قصيدة (ياسيدة لا)
كتبها او نظمها الدكتور الجميل والشاعر الكبير
دكتور عمر محمود خالد
يقال سبب القصيدة هو تحويل الطالبة الجميلة
سيدة علي كرار من كلية الطب لى كلية العلوم
ربنا يرحمها ويغفر لها
سمعت انها توفيت بالعاصمة الفرنسية باريس
متأثرة بفايروس كورونا
كتب وقال
يا سيدة لا
فايتانا وين مستعجلا
شرط أمتحان
ما أنت كملت الحلا
لازم علوم ما سمحة قاطعة مكحلة
ما ساحرة نايرة ومذهلة
فوتك منو العاد بيقبلا
الشلة تبكى مولولا
الليلة اصبحت أرملة
ما كنت نوارها ونسيمها
والعنب البرشح من سناهو يجملا
القمرة وكتين أختفت
رحنا ليها نأنبها
قلنا ليها
ساعة الظلام ايه مانعا
قالت خلاص بارضكم مالى صلة
أنا كنت بشتاق للعيون
الطبيعة مكحلة
وانا كان عشان اغلى البنات بضوى الديار
واجملا
غلطات كتيرة الكومبيوتر بعملا
ما قالوا بعرف كل شىء
لكنو ما عرف الحلا
لوكان عرف
كل النمر كان عدلا
وعشان عيونك ياقمر كان
ختى اسمك أولا
مالو العميد مالو البليد
ما خلى ست الناس تعيد
الجامعة وراك كوم رماد
سفرا بعيد مافيه زاد لافيها
طب لا أقتصاد
ولاأداب ولا صيدلة
ليست هناك تعليقات:
إرسال تعليق