اجمل حاجة فيك انك ديمة باسم
اخضر لون مشاعرك في كل المواسم
الفي خاطرك انتا عايز الناس تسالم
وعايز الفات ديارو يرجع ليها سالم
لو عاند زمانك واصبح مرة ظالم
يبقي الكون ده كلو مسرح للمظالم
يا القضيت سنينك وسط الناس سحابة
وجات بالبهجة نازلة للعايشين غلابة
انت الطيبة عندك من النيل شرابة
والدنيا البتظلم يحلي معاك عذابة
فنان في كلامك والفن اصلو فنك
وان جيت للمحنة مافي احن منك
حارساك البراءة حاميك حسن ظنك
ناس عطشانة ليكا وناس مشتهية حنك
اجمل حاجة فيك انك ديمة باسم
اخضر لون مشاعرك في كل المواسم
اسحق الحلنقي
ليست هناك تعليقات:
إرسال تعليق