ألاغنية طبعا شاعرها التجاني حاج موسى
والمغني حقها الأستاذ/ محمد ميرغني
ولكن مأخرا غناها / الحوت وناس كتار طبعا . السؤال ؟ ليه انا جبت الحوت بالتحديد ؟لأن لقيت ناس كتار بقولو ألاغنية حقت محمود ، ولقيت في كم نفر بقولو محمود أجاد الأغنية أكتر من الاستاذ محمد ميرغي . أنا ماقاعد استمع لمحمود وهو فنان عظيم جدا ،لكن في الأغنية دي مافي مقارنة أصلا مع الاستاذ محمد ميرغني لأن محمود مجرد مقلد لا أكثر ولا أقل
أنا عارف عشاق الحوت عنيفين جدا 😆 في أي حاجة بخص محمود خاصة إذا قلت في فنان أحسن منو في عمل معين ، لكن عافوني ، من وجهة نظري في الأغنية دي محمد ميرغني أبدع فيها لدرجة لاتوصف
#إنت في رأيك الشخصي الاجادها أكتر منو؟
#اللهم_أغفرلهما_وارحمهمايارب_العالمين
كلمات أغنية تباريح الهوي"
التيجاني حاج موسى
محمد ميرغي
ده الجانى منك ومن تباريح الهوى
وصفو بصعب يا جميل
وبعدت عنك ولما طال بي النوى
بقى لي اسيبك مستحيل
تبقى سيرتك هى الكلام
وتبقي صورتك هي الرؤى
الحلوة البعيشها
فى صحوتي أو حتى فى عز المنام
ويبقى اسمك هو الغنا
هو البخفف لى عذابات الضنى
ما الشفتو منك يا منى الروح يا أنا
وصفو بصعب يا جميل
وبعدتا عنك ولما طال بي النوى
بقي لي اسيبك مستحيل
بشكى ليكم يا مظاليم الهوى
اصلي مجروح مرتين
يمكن ألقى الزي فيكم
ضاق جراح الحب متعذب سنين
ويمكن القى حاجة تخفف الجرح القديم
حاجة تشفع
الجانى منك ومن تباريح الهوى
وصفوا بصعب يا جميل
وبعدت عنك ولما طال بي النوى
بقى لي اسيبك مستحيل
ليست هناك تعليقات:
إرسال تعليق