راشد عبدالقادر
جنجويد رباطه..
من اول لحظه كانوا جنجويد رباطه ما جديد ولا تحول مفاجئ فى السلوك ياهم ذاااتم من قولة تيييت قتل وسرقة ونهب واغتصاب..
اصلا عملوهم وصنعوهم واستعانوا بيهم عشان جنجويد رباطه
استخدموهم عشان جنجويد رباطه
كتلوا بيهم وحرقوا بيهم ونهبوا بيهم واغتصبوا بيهم وهم جنجويد رباطه
دافعوا عنهم عشان جنجويد رباطه
كبروهم وسمنوهم وصدروهم واغنوهم عشان جنجويد رباطه
خوفوا بيهم الخلق عشان جنجويد رباطه
تآمروا على مسار الثورة حتى لا يتم حل الجنجويد الرباطة ويحتفظوا بهم ككلاب صيد ..
هل مشكلتك معاهم عشان هم جنجويد رباطه وبالتالى مع العملوهم من البداية وصمموهم بالشكل دا؟
ولا بس مشكلتك عشان اتحول مكان شغلهم وانتشارم من قرى ومدن دارفور وبقوا فى الوسط والشمال؟
لو مشكلتك معاهم هم كأكبر جريمة اتصنعت فى تاريخ السودان تبقى بالتالى مشكلتك مع المجرم الصنع الجريمة دى من الاساس ووصلنا للكارثة البنعيشا الان..
اما لو مشكلتك بس مع مكان انتهاكاتم وجرائمهم وقتلهم ونهبهم يبقى انسى المجرم الاساسي وانسى كل موت وقتل ونهب واغتصاب وحريق خارج مكان اهتمامك وانسى التاريخ ومسار الاحداث الافضت لما يحدث الان.. وتماهى بالكامل مع المجرمين الذين صنعوا الكارثة واوجدوا الوحش من العدم
#حرب_عبثية
ليست هناك تعليقات:
إرسال تعليق