ﺍﻻﺗﻐﻴﺮ _ﺷﻨو
#ﺯﻣﺎﻥ ﻋﺎﺩﻱ ﺟﺎﺭﻛﻢ ﻳﺠﻴﺒﻚ ﻓﻲ ﺍﻟﺒﻴﺖ ﻳﻘﻮﻝ ﻟﻴﻚ ﻧﺤﻨﺎ ﻣﺴﺎﻓﺮﻳﻦ ﺍﻟﺒﻠﺪ
ﺍﺧﻮﺍﺗﻚ ﺍﻟﺒﻨﺎﺕ ﺩﻳﻞ ﺑﺮﺍﻫﻢ ﺍﻣﺸﻲ ﺍﺣﺮﺳﻬﻢ😍❤️✋ ..
#ﺯﻣﺎﻥ ﻋﺎﺩﻱ ﺗﺠﻲ ﻃﺎﻟﻊ ﺍﻟﺸﺎﺭﻉ ﺗﻠﻘﻲ ﻣﺮﺕ ﺟﻴﺮﺍﻧﻜﻢ ﺍﻭ ﺑﺖ ﺟﻴﺮﺍﻧﻜﻢ ﺷﺎﻳﻠﻪ
ﻛﻴﺲ ﻭﻣﺎﺷﻪ ﺗﺴﺎﻟﻬﺎ ﻣﺎﺷﻪ ﻭﻳﻦ ﺗﻘﻮﻝ ﻟﻴﻚ ﺍﻟﺒﻘﺎﻟﻪ ﻭﻻ ﺍﻟﻔﺮﻥ ﺗﺸﻴﻞ ﻣﻨﻬﺎ
ﺍﻟﻜﻴﺲ ﺗﻘﻮﻝ ﻟﻴﻬﺎ ﺍﺭﺟﻌﻲ ﺍﻟﺒﻴﺖ ﺍﻧﺎ ﺑﺠﻴﺒﻬﻢ ﻟﻴﻚ ..❤️
#ﺯﻣﺎﻥ ﻛﺎﻥ ﻋﺎﺩﻱ ﻟﻮ ﺍﻟﻤﻼﺡ ﻓﻲ ﺑﻴﺘﻜﻢ ﻣﺎ ﻋﺠﺒﻚ ﺗﻤﺸﻲ ﺑﻴﺖ ﺟﻴﺮﺍﻧﻜﻢ
ﻭﺗﺨﺶ ﺍﻟﻤﻄﺒﺦ ﺗﻮﺵ ﺗﻜﺐ ﺑﺮﺍﻙ ﺗﺎﻛﻞ 😂😂..
#ﺯﻣﺎﻥ ﻣﺎ ﻛﺎﻥ ﻓﻲ ﺩﺍ ﻭﺩ ﻓﻼﻥ ﻭﺩﺍ ﻭﺩ ﻋﻼﻥ ﻛﺎﻥ ﺍﺳﻤﻬﻢ ﺍﻭﻻﺩ ﺍﻟﺤﻠﻪ❤️ ..
#ﺯﻣﺎﻥ ﻛﺎﻥ ﻟﻤﻦ ﺗﺸﻮﻑ ﺭﺍﺟﻞ ﺟﻴﺮﺍﻧﻜﻢ ﺟﺎﻱ ﻣﻦ ﺑﻌﻴﺪ ﻭﺷﺎﻳﻞ ﺣﺎﺟﺎﺕ ﻛﺘﻴﺮﻩ
ﺗﺠﺮﻱ ﺗﻤﺸﻲ ﺗﺸﻴﻞ ﻣﻌﺎﻫﻮ ﺗﻮﺻﻠﻮ ﻟﻠﺒﻴﺖ😍✋ ..
#ﺯﻣﺎﻥ ﺍﻣﻚ ﺗﺮﺳﻠﻚ ﻟﻲ ﺳﺎﺑﻊ ﺟﺎﺭ ﺗﻘﻮﻝ ﻟﻴﻚ ﺍﻣﺸﻲ ﻗﻮﻝ ﻟﻴﻬﻢ ﺍﻣﻲ ﻗﺎﻟﺖ
ﻟﻴﻜﻢ ﺩﺍﻳﺮﻩ ﻣﻠﺢ ﻭﺍﻟﺸﻲ ﺍﻟﻐﺮﻳﺐ ﺍﻟﻤﺮﻩ ﺗﻘﺴﻢ ﺍﻟﺒﺮﻃﻤﺎﻧﻴﻪ ﺍﻟﻨﺺ ﻭﺗﺪﻳﻚ ﻟﻴﻬﺎ
ﻭﺗﻘﻮﻝ ﻟﻴﻚ ﻗﻮﻝ ﻟﻴﻬﺎ ﺩﻱ ﺣﺎﺟﻪ ﺑﺴﻴﻄﻪ☺️❤️ ..
#ﺯﻣﺎﻥ ﻛﻨﺎ ﺑﻨﻘﻮﻝ ﻟﻲ ﺑﻨﺎﺕ ﺍﻟﺤﻠﻪ ﻛﻠﻬﻦ ﺍﺧﺘﻲ 😍ﻭﻟﻲ ﻧﺴﺎﻭﻳﻦ ﺍﻟﺤﻠﻪ ﺍﻣﻲ ﻭﻟﻲ
ﺭﺟﺎﻝ ﺍﻟﺤﻠﻪ ﺍﺑﻮﻱ 😍❤️..
#ﺯﻣﺎﻥ ﻟﻤﻦ ﺍﻟﻘﺎﻙ ﺯﻭﻝ ﺍﻛﺒﺮ ﻣﻨﻚ ﻓﻲ ﺍﻟﺤﻠﻪ ﻏﻠﻄﺎﻥ ﺑﺪﻗﻚ ﻭﻳﻜﻔﺘﻚ ﻭﺍﻧﺖ ﻣﺎ
ﺑﺘﺮﻓﻊ ﻋﻴﻨﻚ ﺗﻌﺎﻳﻦ ﻟﻴﻬﻮ ﻭﻟﻮ ﻣﺸﻴﺖ ﻭﺭﻳﺖ ﻧﺎﺱ ﺍﻟﺒﻴﺖ ﻳﻘﻮﻝ ﻟﻴﻚ ﻟﻮ ﻣﺎ
ﻛﻨﺖ ﻏﻠﻄﺖ ﻣﺎ ﻛﺎﻥ ﺩﻗﺎﻙ ..
#ﺍﻟﻤﺨﺘﺼﺮ _ﺍﻟﻤﻔﻴﺪ_ ﺍﻻﺗﻐﻴﺮ _ﺷﻨﻮ !!..؟
ليست هناك تعليقات:
إرسال تعليق