ماذا يفعل حمدوك في سودان متهالك

• 🔮 ماذا يفعل حمدوك،
• 
  
• ✍️ *شعب.. مازال ينتظر حمدوك.. عشان يغيّر الأوضاع.. الاقتصاديّة.. والسياسيّة..*
• *لأنّو حمدوك.. خبير اقتصادي.. وساحر شايل معاهو عصا موسى.. وذي ما نجح في دول كتيرة.. حينجح في السودان..*
• 
  
• ✍️ *أدوات نجاح حمدوك في الدول الاشتغل فيها.. هي شعوب.. واعيّة بأبجديات المواطنة الايجابيّة.. متفاعلة ومتضامنة..*
• *تنظر لقضايا التنميّة.. نظرة جماعيّة..*
• *لا أنانيّة.. لا مصالح شخصيّة علي حساب المصالح العامّة..*
• 
  
• ✍️ *مواطنين من تجي تناكر الوقود خاشّة على الطلمبات..*
• *الماعايز يشتري.. يقيف يشتري..*
• *ويخزنوا الوقود في البيوت..*
• *وكمية الوقود المُخزّن بالبيوت.. ممكن تمشّي البلد شهور.. بدون الدولة ما تستورد ولا لتر جديد..*
• *ويجوا يشربوا الجبنة ويتونسوا عن فشل حكومة حمدوك..!!*
• 
  
• ✍️ *مواطنين.. يعتدوا على خطوط شبكة المياه داخل الحي..*
• *ينفّس الخط الرئيسي بأنبوب اكبر منّو..*
• *ويتسبب في قطع المياه..*
• *أو يجيب موتور.. ويتسبب في قطع المياه عن جيرانو..*
• *ويجي يلعن حكومة حمدوك.. والمواسير القاطعة مويّة 24 ساعة..!!*
• 
  
• ✍️ *مواطنين.. معظمهم سماسرة ازمات..*
• *الغاز وصل بعد ندرة.. يمشوا يملوا عشرات الأنابيب.. ويبيعوا سوق أسود..*
• *يشتروا لبن الأبقار.. من المنتج ويضاعفو سعرو للمستهلك..*
• *يخزنوا الاسمنت والسيخ والحديد في مخازن كبيرة..  ويتسبب في ازمة انعداما بالسوق..*
• *ويجوا يبيعوها بأسعار مضاعفة للمواطن..*
• *ثقافة النشاط التجاري عندهم مبنيّة على احداث الأزمات..*
• *مايقدروا يمارسوا تجارة حرّة بتنافس شريف.. وارباحم دايماً موضع شبهات الحرام..*
• *والمواطنين الآخرين.. عارفين ده كلوا.. ويمشوا يشتروا بالغالي.. ويجوا يقولوا الحكومة فاشلة..*
• *لا يعرفوا ثقافة مقاطعة.. لا يعرفوا محاربة الاحتكار والتخزين بالتبليغ الفوري.. وعدم ايجار المخازن للاحتكار والتخزين الضار بحوجة المواطنين.. ولا بيعرفوا مصالح عامّة.. لازم يدافعوا عنّها..*
• 
  
• ✍️ *مواطنين.. من كترة الغباء والجهل بالحقوق..*
• *يدفعوا مقدّماً لشركة الكهرباء.. وبعد ده الكهرباء قاطعة.. ويمشوا يحنّسوا الشركة.. عشان توصل ليهم اسلاك تتحمل الضغط العالي..*
• *ويشتروا من جيوبم كل النواقص من معدّات الكهرباء..*
• *وبعد ده الشركة تتدلّع عليهم..!!*
• 
  
• ✍️ *مواطنين يحفروا مجارى للمياه.. قدام بيوتم.. ويرموا النفايات في الخور الرئيسي..*
• *ويجي يقول ليك.. الحكومة ماعندا اهتمام بالصحة.. وماقادرة تكافح الباعوض..!!*
• *وينزّلوا في البوستات.. الحكومة والمحليات فشلت في التخلص من النفايات..!!*
• 
  
• ✍️ *مواطنين عايشين عدم وعي بالحقوق.. وعايشين في جهل سياسي أوجده السياسيون.. وانتج ولادة اعلام الندم..*
• *الشغال تشجيع عبر الجهلاء..*
• *مواطنين حتى اللحظة يتجادلوا في موضوع الحكومة دي قلبوها كيف..؟!*
• *قلبا قوش.. ولا قلبتا قحت.. ولا قلبا الانقلاب العسكري..؟!*
• *عسكريّة قلبوها مدنيّة..؟! ولا مدنيّة حكموها عساكر..؟!*
• *المهم قلبوها.. طب الخطوة التانيّة شنو..؟!*
• *ننتظر حمدوك الساحر الحيحوّل الفسيخ شربات..!!*
• *ويغيّر شعب ما قادر يغيّر وضعوا على نطاق الحي الساكن فيهو..*
• 
  
• ✍️ *حالنا حال التلميذ الغبي.. السألتو أستاذتو: أين ولد أبو جهل؟.. ما عرف !!*
• *كررت السؤال تانى برضو ما عرف..* 
• *خبطتو في راسو وقالت ليهو في مكة ياغبي..*
• *قال ليها: مكه متين قلبوها ولادة ما كانت عيون؟..*
• 
  
• ✍️