*يا قائـد البدروم اطلع برا ما تسو شغل حــروم...*🙈
يا قائد البدروم ياحاكم الخرطـوم
اطلع سريع برة شوف الخراب بالكوم...
اطلع كفاك نحيـب ما تسو شغل حــروم
فوق نصرك الزائف قوم ارقص المـردوم
نكست راس الجيش الكان قوي ومعصـوم
وتبعت لي الكيزان. ادوك ظرف ملغــوم
ضيعت شعبك يا يا قائـد البـدروم
غشـوك ياقائد اكلوك زي لكـوم
بعت القضية خلاص سافرت جاك ( ناحـوم )
حتي الكويز ( كرتـي ) قرشك قرش بعشــوم
بمسمار( ديسمبر ) الكوز بقي مخـروم
ضيعت ثورتنـا جهلول غبي وموهـوم
شكلك غراب البين كـج ونذل مهـزوم
ومعاك كضباشي جابر والعطا اب قدوم واسامة والمذمـوم
كضبا كتير خبرو في راسنا طائرة تحـوم
تقصف نساء واطفال دخانا عاقدا غيـوم
قيامة فوق راسنا كتمة ومعاها سمـوم
رصاصا يلعلع فـوق ماليهو اي لـزوم
وام در حبيبتنـا وبحـري عـز القـوم
لا كهربا ومـويـة والعيش صبح معـدوم
والادويـة انعدمت والامن يا مشـؤوم
والموت خايف يمـوت الموت صبح مهمـوم
كيزان حرامية حاتاخدوا لي المعلـوم
قسما يجيكـم يـوم بس زرد لي الحلقـوم
7مايـو 2023 الاحـــد
ود الريـــف...
ليست هناك تعليقات:
إرسال تعليق