- حاج احمد طلق مرتو تلاتة مرات وحرمت عليه ،،،
- والمرة سمحة شديد "نجاضه ونار منقد" وداير يرجعها ولازم يشوف طريقة تحلل ليه إن حبيل ،،،!!!
- الجماعة نصحوه يعقدوا ليها علي واحد في الحلة عوير وبعد كم يوم يطلقوها منه،،،
- وبعد تكمل العدة يسلموها لي حاج احمد ،،،،،
- حاج احمد وافق والفكرة وقعت ليهو والعوير ما منه خوف ،،،
- جابوا المأذون وعملوا عقد اجتماعي اقصد عقد زواج وخلوه كم شهر وجابوا المأذون للطلاق ....!!!!
- العوير حلف بالتقطعو ما يطلق بس يهز راسه ويقول ليهم إلا بالغانون الغانون يا جماعة،،،
- الجماعة كل يوم طالعين ونازلين ومفاوضات لي بالليل والعوير مقوي راسه ،،،،،
- وحاج احمد يشيل ويتوعد والعوير بس بيقول ابيييت ،،،،
- اغروهو بالباسطة البحبها ما نفع دخلوا الاجاويد ما نفع ...
- حاج احمد بقي قاعد صابيها قدام بيت ناس العوير ومستني المفاوضات تنتهي وكل يوم الجماعة يقولوا ليه اهل العوير وعدونا خير ،،،،!!!
- وصاحبك مصمم ما يطلق والوفد كل يوم يقول لي حاج احمد قربنا واتفقنا علي النقاط الاساسية،،،،،!!!!!
- وكمان ظهروا ناس في الحلة قالوا ياخونا الكلام ده غلط حاج احمد براهو فرط في مرته والعوير ده انقذها وسترها ولازم نطبق شرع الله ونخليهو لمن يطلقها براهو وبي ارادتو بعد داك ترجع لي حاج احمد بعد ما تنتهي الفترة الانتقالية (اقصدالعدة) ،،،،،،
- غايتو لحدي اسي المشكلة دي ما اتحلت العوير ماداير يتنازل وحاج احمد ما داير يتنازل المشكلة العوير شرس جدا ممكن لو كتروها معاه يعوق حاج احمد ،،،،!!!!!
- وقبل كده حاول يعتدي على الاجاويد وفلق ليهو كم واحد ،،،!!!
- قال والله تاني ما نخليكم عشان يومي ماشين وجايين دايرين تعملوا لينا (هيدك)
- لكن اهلو نكروا وقالوا ديل مندسين من اولاد الحلة غايتو المسألة متأزمة جدا وما معروف تنتهي علي شنو ،،،،،،،،،!!!!!
- المأذون زاتو زهج قال ليهم تاني ما تنادوني الا توصلوا لي حل ،،،،
- المشكله انو عندو جيرانو 3 ما عايزين المرة ترجع لي راجها و شغالين يدفعو للعوير و اهلو لانها عارفه انو العوير بخليها تطبخ ليهم و تكلهم و بتديهم اولادها ينضفو ليهم بيوتهم و لانهم عارفين انو المرة دي لو رجعت بيت راجلها تاني الا يشموها قدحه ...
- غايتو العوير ده بالغ جابوه يحل مشكلة هو ذاتو بقي مشكلة يحلنا الحلا بله !!!!!
- اما جيرانو ال3 ديل ربنا ينتقم منهم في عرضهم و شرفهم و دينهم يااااااارب عشان حرموا الراجل من مرتو ...
- ........
- .......
- المهم افهم بي طريقتك .. انا غايتو دا حدٓي ..
- هسي بالله عليكم العوير منو؟؟.
- منقول
Post
-
#عاجل_الان بابنوسة اصابة 3 مواطنين بالسلاح من قبل الجيش و حرق اثاث و مستندات محلية بابنوسة و منزل المدير التنفيذي. تعود الأحداث الي نقاش في ... -
ما هي الديمقراطية؟ الديمقراطية كلمة أغريقية، تتكون من لفظين:" Demos و تعني الشعب و Krates و تعني السلطة. بمعني أن الديمقراطية تعني ...
-
توثيق الطلاق حماية الاسرة الدكتور عادل عامر هناك أكثر من4 ملايين امرأة مطلقة تواجه المشكلات المتعلقة بالطلاق وأغلبها قضايا النفقة و...
ليست هناك تعليقات:
إرسال تعليق