الأغاني السودانية

 الأغنية دي قصة حقيقية 

واكتر قصة حزينة ، وكتب هذا الشاعر 

على لسان هذه الفتاة المجروحة 

ا💔اغنيةﺣﺒﻲ ﺍﻧﺎ ﻟﻴﻚ ﻛﺎﻥ ﺯﺍﺩﻱ ..💔

ﺍﻟﻘﺼﺔ ﺑﺪﺃﺕ ﻓﻲ ﻗﺮﻳﺔ ﻭﺍﺩﻋﺔ ﻣﻦ ﻗﺮﻯ ﺍﻟﺸﺎﻳﻘﻴﺔ ﺑﻴﻦ ﻓﺘﺎﺓ ﻭ ﺷﺎﺏ ﻣﻦ ﻧﻔﺲ ﺍﻟﻘﺮﻳﺔ

ﻛﺎﻧﻮﺍ ﻓﻲ ﺍﻟﻤﺮﺣﻠﺔ ﺍﻟﺜﺎﻧﻮﻳﺔ . ﻧﺸﺄﺕ ﺑﻴﻨﻬﻢ ﻋﻼﻗﺔ ﺣﺐ ﻋﻔﻴﻔﺔ ، ﺗﻮﺍﻋﺪﻭﺍ ﺃﻧﻬﻢ ﻳﻜﻮﻧﻮ

ﻟﺒﻌﺾ ﻭ ﻋﺎﺷﻮﺍ ﻓﺘﺮﺓ ﻣﻦ ﺍﻟﺤﺐ ﺍﻟﺠﻤﻴﻞ ﻣﻊ ﺍﻷﻳﺎﻡ ..

ﺍﻟﻤﻬﻢ ﺍﻟﻮﻟﺪ ﺳﺎﻓﺮ ﻭ ﺇﻧﻘﻄﻌﺖ ﺍﺧﺒﺎﺭﻭ ﻭ ﺍﻟﺒﺖ ﺗﺸﻴﻞ ﻭ ﺗﺮﻓﺾ ﻓﻲ ﺍﻟﻌﺮﺳﺎﻥ ﻋﺸﺎﻥ

ﻣﻨﺘﻈﺮﺓ ﺣﺒﻴﺐ ﺍﻟﻘﻠﺐ ، ﺍﻟﻤﺸﻜﻠﺔ ﻭ ﺍﻟﻄﺎﻣﺔ ﺍﻟﻜﺒﺮﻯ ﺇﻧﻮ ﺃﺧﻮﻧﺎ ﺩﺍ ﻛﺎﻥ ﻋﺎﻣﻞ ﻟﻴﻬﻮ

ﻗﺼﺔ ﺣﺐ ﺗﺎﻧﻴﺔ ﻣﻊ ﺑﺖ ﻣﻦ ﺇﺣﺪﻯ ﺍﻟﻘﺮﻯ ﺍﻟﻤﺠﺎﻭﺭﺓ ﻟﻴﻬﻢ

ﻭ ﺍﻟﻔﺘﺎﺓ ﻣﺎ ﻋﺎﺭﻓﺔ ﺍﻟﻘﺼﺔ ﺩﻱ ﻭ ﻣﻔﺘﻜﺮﺓ ﺇﻧﻮ ﺍﻟﺸﺎﺏ ﻣﺨﻠﺺ ﻟﻴﻬﺎ ﻫﻲ ﻭ ﺑﺲ .

ﻣﺮﺕ ﺳﻨﻴﻦ ﻭ ﺻﺎﺣﺒﻨﺎ ﻋﻤﻞ ﻟﻴﻬﻮ ﻗﺮﻳﺸﺎﺕ ﻭ ﺭﺟﻊ ﺍﻟﻘﺮﻳﺔ ﻭ ﻫﻮ ﻳﻔﻜﺮ ﻓﻲ ﺍﻟﺰﻭﺍﺝ ،

ﺍﻟﻔﺘﺎﺓ ﻃﺒﻌﺎً ﻓﺮﺣﺖ ﺑﺈﻧﻮ ﻓﺎﺭﺱ ﺃﺣﻼﻣﻬﺎ ﺭﺟﻊ ﻭ ﺣﻴﺠﻲ ﻳﺨﻄﺒﻬﺎ . ﻓﻲ ﺍﻟﻴﻮﻡ ﺍﻟﺮﺟﻊ

ﻓﻴﻬﻮ ﺍﻟﻌﺼﺮ ﺍﻟﺒﺖ ﻣﺸﺖ ﺇﻧﺘﻈﺮﺗﻮ ﻋﻠﻰ ﺿﻔﺎﻑ ﺍﻟﻨﻴﻞ ﻓﻲ ﺍﻟﻤﻜﺎﻥ ﺍﻟﻤﺘﻌﻮﺩﻳﻦ ﻳﻘﻌﺪﻭ

ﻓﻴﻬﻮ ﻣﻊ ﺑﻌﺾ ﺯﻣﺎﻥ ...

ﺇﻧﺘﻈﺮﺕ ﻭ ﺇﻧﺘﻈﺎﺭﻫﺎ ﻃﺎﻝ ﺑﻴﻬﺎ ﻟﺤﺪﻱ ﺍﻟﻤﻐﺮﺏ ﻭ ﺻﺎﺣﺒﻨﺎ ﻻ ﺣﺲ ﻭ ﻻ ﺧﺒﺮ ..

ﺯﻫﺠﺖ ﺍﻟﺒﺖ ﻭ ﺭﺟﻌﺖ ﻋﻠﻰ ﺍﻟﺤﻠﺔ ، ﻭ ﻓﻲ ﺍﻟﻄﺮﻳﻖ ﺳﻤﻌﺖ ﺻﻮﺕ ﺯﻏﺎﺭﻳﺪ ﻭ ﺑﺪﺍ ﻗﻠﺒﻬﺎ

ﻳﺪﻕ ﺑﺸﺪﺓ ﻭ ﺃﺳﺮﻋﺖ ﺍﻟﺨﻄﻰ ﺗﻤﻨﻲ ﺍﻟﻨﻔﺲ ﺑﺈﻧﻮ ﻳﻜﻮﻥ ﺳﺒﻘﻬﺎ ﻋﻠﻰ ﺑﻴﺘﻬﻢ ﻭ ﺧﻄﺒﻬﺎ

ﻣﻦ ﺃﺑﻮﻫﺎ ...

ﻭﺻﻠﺖ ﺍﻟﺒﻴﺖ ﻭ ﻣﺎﻓﻲ ﺃﻱ ﺧﺒﺮ ، ﺍﻟﺰﻏﺎﺭﻳﺪ ﻃﺎﻟﻌﺔ ﻣﻦ ﺑﻴﺖ ﺍﻟﺸﺎﺏ .. ﺑﺮﺿﻮ ﺍﻟﻌﺸﻢ

ﻣﺎ ﺇﻧﻘﻄﻊ ﻭ ﺇﻓﺘﻜﺮﺕ ﺇﻧﻮ ﺻﺎﺭﺡ ﺃﻫﻠﻮ ﺑﺎﻧﻮ ﺩﺍﻳﺮﻫﺎ ﻭ ﻧﺎﺱ ﺑﻴﺘﻢ ﺯﻏﺮﺩﻭ .. ﻭ

ﻫﻲ ﺑﻴﻦ ﺍﻟﺤﻠﻢ ﻭ ﺍﻟﺤﻘﻴﻘﺔ ﺳﻤﻌﺖ ﺃﺑﻮﻫﺎ ﺑﻴﺴﺄﻝ ﻓﻲ ﺃﻣﻬﺎ ﻭ ﺑﻴﻘﻮﻝ ﻟﻴﻬﺎ .. ﺇﻧﺖ

ﻳﺎﺍﻟﺤﺮﻡ ﺍﻟﺰﻏﺎﺭﻳﺪ ﺍﻟﻌﻨﺪ ﻧﺎﺱ ﺣﺎﺝ ﺍﻟﻀﻮ ﺩﻱ ﺷﻨﻮ ؟ .. ﻭ ﺭﺩﺕ ﺍﻟﺤﺮﻡ : ﺩﺍ ﻭﻟﻴﺪﻫﻢ

ﻋﺎﺩﻝ ﺭﺟﻊ ﺍﻟﻠﻴﻠﺔ ﻣﻦ ﺍﻟﺒﻨﺪﺭ ﻭ ﻗﺎﻟﻮﺍ ﺧﻄﺐ ﺑﺖ ﺍﻟﺤﺴﻦ ﻭﺩ ﺍﻷﻣﻴﻦ ﻓﻲ ﺣﻠﺔ ﻋﺒﺎﺱ ..

ﻣﻦ ﺍﻟﻤﻔﺎﺟﺎﺀﺓ ﺍﻟﻔﺘﺎﺓ ﺳﻘﻄﺖ ﻣﻐﻤﻰ ﻋﻠﻴﻬﺎ ﻭ ﻣﺎ ﺻﺤﺖ ﺇﻻ ﻓﻲ ﺍﻟﻤﺴﺘﺸﻔﻰ ، ﻭ

ﺻﺎﺣﺒﻨﺎ ﻭ ﻻ ﻫﻤﺎﻫﻮ ﻋﺮﺱ ، ﻭ ﺍﻟﻤﺴﻜﻴﻨﺔ ﺫﺑﻠﺖ ﺯﻫﻮﺭ ﻋﻤﺮﻫﺎ ﺍﻟﻀﺎﻉ ﻭﺭﺍﻫﻮ ﻭ ﻫﻮ

ﻣﺎ ﺣﺎﺳﻲ ﺑﻴﻬﺎ ﻭ ﻻ ﺑﻤﻌﺎﻧﺎﺗﻬﺎ ..

ﺣﻜﺖ ﺍﻟﻔﺘﺎﺓ ﻗﺼﺘﻬﺎ ﻟﻠﺸﺎﻋﺮ ﺍﻟﺮﻗﻴﻖ علاء الدين عبد الرحيم ﻭ ﺣﻠﻔﺖ ﻟﻴﻬﻮ ﺇﻧﻬﺎ ﺗﻌﺎﻗﺐ ﻗﻠﺒﻬﺎ

ﺑﺈﻧﻮ ﻣﺎ ﻳﺤﺐ ﺑﻌﺪ ﺍﻟﺰﻭﻝ ﺍﻟﺨﺪﻋﻬﺎ ﺩﻩ ، ﻭ ﺇﻥ ﺷﺎﺀ ﺍﻟﻠﻪ ﻫﻮ ﻳﻜﻮﻥ ﺳﻌﻴﺪ ﻭ ﻣﺘﻬﻨﻲ ..

ﻓﻜﺘﺐ ﺍﻟﻘﺼﻴﺪﺓ ﺩﻯ ﻭ ﻛﺎﻧﺖ ( ﺣﺒﻲ ﺃﻧﺎ ﻟﻴﻚ ﻛﺎﻥ ﺯﺍﺩﻱ ) .. ﻭ ﺗﻐﻨﻰ ﺑﻬﺎ ﺍﻟﻔﻨﺎﻥ

ﻋﺒﺪﺍﻟﺮﺣﻴﻢ ﺃﺭﻗﻲ .. ﻭﺍﺣﺪﺓ ﻣﻦ ﺍﺟﻤﻞ ﺍﻷﻏﻨﻴﺎﺕ ...

ﻛﻠﻤﺎﺕ ﺃﻏﻨﻴﺔ :

( ﺣﺒﻲ ﺍﻧﺎ ﻟﻴﻚ ﻛﺎﻥ ﺯﺍﺩﻱ ) ..

ﺍﻟﺸﺎﻋﺮ ﺍﻟﺮﻗﻴﻖ (علاء الدين عبد الرحيم ) ﻛﺘﺐ ﺍﻟﻘﺼﻴﺪﺓ ﻋﻠﻰ ﻟﺴﺎﻥ ﺍﻟﻔﺘﺎﺓ ﺍﻟﻤﺨﺪﻭﻋﺔ ﻭ ﺃﺑﺪﻉ

ﻓﻲ ﺗﻠﺤﻴﻨﻬﺎ ﻭ ﺃﺩﺍﺋﻬﺎ ﺑﺼﻮﺭﺓ ﺭﺍﺋﻌﺔ ﻭ ﻣﻮﺛﺮﺓ ﻛﻤﺎ ﺫﻛﺮﻧﺎ ﺍﻟﻔﻨﺎﻥ ( ﻋﺒﺪﺍﻟﺮﺣﻴﻢ ﺃﺭﻗﻲ ) ﻭ

ﻛﺜﻴﺮﺍً ﻣﺎ ﻛﺎﻧﺖ ﺍﻟﺪﻣﻮﻉ ﺗﺴﻴﻞ ﻋﻨﺪﻣﺎ ﻳﺸﺎﺭﻛﻪ ﺍﻟﻐﻨﺎﺀ ﺍﻟﻔﻨﺎﻥ ( ﺻﺪﻳﻖ ﺃﺣﻤﺪ ) :

ﺣﺒﻲ ﺍﻧﺎ ﻟﻴﻚ ﻛﺎﻥ ﺯﺍﺩﻱ ** ﻭ ﻛﺎﻥ ﺟﻮﻩ ﺍﻟﺤﻨﺎﻳﺎ ﺩﻓﻴﻦ

ﻛﻨﺖ ﺑﻀﺎﺭﻱ ﻣﻦ ﺍﻟﻨﺎﺱ ** ﻭ ﺧﺎﻳﻔﺔ ﻋﻠﻴﻬﻮ ﻣﻦ ﺍﻟﻌﻴﻦ

ﻋﻠﻴﻪ ﺃﻧﺎ ﻛﻨﺖ ﺑﺼﻮﻡ ﻭ ﺃﻓﻄﺮ ** ﻋﻠﻴﻪ ﺑﻜﺎﺑﺪ ﺍﻟﻨﺎﺭﻳﻦ

ﻛﺖ ﺑﺤﺴﺐ ﺳﻨﻴﻦ ﺍﻟﻐﺮﺑﺔ ** ﻟﻤﺎ ﺗﻌﻮﺩ ﻭﻛﺖ ﻟﻘﺎﻧﺎ ﻳﺤﻴﻦ

ﻧﻮﻧﺲ ﻓﻲ ﺑﺮﺍﺀﺓ ﺃﻃﻔﺎﻝ ** ﻣﻦ ﺍﻟﺤﺐ ﻧﺮﻭﻱ ﻧﻨﻬﻞ ﺯﻳﻦ

ﻭ ﻛﻞ ﻣﺎﻳﻮﻡ ﻳﺰﻳﺪ ﺍﻟﺒﻴﻨﺎ ** ﻟﻤﺎ ﺑﻘﻴﻨﺎ ﻏﺎﺏ ﻗﻮﺳﻴﻦ

ﺛﻢ ﺗﻨﺘﻘﻞ ﺑﻌﺪ ﻭﺻﻔﻬﺎ ﻟﻸﻳﺎﻡ ﺍﻟﺨﻮﺍﻟﻰ ﻣﻮﺟﻬﺔ ﺍﻟﻠﻮﻡ ﻟﻠﺤﺒﻴﺐ ﺑﻌﺪ ﺇﻛﺘﺸﺎﻑ ﻏﺪﺭﻩ :

ﺃﺗﺎﺭﻱ ﺃﻧﺎ ﻛﻨﺖ ﻓﻴﻚ ﻣﺨﺪﻭﻋﻪ ** ﻭ ﻛﻢ ﻣﻦ ﺯﻳﻲ ﻣﺨﺪﻭﻋﻴﻦ

ﻣﺎ ﻗﺎﻳﻼﻙ ﺗﻠﻌﺐ ﺑﻲ ** ﺗﻌﻴﺶ ﺍﻟﻠﺤﻈﻪ ﺑﺲ ﻭ ﺍﻟﺤﻴﻦ

ﻣﺎ ﻗﺎﻳﻼﻙ ﺣﺒﻴﺐ ﺁﻻﻑ ** ﻭ ﻗﻠﺒﻚ ﻗﺒﻠﺔ ﻟﻠﻀﺎﻟﻴﻦ

ﻭ ﻣﺎ ﻗﺎﻳﻼﻙ ﺗﻨﺴﻰ ﺣﺒﻴﺐ ** ﺻﺒﺮ ﺭﺍﺟﻴﻚ ﺳﺘﺔ ﺳﻨﻴﻦ

ﻛﻴﻔﻦ ﻫﺎﻥ ﻋﻠﻴﻚ ﺗﻨﺴﺎﻩ ** ﺯﻭﻻً ﻛﺎﻥ ﻋﻠﻴﻚ ﺣﻨﻴﻦ

ﻭ ﺗﺸﻐﻞ ﺑﺎﻟﻚ ﺍﻷﺷﻮﺍﻕ ** ﻟﻤﻦ ﺗﺰﺑﻞ ﺍﻟﻴﺎﺳﻤﻴﻦ

ﻛﻨﺖ ﺩﺍﺍﻳﺮﺍﻙ ﻭﻛﺖ ﺍﻟﺤﺎﺭﺓ ** ﺗﺒﻘﻰ ﻟﻰ ﺩﺧﺮﻱ ﺧﺰﻳﻦ

ﻭ ﻛﻨﺖ ﺩﺍﻳﺮﺍﻙ ﻣﻘﻨﻊ ﺣﻮﺑﻪ ** ﻭﻛﺘﻴﻦ ﺍﻟﻤﻀﺎﺭﻱ ﻳﺒﻴﻦ

ﻭ ﻛﻨﺖ ﺩﺍﻳﺮﺍﻙ ﻓﺎﺭﺱ ﺃﺣﻼﻡ ** ﺗﺸﺎﺭﻛﻨﻲ ﻭ ﻧﺘﻢ ﺍﻟﺪﻳﻦ

ﻭ ﻛﻨﺖ ﺩﺍﻳﺮﺍﻙ ﺷﺮﻳﻚ ﺍﻟﺮﻭﺡ ** ﺃﺧﺪﻣﻚ ﺣﺎﻓﻴﺔ ﺍﻟﻘﺪﻣﻴﻦ

ﻭ ﻛﻨﺖ ﺑﺤﻠﻤﺒﻚ ﺇﻧﺖ ﻣﻌﺎﻱ ** ﻣﺠﺮﺗﻖ ﺑﺎﻟﻌﺪﻳﻞ ﻭ ﺍﻟﺰﻳﻦ

ﻭ ﺟﻨﺒﻚ ﻓﻲ ﺷﻤﺎﻟﻚ ﻗﺎﻋﺪﺓ ** ﺗﺴﻤﻊ ﻓﻲ ﺩﻗﺮ ﻳﺎ ﻋﻴﻦ

ﺗﺒﺸﺮ ﺯﻳﻦ ﻣﻊ ﺍﻷﺻﺤﺎﺏ ** ﻭ ﺗﺘﺸﺒﻞ ﻣﻦ ﺍﻟﻮﺯﻳﻦ

ﻭ ﺃﻧﺎ ﺍﻷﺑﺤﺮﺕ ﺭﺍﻛﺒﻪ ﺍﻟﻤﻮﺝ ** ﺃﻛﻴﺪ ﻣﺮﺳﺎﻱ ﺑﻴﻦ ﻣﻮﺟﺘﻴﻦ

ﺛﻢ ﺗﺪﻟﻒ ﺍﻟﺤﺒﻴﺒﺔ ﺑﻌﺪﻫﺎ ﻟﻮﺩﺍﻉ ﺣﺒﻴﺒﻬﺎ ﻭ ﺗﻮﺍﺻﻞ ﻓﻲ ﺃﻟﻢ :

ﻭﺩﺍﻋﺎً ..

ﻭﺩﺍﻋﺎً ..

ﻭﺩﺍﻋﺎً ..

ﻭﺩﺍﻋﺎً ﻳﺎﺳﺮﺍﺏ ﺧﺪﺍﻉ ** ﻣﺤﺎﻝ ﻣﺎ ﺑﻴﺮﻭﻱ ﻋﻄﺸﺎﻧﻴﻦ

ﻭﺩﺍﻋﺎً ﻳﺎﺣﻠﻢ ﻋﺎﺑﺮ ** ﻳﺴﻌﺪ ﻭ ﻳﻔﺮﺡ ﺍﻟﻨﺎﻳﻤﻴﻦ

ﻭﺩﺍﻋﺎً ﻳﺎﻛﻼﻡ ﻣﻌﺴﻮﻝ ** ﺣﺪﻭ ﻭ ﻣﻜﻤﻨﻮ ﺍﻟﺸﻔﺘﻴﻦ

ﻭﺩﺍﻋﺎً ﻳﺎﻗﻠﺐ ﻗﺴﺎﻱ ** ﻻ ﺑﻴﺤﻦ ﻭ ﻻ ﺑﻴﻠﻴﻦ

ﻭﺩﺍﻋﺎً ﻳﺎﺳﺤﺎﺑﺔ ﺻﻴﻒ ** ﺷﺎﻳﻠﻪ ﻣﻄﺮ ﺿﻠﻴﻞ ﻭ ﺭﻫﻴﻦ

ﻭ ﺗﺒﺸﺮ ﺑﺨﺮﻳﻒ ﺟﺎﻳﻴﻨﺎ ** ﻳﺎﻣﺎ ﺍﻟﻨﺎﺱ ﺭﺟﻮﻩ ﺳﻨﻴﻦ

ﻭ ﻛﻞ ﺯﻭﻻً ﻳﻔﻜﺮ ﻓﻴﻬﺎ ** ﻣﺎ ﻣﻌﺮﻭﻓﻪ ﺗﻨﺰﻝ ﻭﻳﻦ

ﺛﻢ ﺗﻠﺘﻔﺖ ﻟﻘﻠﺒﻬﺎ ﻭ ﻣﻜﻤﻦ ﺃﺷﻮﺍﻗﻬﺎ ﻣﻄﻴﺒﻪ ﻣﻦ ﺧﺎﻃﺮﻩ :

ﻭ ﺃﻟﻒ ﺳﻼﻣﺔ ﻋﻠﻴﻚ ﻳﺎﻗﻠﺒﻲ ** ﻣﺴﺎﻟﻢ ﻭ ﺩﻳﻤﺔ ﻃﺒﻌﻮ ﺣﻨﻴﻦ

ﻳﺘﺎﻭﺭﻭ ﺍﻟﺸﻮﻕ ﻭ ﻳﻠﻌﺐ ﺑﻴﻬﻮ ** ﺗﻨﺤﺮ ﻓﻲ ﺣﺸﺎﻩ ﺍﻟﺴﻜﻴﻦ

ﺗﻌﺎﻭﺩﻭ ﺍﻟﺬﻛﺮﻯ ﺗﻨﺨﺮ ﺟﻮﻩ ** ﻭ ﺣﺎﻟﻮ ﻳﺤﻨﻦ ﺍﻟﻤﺴﻜﻴﻦ

ﻭ ﺗﻌﻮﺩ ﺍﻟﺤﺒﻴﺒﺔ ﻋﻠﻰ ﻟﺴﺎﻥ ﺍﻟﺸﺎﻋﺮ ﻓﻲ ﺍﻷﺑﻴﺎﺕ ﺍﻟﺘﺎﻟﻴﺔ ﻟﻌﺮﻳﺲ ﺍﻟﻐﻔﻠﻪ ﻓﻲ ﺃﺧﺮ

ﻛﻠﻤﺎﺗﻬﺎ ﻟﻪ :

ﻭ ﺃﺧﻴﺮﺍً ﻟﻴﻚ ﺃﻟﻒ ﺳﻼﻡ ** ﻗﺒﻞ ﻣﺎ ﺗﺠﻒ ﺩﻣﻮﻉ ﺍﻟﻌﻴﻦ

ﻭ ﻗﺒﺎﻝ ﻣﻨﻲ ﻣﺎ ﺗﻌﺪﻱ ** ﻭ ﻗﺒﺎﻝ ﺍﻟﻔﺮﺍﻕ ﻣﺎ ﻳﺤﻴﻦ

ﺑﺨﻴﺖ ﻭ ﺳﻌﻴﺪ ﻋﻠﻴﻚ ﺍﻥ ﺷﺎﺀ ﺍﻟﻠﻪ ** ﻳﺒﻘﺎﻟﻚ ﻋﻤﺎﺭ ﻭ ﺑﻨﻴﻦ

ﻭ ﻗﻠﺒﻲ ﺃﻧﺎ ﺧﻠﻰ ﻓﻲ ﺃﻧﺎﺗﻮ ** ﺑﻌﺪﻙ ﻳﺎﻣﺎ ﺭﺍﺟﻲ ﺃﻧﻴﻦ

ﻭ ﻗﻤﺔ ﺍﻷﻟﻢ ﻓﻲ ﺧﺘﺎﻡ ﺍﻟﻘﺼﻴﺪﺓ ﺣﻴﺚ ﺗﻘﺴﻢ ﻋﻠﻰ ﻗﻠﺒﻬﺎ ﺃﻻ ﻳﺤﻦ ﺛﺎﻧﻴﺔ :

ﻟﻮ ﻛﺎﻥ ﻳﺎ ﻗﻠﺐ ﺣﺒﻴﺖ ** ﺑﻌﺪﻭ ﺑﻌﺪ ﺣﻠﻔﺖ ﻳﻤﻴﻦ

ﺇﻥ ﺷﺎﺀ ﺍﻟﻠﻪ ﻣﺎ ﻳﻨﺘﻢ ﻟﻴﻚ ﻣﺮﺍﺩ ** ﻻ ﺗﻀﻮﻕ ﺣﻠﻮ ﻻ ﺯﻳﻦ

ﻭ ﻋﻤﺮﻙ ﻣﺎ ﺗﺠﻴﻚ ﺳﻌﺎﺩﻩ ** ﻣﺎ ﺗﺘﻬﻨﺎ ﻗﻮﻝ ﺃﻣﻴﻦ

ﻭ ﺗﺎﻧﻲ ﺍﻟﺤﺐ ﻋﻠﻴﻚ ﺣﺮﻣﺎﻥ ** ﻭﻋﺪ ﺍﻟﺤﺮ ﺃﻣﺎﻧﻪ ﻭ ﺩﻳﻦ.