في تجربة إتعملت في البرازيل ونجحت نجاح بصورة كبيرة.
التجربة شنو..
ما يقابل المحليات عندنا في البرازيل عملت التالي...
خصصت جزء من مبنى المحلية وقسمتو على إتنين
أها وتاني...
جزء إتعمل فيه سوبر ماركت كبير لكن لحاجات معينة سكر رز صابون زيت دقيق يعني مواد تموينية وفواكه موز وبرتقال وباقي الحاجات والجزء التاني محل لوزن وفرز النفايات.
أها وتاني
وخلت أي زول عنده نفايات بكل أنواعها يجيبا الموقع تتوزن ويشيل ورقه فيها كمية نفاياتو الجابا مثلا ٢٠ كيلو
يقوم يمشي السوبر ماركت بالورقة الفيها الوزن دي يختار الحاجة العايزها.
الحصل شنو بعد فترة...
بعد فترة العاصمة ريو دي جانيرو م فضل فيها كيس حايم. بقت نضيفة نضافة شديده، 😂😂 أي زول بقى يلم نفايتو عشان يمشي يوديها ويجيب بيها مواد تموينية وفواكه.
حتى ما يسمى بأولاد الشوارع بقت ليهم مهنه النهار كلو شغالين يلموا في النفايات.
في حاجة ،، هامش الربح في السوبر ماركت كان بسيط شديد.
الفايدة من المشروع
هامش ربح المواد التموينية
نضافة مستمرة وعلى مدار السنة،، ودي كان بتصرف عليها.
ربح كاااامل من بيع النفايات للجهات التي تستفيد منها
والسلام عليكم ورحمة الله وبركاته.
منقول للأمانة والفائدة العامة
عصفورين بحجر ... نظافة واطعام فقراء 🌹🌹🌹
ليست هناك تعليقات:
إرسال تعليق