منصور الهادي

 *المليشيا والكرونا واحد*.. 

*كتبه / منصور الهادي*... 

---------------------------

عشان يا قحاطي ما تتغشي انو المليشيا جايه تخلصك من الكيزان..

شايفك فرحااان ومنتظر وصولهم عشان تتفشي في جارك الكوز... 

*يا قحاطي أحب اقول ليك*.. 

المليشيا الأماراتية لما تدخل مدينة أو قرية ما بتسأل من البيوت إلفيها  كيزان لكن من البيوت إلفيها عربات وقروش ودهب وبنات... 

*الله يسألك*.. 

يا قحاطي يا سجمان المليشيا الأماراتية شفتها ولو في المنام سايقه مرااااح كيزان قالت قبضتهم في القرية أو المدينة الفلانية؟؟ 

اكيد لااااااا... 

*المرشدين*.. 

تبع المليشيا يا قحاطي بوصفوا ليها البيوت إلفيها كيزان ولأ البيوت إلفيها بكاسي..؟؟ 

اكيد إلفيها بكاسي.. 

*هل تعلم يا قحاطي انو المجرم كيكل*.. 

عمل ارتكاز جنب بيت اسرتو وبيت اختو خائف من تفلتات المليشيا الليهو قائدها... 

*هل تعلم يا قحاطي يا سجمان المليشيا الإماراتية* دخلت وعاست فساد في قرية ومنزل المجرم فارس النور الليهو مستشار الهالك حميدتي ومفاوضهم في منبر جدة...

*شقيقة التعايشي بتاع حزب الأمة الحزب المناصر للمليشيا*.. تم قتلها من قبل المليشيا بطلقة مباشرة في الرأس..

*فداسي*.. 

قرية خالد سلك في الجزيرة اجتاحتها المليشيا الإماراتية وسرقت ونهبت وتجرع سكانها الأمرين وهاموا في الطرقات..

*جلحه*..

في مقطع فيديو قال اضربوا اي حاجة حتى الكعبة بيت الله العظيم ولا تخلو مسلم لاغيرو.. 

اتخيل قال حتى الكعبة... 

*حتى القري*..

الاستقبلت المليشيا بذبح الخراف والابل وهتفوا لهم  بزعم تجنب شرهم وفقه دفع المفسدة الكبيرة بمفسدة صغيرة إلى حين ميسرة المليشيا بعد ضربت اللحوم أجتاحت هذه القرى وشفشفت ما خف وزنه أو ثقل مادام غلى ثمنه...

لمن ينجو احد يا قحاطي والموضوع ماكيزان كما تظن َوترقص .. 

*ولكن*... 

هي مليشيا إماراتية زيها وزي فيروس كورونا تضرب الجميع... 

كونك يا قحاطي منتظر المليشيا تجيب ليك المدنية وتقبض ليك الكيزان تبقي نعجة عندها زهايمر.. 

الموضوع خطير يا سجمان.. 

الموضوع إسقاط دولة اسمها السودان.. 

أعقل يا زول وشيل سلاحك وخش في الحزية مع إخوانك وشكلتك مع الكيزان بعد رد المؤامرة الكبرى في محلها.. 

ان شاء الله بعدين ما يفرزوكم الأ باللباسات.. 

القحاطي تلقاه فرحان يرقص متخيل الكيزان اتبلوا وفجأة تلقاه مشتت ساكيه دعامي...

ما يغشوك بنات الصادق المهدي وخالد سلك وعرمان 

   *( منصور الهادي)*