حاجه توجع
لما انت تفوت ديارك
والدموع في عيون صغارك
تمشي انت ويمشي جارك
وماك عارف أمتي ترجع
حاجه توجع
لما نيلينا يكون بيجري
ولما دمنا جوه بغلي
وكل افراحنا بتغادر
ونحنا بنقول ليها بدري
يا ربوع بلدي الحبيبه
سامحيني وليك عذري
حاجه توجع
لما تصبح وانت حاير
وِمَأّ بِحٌلَقِ فِّوِقِنِأّ طّأّيِّر
وما بتسمع في ديارنا
غير قنابل وصوت زخاير
والله يقتل كل جائر
ناس تموت شان مافي جرعه
وناس جعانه وناس بتقلع
حاجه توجع
لما يخربو ليك بلادك
والغريبه دي ولادك
بس عشان كرسي السياده
شالو بندق وشالو مدفع
وللاسف ما خسروا هما
الحساب دفعوهو شعبك
حاجه توجع
لما كل جيران بلادي
قفلو كل معابر
ونحنا كنا وقت يجونا
حتي احزانهم نشاطر
لا جواز لا حتي رخصه
وما بنسجل في الدفاتر
يا بلادي اصبري حبه
كل اول ليهو أخر
حاجه توجع 🇸🇩 😢
ليست هناك تعليقات:
إرسال تعليق