روائع الشعر السوداني

 يا بت يا سيل.!!

يا كاسحة جروف الفرقة ووجع الناس...

بِتْهِدِّي الحيل

دغديغ وخَدَر ..

 تنسرقي حواس...

يا خدر الروح الساري نعاس.. 

ريدك وَنَّاس..!!

يغمر دنياي وخيال الناس ...

يا خيل الشوق الوحشية

الضاربة الصي من غير وسواس..

يا الجافلة دوام ..

 لا دايرة لجام ..

 لا طايقة مراس..

اصهلي بالريد..

مهراً عربيد

من غير مواعيد.. 

كالبيهو مساس...

يا بت يا فاس ..

 طاحت بالراس..!!

لا دمعة تسيل..

 لا نقطة دم لا لسعة ماس!!..

الحب لا منطق لا تفسير .. 

الحب احساس!!

جارف غلاب فوق كل مقياس...

الحب احساس

حبك وناس

دكتور احمد فرح شادول