانوا قريبوا ومن قبيلتوا !!!.
تلقى الواحد من هولاء النكرات الحاقدين أبوه المؤسس او جدو المؤسس ما دفع مساهمة العون الذاتي حينها و اعفوه من المساهمة بتاعت العون الذاتي لضيق ذات اليد .
ويجي اليوم ولده ولا حفيدوا ويمنع الجيران من المويه.
بالمناسبة إيصالات المساهمة حقت العون الذاتي لادخال الماء والكهرباء والمدارس والخدمات موجوده .
ولو اضطرينا بنطلعها ليكم .
عشان ما يجينا واحد راسوا مطلفح يمنع الجيران من المويه اللي ساهم فيها ابوه او جدو في إدخالها .
عايشين جيران لمدة 53 سنة .
و لكن ظهرتوا على حقيقتكم
تبا ً لكم ولامثالكم .
ومعها بصاق تُفاف الشيخ اللي بتف دآآآك..
يا يوم بُكره ما تسرع .
وغداً لناظره لقريب .
يآآآ عيب الشؤم .
وإذ البلد راقت هنالك قضايا لا تسقط بالتقادم.
و القانون يأخذ مجراه .
،،،، وكن حيين وبنتشاوفوا ،،،،
أيوب الحويطات