الولد اللطيف الجميل المسؤول
أهااا يا عمو وعمتو اللسه بتفكرو تعملو شنو 😊..
انا برضو زيك يا عمو وعمتو الحرب شردتنا زي ناس كتااار و جينا شندي .. بلد جميلة والسكن ما مريح زي بيتنا لكن الناس طيبين شديد وكتااااار .. يلا انا عاينت كدا قلت يا ولد الناس الكتار ديل بحتاجو عصير باااارد في الجو السخن دا 😁 قلت لي امي اشتروا لي جردلين بلاستيك شفافات ونضاااف بي اغطيتهن .. شفافات عشان اي زول من بعيد يشوف التلج والعصير ويتذكر يشرب عصير .. ونضاف وفيهم اغطية عشان الذباب والتراب والناس تشرب حاجة مضمونة 😋 ودي أهم حاجة ❤️
انت قايلني ما طلعت قروش يا عمو 🙄 .. والله يا عمو وعمتو الحمد لله ببيع جردلين وتلاتة واربعة في اليوم حسب القاسمو لي ربنا والقروش بساعد بيها ناس بيتنا امي واخواتي واخواني عشان ابوي مرتبو واقف والظروف زي ما عارف ❤️
ادعي لينا ياعمو المليشيا تطلع من بيتنا ونرجع الحاج يوسف السمحة وارجع المدرسة ياخ .. اشتقت للمدرسة واصحابي شديد وطبعا ناس بلوناين💙 قالوا حيعملوا لي شنطة هدية مخصوص فيها صورتي وجواها كل احتياجات السنة الدراسية 😍
قلت ليهم ليه .. قالوا عشان انا اشتغلت وما مديت يدي لي زول .. عشان انا زول منتج من صغير واكيد لما اكبر حاكون منتج كبير ان شاء الله 😍 وعشان بلدنا دي محتاجة إنتاج وناس تشتغل يا عمو ❤️
انت لسه بتفكرو تعملو شنو يا عمو ويا عمتو 🙄🙄
ما بالغتو يا عمو وعمتو لكن 🙄🙄
التوقيع ..
خالد حسن ..شركة بلو ناين ..💙
ليست هناك تعليقات:
إرسال تعليق