اذا الخاطر سرح عنك
تأكد انو راح ليكا ..
وهوم فى ربى الاحلام
قريب منك
سقت قيماتو واديكا
واذا خليتنى فى ظنك
بتلقى الروح تهيم بيكا
ويبقى وجودى رهن اشاره ..
بس منك ....
أكلم روحى قبل خطاي
هوى تجيكا
**
وقيمة عمرى بتبدأ
لو انك رضيت احرس مرافيكا
وأمتع نظرى بى محياك
هى بتشبع نظر فيكا ؟!
يا المخلوق بلون الطيف
اوصف فيك ..؟!
اوصف كيف ..؟!
يا الحيرت اوصافى ..
يا السر العميق خافى ..
بحر ما طالتو مرافى
وأبلغ من وصف شاعر
عشان تتختَ فى قوافى
ومنك تبتدى الريده
وبعدك ريده جد مافى ..
التجاني حاج موسي
زيدان ابراهيم
ليست هناك تعليقات:
إرسال تعليق