*بقلم معتصم الجعيلي*
يا هديل.. يابتي
انا مولود في كردفان وعشت في الابيض ودرست في ام روابة واتفسحت في بارا وتردة الرهد وركبت في اللوري ومشيت بيهو النهود والخوي وبابنوسة والمجلد والفاشر والجنينة
وحضرت حفلات المردوم والنقارة والكمبلا...وصدت الطير قدوم احمر والبلوم والقمري بالنبلة والشرك.
وسكوني كلاب المديرية والابيض الجديدة.. وعمت وسبحت في فولة نادي الخريحين وفولة فلاتة
واكلت الصمغ والكالتو كالتو..والقضيم والحميض والنبق واللالوب من شجرتو.. واكلت العفوص والتبلدي من شجرتو والبطيخ الكردفاني من الخلا وجداد الوادي طازج
وحمت وقيلت في سوق ابو جهل ومشيت بنو وجبل كرباج واكلت الاقاشي الجد جد من ابا في فريق فلاتة والقدو قدو وفلعت شدر الدوم ومشيت ابيار كرياكو
وحضرت مظاهرات خورطقت واكلت التبش الرخص من مزرعته
بعد دا كولللو
عصيدة بسخنوها بالمايكروويف دي ..الا تاكليها براك!
😄😄😄
ليست هناك تعليقات:
إرسال تعليق