في قعر راكوبة ست الشاي (( جمبت ستنا ))
ميادين وملاليم
بشكه : اف اف اف . يا اخوانا دي زحمة شنو دي ؟
ست الشاي (ستنا) : انتي يا ( بشكه ) قاصده ناس ( كسار التلج ) ديل عديل كده .
كسار التلج : انحنا والله لو ما النار اللي ( بقت/ ولعت) في بلدنا ديييك , سبب واحد بيجيبنا ليكم ما في .
المثقف : بسخريه . ليه انته قايل يا ( كسار التلج) بلدكم دي هي جنة الله في الارض .
كسار التلج : انا الارض كلها ما شفتها , لكن هي جنة الله في سودانا ده .
ست الشاي (ستنا) : يا اخوانا الزحمه دي سببها سوء التخطيط , وجماعة المصلحه .
شميش : اتكلمي عربي يا (ستنا) يعني شنو سوء التخطيط وجماعة المصلحه ؟؟ .
سيد الكارو ( سيدا ) : يعني ما ممكن حاره تلتين مساحتها سكان والتلت الآخر اسواق .
ست الشاي (ستنا) : ما معقول يتغولوا على الميادين والمنتزهات ويعملوها سوق جبايات .
شميش : معقوله بس في ناس كده .
كسار التلج : أيوه سوقنا ده بقره حلوب .
شميش : ولبن بقرتنا ده وينو ا ؟؟؟ ؟ .
بشكه : أسألو العنبه الراميه جمب بيتنا !! .
ست الشاي ( ستنا ) : اللبن شربوهو ناس ( جداد الخلا ) .
أدروب : ( جداد خلا ) لبنات ما تشرب , ( جداد خلا ) مويات (كسرات) تقرطع ( تشرب) .
ست الشاي ( ستنا ) : و ( جدادة البيت ) المسكينه دي تشرب شنو ؟ .
شميش : تشرب السم ( بحرقه وزعل ) .
والمذياع يشدو بصوت سيد خليفه :
ثم ضاع الامس منا
وانطوى في القلب حسره .
،،،،، و كن حيين بنتكاتبوا وبنتشاوفوا .،،،،،،
✍ أيوب الحويطات
الصورة لمرفعين شايل. ليهوا. كجمه. من بقرة حارتنا وحدتنا الحلوب ( سوق سته ).
ليست هناك تعليقات:
إرسال تعليق