#عزيزتي الزوجة السودانية
انتي عارفة اكتر حاجة ح تخرب عليك ترتيب يومك.وتقلل اهتمامك بأسرتك شنو
#كترة العلاقات الاجتماعية
يعني مصاحبة الجارات ونسوان الحلة والجبناات والطلعات الكتيرة للمجاملات الما بتنتهي طبعآ ما ح اقول ليك (الحوامة)
يلا لما توسعي دايرة معارفك حتكوني برنامجك كالآتي
الليلة جاتك دي
وبكرة ماشة لي دي
ودي جابت ليك خبر موت قريبة دي ولاازم تمشي
وديل اتلموا جوك قطعو ليك غسيلك وضيعتي يومك
وديل جوك بالجبنة
وهكذا ..دواامة
فعليك الله لو عندك اطفال وفي المدارس بالذات حاولي ماتجاملي علي حسابهم..ماضروري تلبي كل الدعوات..المجاملة البتكون خصمآ عليك الغيها
اعتذري بطريقة جميلة والمابتقبل مخييرة✋
معليش موت ..زواج. مرض.مناسبات كبيرة ماممكن تتجاوزيها بس الباقي لالا
الزمن البتضيعي في قعدة جبنة دة استثمري ليك ولي اسرتك
وحاولي اتجنبي
المرة القطاعة ذنووب
المرة الحواامة
المرة النضااامة ضيااع زمن
المرة الما مسؤولة دي حتأثر عليك.واي شي تطلعو ليك ماليو داعي
وتأكدي انو مافي شي بنفعك زي انك تستفيدي من وقتك
شغالة ومتلحاك وحدة حامياك شغلك مااتفتحي الباااب
ماتجااملي في مصالحك وماتدخلي عليك اي زول
في البتحسدك
في البتشيل حالك
في البتنقل اسرار بيتك
في البتجيب ليك السمعة
انتقي صديقاتك وجاراتك وتقلي كراعك وخشمك تكوني افضل النساااء
🖐فتك بي عافية حبيبتي
والعفو لو كلامي حار💔
❤️❤️❤️
ليست هناك تعليقات:
إرسال تعليق