عادة قبيحة في مجتمعنا

ﻋﺎﺩﺓ ﻗﺒﻴﺤﻪ ﻓﻲ ﻣﺠﺘﻤﻌﻨﺎ :

ﻃﻖ ﻃﻖ ﻃﻖ ﺳﻼﻡ ﺃﻫﻞ ﺍﻟﺒﻴﻴﺖ ..ﺍﻟﺤﺮﻳﻢ ﻭﺍﻟﺒﻨﺎﺕ ﺍﻟﻔﻰ ﻧﺺ

ﺍﻟﺤﻮﺵ، ﻗﺎﻣﻮ ﻳﺘﻄﺎﻗﺸﻮ ﻭﻳﺘﺠﺎﺭﻭ ﺫﻯ ﺍﻟﻜﺎﻧﻮ ﻓﻰ شارع. ﻭﺍﺣﺪﺓ ﺟﺮﺕ ﺩﺧﻠﺖ ﺍﻟﻤﻄﺒﺦ ،ﻭﺇﺗﻨﻴﻦ

ﺇﺗﺤﺸﺮﻥ ﺗﺤﺖ ﺣﺘﺔ ﻃﺮﺣﺔ ﺯﻯ ﺍﻟﺼﺎﺑﺔ ﻓﻴﻬﻦ ﻣﻄﺮﺓ،ﻭﺍﻷﻡ ﺟﺪﻋﻮ ﻟﻴﻬﺎ

ﺍﻟﺘﻮﺏ ﻣﻦ ﺟﻮه ﺍﻟﺒﺮﻧﺪﺓ ﻭﺧﺘﻔﺘﻮ ..

ﻣﻊ ﻣﻼﺣﻈﺔ ﺇﻧﻮ ﺍﻟﻤﺴﺎﻓﺔ ﺑﻴﻦ ﺍﻟﺼﻔﻘﺔ ﻭﺍﻟﺪﺧﻮﻝ1 ﺛﺎﻧﻴﺔ ﻭ003 .

ﻛﺴﺮ ﻣﻦ ﺍﻟﺜﺎﻧيه

ﺃﻧﺎ ﻣﺘﺄﻛﺪ ﺍﻟﺴﻴﻨﺎﺭﻳﻮ ﺍﻟﻔﻮﻕ ﺩﺓ ﻣﻤﻜﻦ ﺣﺼﻞ ﻟﻠﻐﺎﻟﺒﻴﺔ ﺑﻨﻔﺲ

ﺍﻟﺴﻴﻨﺎﺭﻳﻮ ،ﻭﺑﺤصل ﻓﻰ ﺍﻟﻴﻮﻡ ﺃﻟﻒ ﻣﺮﺓ ﻋﻠﻰ ﻣﺴﺘﻮﻯ

ﺍﻟﺴﻮﺩﺍﻥ .! ﻣﺴﺄﻟﺔ ﺇﻧﺘﻬﺎﻙ ﺍﻟﺨﺼﻮﺻﻴﺔ ﻭﺣﺮﻣﺔ ﺍﻟﺒﻴﻮﺕ ﻣﻦ ﺃﺳﻮﺃ

ﺍﻟﻌﺎﺩﺍﺕ ﻋﻨﺪﻧﺎ ﻭﺃﻛﺘﺮ ﺇﻧﺘﺸﺎﺭ ﺑﺼﻮﺭﺓ ﻣﺒﺎﻟﻎ ﻓﻴﻬﺎ ﻳﻌﻨﻰ ﻣﺎﻓﻰ ﺃﺳﻮﺃ

ﻣﻦ ﺇﻧﻮ ﺍﻟﻤﺮأة ﺯﻭﺟﺔ ﺍﻭ ﺑﺖ ﺍﻭ ﺃﻡ ﺗﻜﻮﻥ ﻓﻰ ﺣﺎﻟﺔ ﺧﻠﻌﺔ . ﻭﻋﺪﻡ ﺇﺳﺘﻘﺮﺍﺭ ﻓﻰ ﺑﻴﺘها 24 ﺳﺎﻋﺔ ﻓﻰ ﻭﺿﻊ ﺍﻹﺳﺘﻌﺪﺍﺩ ﻭﺧﺎﺗه ﺗﻮﺑﺎ

ﺟﻤﺒﻬﺎ ﺣﺘﻰ ﺟﻮﺓ ﻏﺮﻓﺘﺎ .!!ﺍﻟﺤﺎﺟﺔ ﺩﻯ ﺇﻃﻼﻗﺎ ﻣﺎﻋﻨﺪﻫﺎ ﻋﻼﻗﺔ

ﺑﺎﻟﺤﻨﻴﺔ ﻭﺍﻟﻌﻔﻮﻳﺔ ﻭﺍﻟﻄﻴﺒﺔ ﻭﻭﻭ . ﺇﻃﻼﻗﺎ ؛ بالعكس ﺩﻯ ﻓﻴﻬﺎ ﺇﻧﺘﻬﺎﻙ

ﻏﺮﻳﺐ ﻟﺤﺮﻣﺎﺕ ﺍﻟﻨﺎﺱ . ﻭﻋﻮﺭﺍتهم ..

ﻳﻌﻨﻰ ﻣﺎ ﻣﻤﻜﻦ ﺇﻧﺖ ﺗﻮﻭﻭﺵ ﺗﺠﻰ ﺩﺍﺧﻞ ﻭﺍﻟﻨﺎﺱ ﻣﺎﺧﺪﺍ ﺭﺍﺣﺘﺎ ؛

ﺣﺘﻰ ﻟﻮ ﺩﻯ ﺧﺎﻟﺘﻚ ﻭﺑﻨﺎﺗﺎ ﺍﻭ ﻋﻤﺘﻚ ﺍﻭ ﺣﺘﻰ ﺃﺧﺘﻚ ﻭﻣﻦ ﺣﺴﺎﺳﻴﺔ ﺍﻟﻤﺴﺄﻟﺔ وخطورتها ﺭﺑﻨﺎ ﻣﻨﺰﻝ ﻓﻴﻬﺎ ﺁﻳﺎﺕ ﺑﺎﻟﺘﻔﺼﻴﻞ ﻭﺍﻟﺘﻮﺟﻴﻪ ﻟﺪﺭﺟﺔ

ﺇﻧﻮ ﺣﺪﺩ ﺣﺘﻰ ﻛﻴﻔﻴﺔ ﺍﻹﺳﺘﺌﺬﺍﻥ ﻭﺍﻟﺰﻳﺎﺭﺓ ﻧﻔﺴﻬﺎ ‏)

‏( ﻳﺄﻳﻬﺎ ﺍﻟﺬﻳﻦ ﺁﻣﻨﻮﺍ ﻻﺗﺪﺧﻠﻮﺍ ﺑﻴﻮﺗﺎ ﻏﻴﺮ ﺑﻴﻮﺗﻜﻢﺣﺘﻰ ﺗﺴﺘﺄﻧﺴﻮﺍ

ﻭﺗﺴﻠﻤﻮﺍﻋﻠﻰ ﺃﻫﻠﻬﺎ ‏(ﺣﺘﻰ ﻓﻰ ﺟﺰﺀ ﻣﻦ ﺍﻵﻳﺔ ﺑﻘﻮﻝ : ‏)

‏(ﻓَﺈِﻥ ﻟَّﻢْ ﺗَﺠِﺪُﻭﺍ ﻓِﻴﻬَﺎ ﺃَﺣَﺪًﺍ ﻓَﻠَﺎ ﺗَﺪْﺧُﻠُﻮﻫَﺎ ﺣَﺘَّﻰٰ ﻳُﺆْﺫَﻥَ ﻟَﻜُﻢْ ۖﻭَﺇِﻥ ﻗِﻴﻞَ ﻟَﻜُﻢُ ﺍﺭْﺟِﻌُﻮﺍ ﻓَﺎﺭْﺟِﻌُﻮﺍ ‏) ‏( ﻳﻌﻨﻰ ﻳﺎﺣﺒﻴﺒﻨﺎ ﻋﺎﺩﻯ ﺗﻘﻴﻒ ﻓﻰ ﺍﻟﺒﺎﺏ ﻭﺗﺪﻕ ﻭﻟﻮ ﻣﺎﻓﺘﺤﻮ ﻟﻴﻚ ﺍﻟﺒﺎﺏ ﻋﺎﺩﻯ ﺗﺮﺟﻊ .

ﻭﻟﻮ ﻗﺎﻟﻮﺍ ﻟﻴﻚ ﺍﺭﺟﻊ ﻋﺎﺩﻯ ﺗﺮﺟﻊ، ﻭﺑﺪﻭﻥ ﺯﻋﻞ ﺑﻌﺪﻳﻦ ﻓﻰ ﺃﻭﻗﺎﺕ

ﻣﺤﺪﺩﺓ ﺩﻯ ﺍﻟﺰﻳﺎﺭﺓ ﻓﻴﻬﺎ ﻣﻤﻨﻮﻋﺔ، ﺣﺘﻲ ﻟﻼﻭﻻﺩ ﺟﻮﺓﺍﻟﺒﻴﺖ .. ﺍﻷﻭﻻﺩ

ﻟﺰﺍﻣﺎ ﻋﻠﻴﻬﻢ ﻳﺴﺘﺄﺫﻧﻮﺍ ﻓﻴﻬﺎ ﻋﻠﻰ ﺍﻟﻮﺍﻟﺪﻳﻥ ﻭﻫﻰ

ﻗﺒﻞ ﺻﻼﺓ ﺍﻟﺼﺒﺢ ،ﻭﺑﻌﺪ ﺍﻟﻈﻬﺮ ﻭﺑﻌﺪ ﺍﻟﻌﺸﺎﺀ .

ﺧﻼﺹ ﻛﻔﺎﻳﺔ ﺍﻟﺮﻛﻮﻥ ﻟﻌﺒﺎﺭﺓ ﻋﺎﺩاﺗﻨﺎ ﻭﺗﻘﺎﻟﻴﺪﻧﺎ

.. ﻛﺜﻴﺮ ﻣﻦ ﻋﺎﺩﺍﺗﻨﺎ ﻣﺤﺘﺎﺟﺔ ﻣﺮﺍﺟﻌﺔ ﻭﻓﻠﺘﺮﺓ ﻭﺇﻋﺎﺩﺓ ﻧﻈﺮ .

ﻭﻟﻮ ﺗﻄﻠﺐ ﺍﻟﻤﻮﺿﻮﻉ ﺍﻟﻤﺼﺎﺭﺣﺔ ﻭﺍﻹﺣﺘﺠﺎﺝ ﻭﻗﻮﻝ ﺍﻟﺤﻖ .. ﻣﻬﻤﺎ

ﻛﻨﺖ ﻛﺒﻴﺮ ﻓﻰ ﺍﻟﺴﻦﺃﻭ ﻗﺮﻳﺐ ﻣﺎﻣﻦ  ﺣﻘﻚ ﺗﺨﺶ ﺍﻟﺒﻴﻮﺕ ﺑﺎﻟﻄﺮﻳﻘﺔ

ﺍﻟﻤﺤﺮﺟﺔ ﺩﻱ،،،،،،،

ﻧﺘﻌﻠﻢ ﺷﻮﻳﺔ ﻧﻈﺎﻡ ﻭﻟﻌﻞ ﻧﺎﺱ ﺍﻟﺼﻔﻘﺔ ﻳﺘﻌﻠﻤﻮا ﺃﺩﺁﺏ ﺍﻹﺳﺘﺌﺬﺍﻥ