عطبرة تدهش القاضي والحضور والعالم

*📌 عطبرة.. تدهش القاضى..و الحضور..و العالم*
===ه===


في يوم محاكمة قاتل الشابه ماجده فتاة عطبره التي كانت تعمل في البوتيك كانت عطبره حانقه جدا علي هذا الشاب وكان تنتظر حكم اعدامه بفارغ الصبر وقف والدها الكهل الشجاع جدا المتعالي علي حظوظ النفس في المحكمه وقال (يا مولانا قبل الحكم انا عندي كلام داير اقولو:
 الود انا عفيتو في دم بتي .....
وسط اندهاش حتي من القاضي فلم يفاوضوه علي ذلك ولم يحضر اهل الشاب حتي اندهش الجميع ، القاضي نفسه سقط القلم من يده
وتابع قائلا : الود دا ما عندو مع بتي دي عداوه ولا سابق معرفه هو زول كان جعان ودا يومها والله كاتب ليها تموت كدا وانتو ما جربتوا الجوع عشان كدا ما حتحسوا الود دا كان مالو
ودم بتي ما بتحملو الود دا بتحملو اي زول مسلم عندو قروش فايضه من حاجته وخاتيها في البنك وحولو بشر جوعانيين وحولو ناس بتخلي المدرسه ومستقبلهم يتدمر عشان ما عندهم  قروش دم بنتي يتحملو حاكم رعيتو تصل مرحله تكتل بعض عشان بس تاكل وتسد جوعها
ساعتها سقط المتهم علي الارض يجهش بالبكاء فلم يخطر في بال اي انسان انه يوجد رجل يفكر بهكذا طريقه وهو سيد وجعه ) ظلت القاعه صامته لزمن لا تسمع فيها الا بكاء المتهم ودهشة الحاضرين فقد مثل هذا الاب معني العفو عند المقدره… .
=ه=
رساله في تقديري احرجت المجتمع واحرجت من يحكم هذا البلد واحرجتني انا الذي فرحت لقبضه ولم افكر لحظه في دوافع القتل الغريبه احرجت عطبره كلها التي نسجت القصص المغلوطه وكانت اسرة ماجده تفوق ايمان كل هذه الامه رغم فقرها…
ومن يومها تعلمت ان اتفقد من حولي من يتضور جوعا وحتي لا يقتل منا انسان بسبب الجوع..
#عطبره
إبراهيم سيد إبراهيم




مجموعة حرية سلام وعدالة