#ملامح__من__الزمن__الجميييل_جدااا
- يامريم قيلتو كيف
- تمام والله
عليك الله لو ملاحك فضل أرفعي لي صحين جاني ضيف هسسسي وقال ما فاطر
---- والله ملاح الفطور كمل لكن حق الغداء زاتو جهز نديك منه 😋
........
ملمح أخر ❤
يا ولد تعال أرسلك امشي ناس خالتك التومة قول ليها تملأ ليك كورة دقيق عشان دقيقنا في الطاحونة والكهرباء قطعت فيه
.....
ملمح ثالث 💙
يا زهرا ما جابوا ليكم حاجات التوميل والمقصود به ( التموين ) عشان تديني حبة بن او كباية زيت أو باغة سكر لحدي ما يجيبو لينا الكوتة
.......
ملمح رابع 💚
حاج الزين
كو كو كو ( على الباب )
---- سلام عليكم ناس البيت
---- وعليكم السلام إتفضل
---- لا لا ماش عليك الله داير لي طرقتين كسرة اعمل بيهن عكارة مارق الخلاء والمرة لسسسه ما عاست مشت تقدم البهايم للراعي...
.........
ملمح خامس 💜
خالتي سعاد أمي قالت ليك هاك عوسي لينا عجينا مع عجينك عشان هي ماشة تودي أخوي الاسبتالية
......
هذا غيض من فيض.... هكذا كانت الحياة.... ( الحالة واحدة ) بين الجميع والحي كله يبدو كأسرة واحدة كبيرة...
# راقت لي❤
#هل__هذا__التعامل__الآن__موجود اللهم أصلح حالنا وحال البلاد 😥
ليست هناك تعليقات:
إرسال تعليق