انا السودان

 انا السودان

للشاعر عبدالله احمد ناصر

……………..

انا السودان انا الحاضر

انا الغد …..

انا الوطن الكبير. ممتد

وشايل …في  .الحضن 

نيلين

انا الخيراتي ما بتنعد 

انا القادم برز   شمر

سواعد الجد

وشاد حيلو علي حيلو

وفوق ايد جيلو خت اليد

……………..

وطن للساحه علم

ولكل الدول تشهد

،،،،،،،،،،

انا الفيني الامان مغروث

وزايد  ..ديمه ….بجدد

مكان الالفه بلادي كرم

وبشاشه ……ما بتزهد 

…………………

تفيض تنساب مع النيلين

مع الطير الصدح   ..غرد

انا لافريقيا بوابه   وعاله

اسواري ما بتنهد

……………….

انا الواقف في سماي عماد

سلام وشموخ ترفرف راية

الامجاد

انا للدنيا سله وزاد

وعني اسال التاريخ

علي الماضي البنو

الاجداد

قصة حياة

 نهارات منكورة وليالي ممرورة وتراب لا يعرف طعم أقدامنا..بلا هدى نعيش ولا ترى عيوننا سوى الموت والدمار ، أقسى يتم يمكن أن يعيشه الانسان.

إنه لا عاصم اليوم سوى في ماض سحيق، أريد أن أكتب لعل نفسي تستكين وتدرك انها ليست منبتة.

(١)

رغم 'الصرة' العجيبة في صور الطفولة دي، ورغم إننا عشنا كأسرة في ظل التأثر من السجون والمنافي والمصادرات والمطاردات لكن أنا كنت طفلة سعيدة جداً، ومهما تكون الظروف كنت بقعد في الأرض تحت أمي شامة وهي سيدة عظيمة الجسم والفعل والمقام، واتمنى ما شئت، وهي تقول لي حااااضر، ونسبة لهذه الحماية والحنان المتدفق لم أشعر بالحرمان أبداً، وكنا كمان قابلين أقدارنا بنتفشى ونغني 'ما دوامة ..الدنيا ما بتنقدري جبتي النميري الفقري والقذافي النقري في المنام دموعي بلّن سدري'، أياما ديك النميري قاهرنا بي جاي وبي هناك عامل حلف مع القذافي والسادات الضربوا ليه الجزيرة بالطيران.

(٢)

في بيت الملازمين بتذكر لمن كنت صغيرة بتناديني أمي لمن يكون معاها ضيفات بقعدوا يسألوني وكلامي بضحكهم🤷🏽‍♀️ اظن كنت فصيحة وقليصة، وبتذكر خالتي ثريا الشنقيطي الله يرحمها بتدلعني دلع..أثر السعادة بي شوفتها عشرات السنين ما محته، اخر مرة لاقيتها قبل وفاتها كان في بيت بكا اتونسنا وضحكنا وسعدت بيها شديد كزولة لطيفة محبة للحياة. 

لمن دخلت المدرسة حسب حركات زمان كنت صغيرة (٥ سنة) وبتذكر كنا بنمشي المدرسة كُدُر (يعني بي رجليننا) وبيت الملازمين كان قريب من التمرين الابتدائية (كلية المعلمات سابقاً)، رابحة عثمان وأم سلمة بت المهل ومريم قريبة عم المهل كنا بنناديها مريم ماكيبا😂 وأنا، أطولنا رابحة وأنا أقصر واحدة، رابحة كانت طيبة شديد. مرة راجعين البيوت عاينت لي كدة قالت لي انتي راسك زي الفلكسواجن 🙊 .. غايتو اتغظت وسكتّ والوكت داك كانوا دايماً بكاووني بالفلكسواجن دي 🤦🏾‍♀️؛ انما هي عربية لطيفة والله ، ميساء الشوملي صديقتي من الجامعة الاردنية بتسميها بإعزاز 'فوكسة' وفيما بعد لمن دخلت معهد جوته عرفت انو الاسم من مقطعين فوكس falks وتعني الشعب ڤاجن wagon معناها عربة، فولكسڤاجن تعني 'عربية الشعب' .. فمرحى❤️ 

المهم المشاوير كانت لطيفة، لكن لمن طلعت نتايج السنة الاولى في المدرسة جيت تانية الطيش😷 بكيت بكا، وفي مشوار الرجعة جدعت فطوري في المياه الآسنة الكانت (وما زالت شوف دي كم سنة!) قدام سجن أم درمان، لمن وصلنا البيت أمي عزيزة حنستني وكانت مشكلتها الكبرى اني جدعت الفطور وما أكلت وهي عندها قضية الاكل دي مقدسة عديل، تحكي لي اي زول زينب شدة ما زعلت عشان طفّشت لمن جدعت الفطور ، وبتذكر كان أول ما المدرسة تقفل وتبدا الإجازة بحننوني في عنقريب قصير كدة بتاع امي عزيزة ، حنة رجلين سادة ويدين .. ما اعرفش ليه😳😂

(٣)

أول سفرة برة السودان كانت في بداية السبعينات، لمصر .. عشان نلاقي أبوي، الكان بعد انقلاب مايو سجنوه في جبيت ونقلوه الى سجن بورتسودان، بعدها ودّوه شندي، ثم نفي إلى مصر ، تلك الفترة التي كانت قاسية جداً، فإن كانت كتلة كرري كتلة غزاة فكتلة الجزيرة أبا كانت من بني الوطن ذاتهم بعون أجنبي💔

المهم، إقامة أبوي الجبرية كانت في بيت في العباسية حسب ما أذكر، وربما مصر الجديدة🙄 ذكرياتي محشوة بنوادر من امي رحمة الكانت بتخاف شديد من الصرصار 'أم قرمبع'، وكان في ست اسمها أم أحمد بتجينا وبتسمي أم قرمبع دي 'الزرمبعة'.

أياما ديك كان في خطابات طوالي من السادات في التلفزيون، اظنو كان في تعبئة لحرب ٧٣، والسادات كان عندو أداء مسرحي كدة بخلي خطابو يتحفظ، بتذكر أبوي بناديني يقول لي السادات قال شنو طوالي أدخل في الدور : الظابط الصُغَيّر آل لي إلحق يا ريس البلد ح تغرق - بالمصري طبعاً - وأبوي يضحك😂.

………………………………

نعم، عشنا طويلاً وضحكنا كثيراً ، لم تهزمنا محن الزمان وامتحاناته.. لكننا انتهينا إلى ليالٍ لا تعرفنا صباحاتها ، ولا ننام.

طول عمري اخت راسي انوم، جبدتني امي وصال، ولكن..

هاكِ الميلاتونين ، قالوا.. فلا نفع ولا شفع.

لا أنفك أتخيل نفسي حمامة أطير وأطير وأسكن إلى سريري، هناك كنت بنوم نوم.

أو أطير وأمشي القبة وأخلي عم عيسى يفتح لي الضريح..ادخل عند تربة أبوي لأغفو.

النوم تعال، يا النوم تعال.

#لا_للحرب

علاج الملاريا

 *علاج للملاريا*

أنا عندي تحربة أخرى وعلاج للملاريا وأتمنى من الباحثين في مجال الصيدلة والأدوية والسموم البحث فيه وأنا جربت العلاج دا من قبل حوالي 25 سنة وكانت آثاره أقرب للسحر والخيال إذ أنا أعراض الملاريا اختفت بنسبة 90% خلال ساعة من استعمال العلاج ولا أقول لكم يوم او يومين كما أنني لم أحتاج لتكرار العلاج وإنما استعملته مرة واحدة وهو علاج ميزته 

1/ أنه رخيص وفي متناول يد أي إنسان مهما كانت حالته المادية

2/ أنه متوفر وموجود على مدار السنة وفي كل أصقاع السودان

3/ عدم الحاجة للتكرار في الغالب

وهذه الأشياء هي التي في الغالب التي  يشتكي منه الناس في معظم العلاجات الا وهي

1/ الغلاء

2/ انعدام وعدم توفر الدواء

3/ طول مدة العلاج وتعدد الجرعات وذلك أمر مزعج للكثيرين

*العلاج هو كالآتي:*

 *إحضار القشرة الخارجية* لثمرة القريب فروت ووضعها في إناء سواء حلة او غيرها مع كوبين من الماء وغليها حتى تصبح بمقدار كوب واحد ثم شربها دافئة 

وسيتخلص من 90% من اعراض الملاريا ولا يحتاج إلى تكرار الجرعة

مع العلم منذ ذلك الوقت لم اصب بالملاريا مرة أخرى 

وهذه المعلومة نفسها ليس أقل اهمية من فائدة العلاج

د. محمد عبد الله الهادي

*انشرها لغيرك للفائده*.

محمد عبده

 قصة لا يعلمها الكثير منا في السويس

ولكن ذكرها كاتب الأطفال يعقوب الشارونى 

فى جريدة الأهرام تحت عنوان بطل الأربعين

( لم يكن الصبى محمد عبد الرازق يتجاوز 

عامه الثانى عشر خلال معركة  اكتوبر عام ١٩٧٣ 

وذات يوم كان الرجال من أهل مدينة السويس قد أخذوا أماكنهم فى المواقع التى تحصنوا بها يقاومون الدبابات المعادية التى كانت تحاول اقتحام ميدان الأربعين 

وبدأت الذخيرة والطلقات تقل ولم يكن فى استطاعة اى رجل أن يترك مكانه  لاحضار ذخيرة فقد اصبح الميدان الذى تحول إلى جحيم من النيران فى حاجة لكل رجل 

هنا أسرع الصبى محمد عبد الرازق وانطلق فى خفة ينقل صناديق الذخيرة والطلقات الخاصة بمقاومة الدبابات يوزعها على الرجال فى ميدان المعركة 

وبعد أن أطمان لحصول كل مقاتل على كفايته من الذخيرة اختار مكانا احتمى به وبدأ يرمى القنابل اليدوية على ابراج الدبابات المعادية، وقبل أن تنسحب تلك الدبابات كان هذا البطل الصغير قد دمر وحده ثلاثة منها.)

الصورة للطفل الصغير محمد عبد الرازق مع محافظ السويس والاخرى مع الشيخ حافظ سلامة رئيس جمعية الهداية الإسلامية، وإمام وخطيب مسجد الشهداء وقائد المقاومة الشعبية والصورة من ألبوم ابنته والذى تتذكره رحمه الله بعد وفاته من فترة قريبة.

#اتولد_بطل_مش_طفل 👌🏻

الشاعر دكتور المعز عمر بخيت

 كتب الشاعر المرهف 

_الدكتور  معز عمر بخيت_ 

*هولاكو الجديد*

____________

لسه فيك أنا ما كتبت

ولسه ما عارف أقول

أحكي عن غدر الدعَامة

ولا عن فعل الفلول

عن وطن بنزف وببكي

عن جراح عطش الفصول

ولا عن خيرو الطمع

فيه فاقدين الأصول

أطنان دهب 

ومراعي شاسعة

عن معادن وعن حقول

عن صمْغ عربي وعن نحاس

عن مواشي وعن أراضي 

فيها يورانيوم وماس

فيها فدانات زراعة 

بالملايين ما بتُقاس

لا في الخيال و لا بالعقول.

***

ونحن نقتل في بعضنا

نحرق البلد الجميلة.

نخنق النيل الحنيّن

ونسرق الفرحة النبيلة

بالسياسة وبالخساسة

بالصراعات الطويلة

عنصرية 

 سبهللية

ساكنة في جوف القبيلة

يا بلد عادوك أهلك

ويا وطن خذلوك ناسك

شالوا دنياك الظليلة

هتكوا عرضك

وفتكوا أرضك

بي صحاريها ونخيلا

بي ثمار الخير عليها

والشوارع يا حليلا

والبيوت العامرة إلفة

والرواكيب والنجيلة

والزغاريد والمشاعر

والزيارات للمقابر

وكل أحزانا النبيلة

لا فرح ظلل ديارنا

لا الحزن لملم جراحنا

لا طريقة ولا وسيلة

لا الذكر في ودنوباوي

لا صحت فينا الغناوي

لا بقت في الفكر حيلة.

***

وما فضل غير الأذية

نشنق الروح الشجية

وندفن الزمن السعيد

ذكرياتنا وأمنياتنا

الطيبة راحت 

وانكسر بالحسرة عيد

واتمدد الموت والخراب

والبؤس والخوف والوعيد

ما فضل غير العذاب

ما بين تعدّي واغتصاب

ما بين تعب ودمار شديد

لكنو ده البلد الوحيد

الفيهو ما بموت الأمل

لا بهرب الوعد الأكيد

***

بكرة الزمن بنضف ويعود

نور الصباح والانفتاح

عهد الرشيد

نبني البلد بي جيل عظيم

وشباب مؤهل ونستعيد

نهضة بعانخي 

وعهد تهراقا المجيد

عظمة وتآخي

نبني سودانا العتيد

نمشي لي نجم السما

ونطلع القمر البعيد

لا حزب فاسد لا مفاسد

لا حرامي ومستفيد

لا عصابات نهب شاسع 

لا مطامع 

وجنجويد

فاتوا التتر سبقوا المجوس

هولاكو في العصر الجديد

بكرة نبنيهو الوطن

خط مستقيم

صاحي وعنيد

ويبقى الزمن 

صادق رحيم

بي كل حب

عامر مديد.

في قعر راكوبة ست الشاي

 في قعر راكوبة ست الشاي جمبت ستنا الحلقة()

                        آسن ( حسن )  أنا   حي  تمشي  السينما     !!!؟؟؟         

  في النصف الثاني من ثمانيات القرن الماضي. 

دأب اولاد حارتنا وحدتنا  على الذهاب الى السينما .

اذ يستأجرون حافله  ويذهبون لمشاهدة  الدور الأول   او  الدور الثاني للسينما .

و معروف بأن حارتنا وحدتنا عماليه  . اولاد مربعنا وأحدنا  لموا الشيرينغ لايجار الحافله .

لقوها فااااارقه  !!!

مافيش طريقه لمشاهدة الفيلم الهندي بتاع جيمي حديث الساعه حينها .

ضربوها يمين .شمال . برضوا فارقه .

فجأه هتف   الداهيه على محمد على الشهير  ب ( ابيا ).

قال ليهم بس لقيت ليكم الحل 

الشباب كلهم بلسان وااااحد :

حلك شنوا ؟.

قال ليهم ( حسن الشهير بأصنقور )  ود الفكي على بتاع الدكان اللي هسع مسمنهوا دكان قرقوش .

واحد نطه وقال ليهوا :

حسن ده  زول خلوه. ماعندوا شغل بالسينما .

وابوه  فكي على صعب  زول متدين وبدرس الفقه للناس في كثير من زوايا  حارتنا وحدتنا  

المهم ( ابيا ) المسلط ومسخوت اقنع  ( حسن ) .

وحسن  دفع أكثر  من  مساهمة  الفرد  للشيرينغ   ورغبوه في الفيلم وهو كما قلنا  عندها كان جاي من الخلوه فريش وفاره .

الود ( حسن ) ابوه الفكي علي مشي  يلقى محاضرة تدربس بعد صلاة عصر ذاك الخميس .

وحسن ركب مع الشله الحافله وقدوا السينما .

آآآها. 

وجاء ابوه الفكي على بعد صلاة المغرب . ولقى الدكان  قافل.

وسأل الشفع  الصغار ؟

وادوهوا الزيت :

( حسن مشى السينما ).

وهنا جن جنون عمك فكي علي .

مستنكراً ذهاب ولده  للسينما  .

لان السينما في مفهومه رجسٌ من عم الشيطان . وليست عمل إنسان. 

وبدأ يطنطن :

آسن  ( حسن  )  ولدي انا ( فكي علي)  يمشى السينما ؟!

آسن. هييي  وي   لا  اله الا الله   .

آسن  اعمل شغل حق انسان  .

ويردد في كلماته هذه.

الى جاءت الحافله اللي ودت  الشباب السينما  .

وعينك ما تشيف الا النور  .

جلد  .

جلد غرائب  الإبل.

وعمك يقول لولده مستنكرا ذهابه للسينما :

آسن انا حي  تمشي سينما !

آسن. هيي   وي.  لا  إله الا الله  !

آسن  آزابااا ( عزبه )  استآآآنقلك  !

آسن آزابااا. كونجاك .

آسن أعمل شغل. حق إنسان  !.

              ،،،،  وكن حيين بنتكاتبوا وبنتشاوفوا. ،،،،،،   

 ✍أيوب  الحويطات. 

"""""""""""""""""""""""""""""""""""""""""""""""""""""""""""""

الصورة  :

              لمشغل أفلام  السينما ( الشاشه ) ،  في عز مجدها .

وعندما  تكون اللقطه في الفيلم  سمحه ، يقوم يعكنن ليك مزاج الشفاته المشاهدين .

وتسمع  صفافير  احتجاج واستنكار   وصرف بركاوي   وشتائم :

          سيوووووويو .

        يا  ........

ويقوم  يطلع ليهم يدو   مقبوضه بحركتوا القرديه ديك   بقدة بث الفيلم  .

ومن ثم  يواصل بث الفيلم .

*******************

الصورة لمشغل بث افلام السينما  .

تعليم الأطفال الأمور الدينية