عبارات جميلة لها معنى

 إخواني فالله ...♡

كدي خلونا من الحرب والأحداث الحاصلة دي دقيقتين بس ، خليكم من حميدتي ، سيبكم من برهان ، اقفلو ملف السياسة وانسو كل الاطراف الخايضة فبعضها دي حبتين ، وبعيداً عن الكان سبب في الحرب دي ، بعيداً عن الزول الرمي أول شرارة ، بعيداً عن أي سبب سياسي وصراع ومنازعات حول السلطة ، خلونا نعرج  شوية ونرجع لي نقطة الزيرو ↩️ ما حاسيين إنو دي أزمة ضمير وأزمة نفسية قبل ما تكون سياسية ❓ مستوعبين إنو مرات البلاء ربنا بنزلو كجزاء لحاجات حادثة وحاصلة وماف زول جايب ليها خبر ❓💔 حاسين بالشجع ، شايفين الفساد ، مراقبين الطمع ، منتبهين لكمية البعد من ربنا وانتشار الجهل ، وقطع الأرحام ، كثرت الزنا ، انتشار السطو ، أزمة الضمير وإستغلال المواطنين في بعضهم ، هجر المساجد وبيوت الله ، ضياع الأمانة ، والحسد ، والشرك بالله ، واللجوء إلي غيره ، وترك الطاعات واتباع الشهوات ومتاع الدنيا الزائل ❓ مستحضرين انو الأغلب بقي ساكي الدنيا  وبقت الهم الأول للأغلبية انتو ده كلو ما حاسين بيهو يااخوانا 💔الحكاية حكاية جزاء وبلاء وتذكير من ربنا عسي ولعل يجيب في راس العباد خبر ، الحكاية ما من فراغ 💔 الموضوع ديني ونفسي وروحي قبل ميكون سياسي ، المسألة مسألة رجوع إلي الله ومحاسبة ذات قبل اي شي ياخوانا💔💔 معارفين الخير الداساهو لينا الحرب ومن ناحية وراها خير وراها ثقة فالله قبل اي شي ❤️ بس قبل م تنشغلو بي أي عنصر سياسي الناس توحد الصفوف وترفع ايديها لي ربنا بي ثقة وتتضرع وتدعي وتتوب وتتوسل بقلب كلو يقين وانكسار وتقول : اللهم إنا نعوذ بك من كل ذنب اغترفناه قاصدين او دون ذلك كان سبباً في ما يحدث لنا فاللهم اغفره لنا وارفع عنا البلاء ولا تؤاخذنا بما فعل السفهاء منا واعفو عنا انك انت العفو الغفور 🤲

انا بقول الحرب امتحان وجزاء وتذكير من ربنا ، وربما بداية لي رحمة وخير داسيهو ربنا ونحن م عارفنو 😍❤️

#اللهم_ردنا_إليك_رداً_جميلاً 💜