في قعر راكوبة ست الشاي جمبت ستنا الحلقة()
{ خميس أبو مريومه. }
مين في العاصمة المثلثة ( الخرطوم بحري . الخرطوم. أم درمان ) بل في عموم سوداننا المليون ميل مربع حينها في اواخر سبعينات القرن الماضي وثمانيات القرن الماضي لا يعرف صاحب السيرك الاستعراضي والترفيهي :
أبو مريومه .
الذي يسكن عشش فلاته ( الآن السوق الشعبي الخرطوم شرق الاستطبلات )
كان يجوب كل مدارس العاصمة القومية المثلثة ( رياض اطفال .ابتدائية. متوسطة. ثانوي عالى ) .
ويجول كل شوارع العاصمة المثلثة.
لنشر الفرح والسرور والترفيهة .
وأيضا يستعرض اكروباته وسيرك التسلية المفتوح للعامة في كل ساحات وميادين الحارات والضواحي.
أسألوا جيل ذاك الزمن الجميل .
زمن شوارع وزلط الخرطوم بنظفوها و بغسلوها بالديتول وصابون الفنيك .
الزمن دآآآك دكاكين السوق الافرنجي لو جيت لابس جلابية ساكت من غير عمة او مركوب اي يعني ما مهندم والزي السوداني القومي مكتمل ما بتدخل المحل ولو نططته ولو عندك مال قارون ولو عايز تشتري البضاعة كلها.
ولو جيت لابس بنطلون وقميص وهلفوت بيقولوا ليك :
فووووووت.
عم خميس أبو مريومه ناثر للفرح والمرح والترفيه لكل من عاصره.
وكنا اطفال نتسابق لمشاهدة استعراضاته البهلوانيه الشيقه.
وعندما نرجع حارتنا وازقتها وسوح ميادينها ننتبارى في تقليد فقرات عروضه الشعبية الترفيهية.
خميس أبو مريومه كان سيرك متجول يجوب مدن السودان طولا وعرضا ناشراً للبهجه والفرح والسرور للاطفال والكبار.
ابو مريومه رائد المسرح الاستعراضي الشعبي المفتوح على الهواء مباشرة وفي الشوارع.
خميس أبو مريومه ليك القومه .
وهبة جبرة تجبجب.
وتفتوا فت .
وطاسوا والجوقة الموسيقية في صولوا
وتقول هبة جبرة بجدعتها المعهودة :
حبشششششية.
وحبشية تحتوا حت.
و صوت عشه الجبل بمغارز القونات يردد صداه الجبل :
هيييييييي دي مآآآآآآآلا .
،،،، وكن حيين بنتكاتبوا وبنتشاوفوا ،،،،،،،
✍ أيوب الحويطات
*********************
الصورة والحكي ما عندهم اي علاقة ب :
البلابسة ( هبة جبرة )
و
القحاطيط ( جبلية )
ليست هناك تعليقات:
إرسال تعليق