*اضحك شويه* !!!
*مذكرات زوج حزين*
صحيت الصباح لقيت ليك الدنيا فايره الفيس بوك والواتساب كله تهانى للحريم والكنداكات وكل واحد من الشفيفين خاتى ورده وكم بيت شعر نظام محتفل بيوم المرأه العالمى هى ذاااتها المرأه دى عندها كم يوم يا أخوانا حيرتونا يوم المرأه وعيد الام ويوم الحنانه ويوم الجمعية حقت الحله ويوم ويوم غايتو أيامكن . أها قلت أعمل فيها تقدمى كده وأهنئ أم العيال جريت جرى قطعت لى وردتين من جهنمية ناس ود الحسين الطالعه بره الحيطه وجيت داسيهن فى جيب الجلابيه ما يلاقينى زول يشيل حالى وبراااحه دخلت البرنده ختيتهن وجبت لى مويه فى كباية شاى غزيتهن فيها *قممممة الرومانسيه* .... وشديت الملايات وكوركت لأم العيال جيبى الشاى بى جاى وتعالى وختيت ليك الزهريه بى تربيزتها فى النص وكوعت ليك نظام وسط الزهور متصور وجهه الصبوح ومنور وراجى الرومانسيه والمفاجاءه . أها اللحظه الجات كارينا كابور بى صينيتها عدلت النظارة وبقيت اتكشم وفتحت نفسى على عشاء بى جوز الحمام الفاضل فى البرج اصله حمامها قدر ما أخت عينى على جوز يمرض زول فى الحله والجوز يدخل بستلة الشوربه ، لكن المره دى الفرصه جاتنى مدردقه بالجهنميه دى وكتيل العيون يا الحمام جاك زول . اها فتحت خشمها قالت لى زح الكبايه دى النخت الصينيه الاولاد ديل الكريستالات ماليات الشارع مالقوا الا يلعبوا بالكبابى ؟
قمت قلت ليها : اولاد شنو ياخ دى ختيتها انا عشان المناسبه الحلوه دى الليله.....
نططت عيونها وقالت لى: مناسبة شنو ؟
قلت ليها : كيييف الليله ما يوم المرأه وده عيد لازم نحتفل بيه....
قالت لى : نحتفل ؟ هسى عليك الله يا راجل ابطل شغلتى واقعد ليك لى جهنميتك دى ؟ ودي ياها رومانسيتك مع الرجال ...جهنمية في موية? هسه ياراجل مابتخجل الختم والسلاسل البلمعن في السوق ديل عميان منهم تجيب لي مويه بالجهنمية يهجمك كلب الامين اليسوي ليك رطوبة فوق الكرعين .
وتعال هنا اسمعنى عيد شنو البحتفل بيه يا يمه انا من يوم عرستك تاريخ ميلادى زاااته نسيته قاعده احتفل ولا قاعده امرق زى الحريم ؟عرستك يايمة زي النجفه بقيتني زي حلة اللبن من تصبح النضافه والاكل هديت حيلى وناس امى ساى كان قلت ليك مسافره ليهم تقعد تشبكنى مافى طريقه واولادك وشنو ماعارف . قال يوم المرأه هو انا مره مع الحريم من دهبى الرادمو لى يا يمه ولا من التياب الماليه الدولاب فد توب من زمن طهرو عباس ود السرة الليلة معرس وعندو شافعين....
قال عيد قال خلى العواره البتسوى فيها دى وامرق مع الرجال أملأ لينا الانبوبه حقت الغاز القاطعه ليها يومين وللا اقيف فى صف العيش...
قال شنو يوم المراه يمرر كرعيك المكعوجات ديل قال عيد قال
*أنا ذاااتى استاهل 😭تانى يجى زول يقول لى يوم المرأه. عشان احظرو هو والمراة ذاتا 😭😭😭*
منقوول
ليست هناك تعليقات:
إرسال تعليق