روائع الشعر السوداني

 ما تبقى ماسك في الاباكـ

ما تبقى ياااخ دمكـ تقيل..

ايه يعني ما قدّر هواااكـ

خليهو كان ناوي الرحيل..

خليهو بي اسم الغرااام

والريده والعُشره القبيل..

م يخوفكـ درب الفراق

امشيهو بي صبراً جميل..

انا من عرفتكـ يا قليب

ماشيهو درب المستحيل..

تعبان تصارع في الزمان

حظـكـ اقلّه مـن القليل..

كاااايس تفتش للامان

في صحراء فاقد للدليل..!!؟

عِز مالقمر حاجبو السحاب

قاعد تفتش في شليّل؟؟

تلقاهو كيف تلقاهو وين

وهو ضاع مع السفر الطويل

في سكه ما سكة رجوع

في صبح ما بغشاهو ليل..

بس برضو كوس ليهو العزر

م تبقى ناكر للجميل..

وهو اصلو م قصر معاكـ

عمل العليه واكتر عديل.. 

كان في رجاكـ شايل عشم

وبينكم قرابة الف ميل.. 

انك تطِل ترجع تعود

راح العشم ضاع الزميل..

الكنت بترافقو الالم

الكنت شادِدّ بيهو حيل.. 

ااه يا زمن م فيكـ خير

قاعد تخت فيني وتشيل..

ااه يا زمن م فيكـ خير

قاعد تخت فيني وتشيل.. 

#حساميااااات 

||حسام محجوب||