الزمن الجميل

 الزمن الجميل ...

يا حليل الزمن الجميل ..

زمن الاكل في المشلعيب ..

زمن المروق للسمحة عيب ..

زمن القعاد تحت الدليب ..

زمان الرقاد في العنقريب ..

زمن البيوت جالوص وطين ..

بالحيطة يمدوا العجين..

زمن الشباب متكومين في الرادي عن حاج ود اللمين ..

زمن الجواب بجي بالبريد ..زمن النفوس كاسيها ريد ..

زمن الجهال بقرؤ النشيد..زمن العرش كان الجريد ..

زمن الرسايل بالجواب ..زمن البيوت ما فيها باب ..

زمن الدعاهم مستجاب..زمن الكرم ما قالوا غاب ..

زمن اللعب سيجا وشليل ..زمن البقع بشيلوهو شيل ..

زمن البرفعوا التقيل ..زمن الكبير كان الدليل ..

زمن البلد ما فيها غش ..زمن العمر ما كان بمش ..زمن المرق كان العرش..زمن الجنا البرعي ويهش ...

زمن الزرايب والغنم ..زمن الرجال يفدوها دم ..زمن الولد واقف صنم ..زمن الشعر كان كله نم ..زمن البيوت مسقوفة قش..زمن الجنا الما قالو هش..زمن العدو بنحرقو تش ..زمن البلوم ما عندو وش..

زمن العرس بفد هدم..زمن الكان ناقص بتم ..زمن السمح ما بنكتم ..زمن الدهب مختوم ختم ..

زمن البنات هاديات طباع ..زمن العرض ما قالو ضاع ..زمن الزواج بالمستطاع ..

زمن الحريم بالجد حريم ..

زمن الودك كان الكريم ..

زمن التحجي حمد وريم ..تلقاها يومي حامدة الكريم ..

زمن الجدود يا حليلو كان ..

كان ديمة يتلبس بالحنان ..

دعواتكم ااااناس مي شان باكر يعود هالزمان ..ياريت يعود هالزمان ...كان يعود هالزمان ...