إبتسمت و قلت معليش بكرة تكبر
بكرة تعرف انو كلمة بسيطة ممكن
تنهي أيام من محبة و يمكن أكتر
إبتسمت و قلت معليش
قلت أصبر
البنية صغيرة في الريد
زي ورد يادابو فتح .. و يمكن أصغر
لسه ما فاهمة المشاعر
إنو ممكن يوم تكابر
و من حبيبا تفوت تهاجر
و قصة النفس العزيزة ..
و كبريائي ..
و مستحيل في لحظة أرجع..
و لعنة الشوق و الكرامة ..
و تبدأ تندم .. و تاني تحلم ..
و مرة تشكي و مرة تبكي
و تبدأ تسمع
..قلنا ما ممكن تسافر ...
البنية صغيرة جدا
لسه ما بتعرف تريدنا .. و لسه ما بتعرف تساهر
و لسه ما عارفانا نحن .. من حروفا سنين بنسهر
إبتسمت و قلت معليش
بكرة تكبر
محمود الجيلي
ليست هناك تعليقات:
إرسال تعليق