أيام زمان كلم محمد ولدي في الخرتوم قول ليهو العوينات بقن مابشوفن والغنيمات ماتن وامك قالت ليك كان ماجيت عرست فطين بت السرة اختا ماني عافية منك والبيت داير زبالة وماظنيتو يحمل الخريف وكلمو كمان قول ليهو الضوء ودعمك مساعد طلق سعدية اخيتك وهسع هي ووليداتا جو قاعدين معانا فوق بطن البيت ..
كلموا قول ليهو سيد الدكان قال ان ماجبتو القروش تاني جرورة مافي تب
امك بتدور البن والشاهي وانا بدور لي حجار اللات بطارية ورادي وأكان لي وليدات سعدية اخيتك مابتعشوا علا يسولم شعيرية قالوا مابياكلو الكسرة بالليل والله الوليدات ديل مدلعين دلع شديد خلاس ..
أها ماتنسى النعلات لي انا وبرضو اخيتك ام مهلين قالت بتدور ليها سفنجة ابوحمامة نمرة 10
ليست هناك تعليقات:
إرسال تعليق