والغريب لسع بتسأل:
ليه بريدك؟
اسأل الدم البيجري..
كيف عرف سكة وريدك؟
واسأل الكف البتكتب..
كيف بقت بالفطرة إيدك؟
واسأل الحرف المعنّى..
كيف دخل أبيات قصيدك؟
واسأل الحزن البيصبح..
دمعة سالت في خديدك
واسأل اليوم السعيد..
الحضر لحظة جديدك
واسأل أ. لبهجة البترسم..
معنى عيدك
واسأل أقدارك وحظك..
ولوح حياتك
واسأل اللحظة البتشهد..
يوم مماتك
تعرف انو الحب مسطر..
وإنو كاتبو المولي سيدك
ليست هناك تعليقات:
إرسال تعليق