يا قمر دورين انا شفتك وين
طبعا في الليل و في ضفاير النيل
في رمال سهرانة و راجياك تسيل
في دموع الساقية يرنو ليها نخيل
في قلوب فرحانة عامرة بالتهليل
في عيون نعسانة غارقة في التكحيل
و كل ديل فى وطني بريدك يا وطني
شمس الصباح و الصباح رباح
شمسك يا وطني
طعم النجاح الزانو كفاح
طعمك يا وطني
حتى الجراح الزمانن راح
مهرك يا وطني
اهلي الفصاح اسياد الصلاح
درعك يا وطني
كل الملاح الجمالن فاح
زينتك يا وطني
انت عندي كبير و حبي ليك كتير
القوما ليك يا وطني
شيدوهو و زينوهو وطن الجمال
علوهو و خلوهو في عين المحال
و افدوهو و اهدوهو الروح و العيال
و ارعوهو و ابنوهو بعزم الرجال
باملنا بعملنا بالمحنة بي وفنى الفي دمانا
نبني جنة
و نبتهج نحن و صغارنا نتغنى
يا اصلنا و مبتدانا يا حلاة مسرح صبانا
و ذكرياتنا و مشتهانا
انت فينا كبير و ريدنا ليك كتير
القوما ليك يا وطني
********************
التحية للمبدع عبد الكريم الكابلى
ليست هناك تعليقات:
إرسال تعليق