جبر الخاطر

• ✵  الشيخ العبيد ود بدركان كثير الصيام (غير صيام الفرض)  وفي مرة كان صائم وماشي مع احبابه  في الخلاء شافهم راعي سارح بي بهايمو في الخلاء ... 
• ✵ الراعي من شاف الشيخ جرى علي بهايمو وحلب كورة لبن جابا للشيخ ... الشيخ شال كورة اللبن وشربنا (ما قال ليهو انا صائم)  وشكر الراعي ومشى وسط استغراب وذهول من مرافقيه  العارفنو صايم ... 
• ✵ اها بعد بعدو من الراعي شوية سألو الشيخ ليه شربتا اللبن وما قلتا للراعي انك صائم ..
•  رد الشيخ *(صيام يوم بنجبر لكن خاطر الجانا جاري دا كان كسرناهو البجبرو شنو)*  .....
• ✵ تنازل الشيخ ود بدر (عليه رحمة الله)  عن صيام نافلة عشان يجبر بخاطر انسان .
• 
  
• *جبر الخواطر من اعظم درجات المحبة والانسانية.*