طبيب مصري يشرح:
الصمغ العربى قصة عصارة نبات سبب حصار السودان ....
السودان هو الدولة التي تنتج ما يفوق ال٩٠ % من اجمالي انتاج العالم من الصمغ العربي....
أما تكون البلد الأوحد فى العالم اللى بتنتج مجفف عصارة نبات السنط وتكون مجفف العصارة دى اللى اسمها الصمغ العربى لا يمكن لشركة كوكولا اللى بتبيع ٣٢ مليار دولار فى السنة وشركة بيبسى اللى بتبيع ب ٦٥ مليار دولار يعنى مجموع الشركتين دول بس ١٠٠ مليار دولار سنويا أن تستمر .
وهصدمك و أقولك إن مزانية السودان مجبتش حتى ٢ونص مليار دولار .
القصة بكل بساطة إنه لايمكن عمل البيبسى ولا الكوكاكولا بدون الصمغ العربى أبدا وهشرح ليه وهشرح فوايده فمكنش ينفع لبلد ربنا حابيها بالثروة الطبيعية دى ابدا أمورها تكون مستقرة لأنها بكل بساطة هتهدد شركتين مسيطرين على صناعة المشروبات الغازية فى العالم ومن قوى أمريكا الناعمة مش قصة مشروب دا فرض سيطرة الخلايجة على سبيل المثال مابيكلوش إلا لو شربو بيبسى أو كوكاكولا فهتدينى برميل البترول هديك قصاده برميل بيبسى .بالمناسبة وأنا فى الصين البيبسى مابيتبعش أصلا الصينين بيعتبروه سم وعمرك متلاقيه بسهولة هناك بأى مطعم محدش بيطلبه .
طيب ليه الصمغ العربى كده اسمع القصة
هل يختلط الزيت مع الماء بجد يعنى أنت لو حطيت ميه على زيت يتخلطو طبعا لا
بس الصمغ العربى كسر القاعدة دى لو جبت شوية ميه على شوية زيت على صمغ عربى يدوك محلول نسميه مستحلب . يعنى الصمغ العربى بيدوب الزيت فى الميه
طيب إيه الفايدة ؟
الفايده إن كل مكسبات الطعم والرائحة اللى بجد طعمها حلو و بتدى طعم جامد بتدوب فى الزيت فلو خلط شوية لون زى لون البيبسى الأسود مع المايه هيبقى عامل شبه الشحم فى الميه أما وجود الصمغ العربى بيظبط التركبية وتكون بالشكل اللى بتشوفه فى البيبسى وفانتا برتقال إلى آخره.
طيب هل ممكن أستفيد بده فى صحتى والله لهقولكو على سر. هتدعولى بيه طول عمركم إنك ممكن تاخد مايحلو إليك على سبيل المثال من زيت الزيتون أو زيت بذر الكتان أو أى زيت ثابت فقط كوب ماء على ٢ ملعقة كبيرة زيت زيتون مثلا على ملعقة صمغ عربى وأضربهم فى الخلاط واستمتع انك تشرب الزيت بدون ماتحس بإحساس الزيت وهوه واقف فى زورك .
عرفت ليه السودان متحاصرة ساعات بتكون غنى وأنت متعرفش وغيرك عارف قيمتك ومش هتشوف استقرار فى بلدك لأن عدوك ماشى معاك بمنطق فرق تسد أصلك لو فقت من خلافاتك هتفوق لعدوك .
فى بوست جاى هشرحلك فوايده الطبية الرهيبة وحكايته مع الكلى والصح من الغلط فى إستخدامه شير وعرف الكل إن بلدنا السودان دولة غنية بمواردها الطبيعية .
ممكن تشير وتعرف الكل إزاى يستمتع بشرب الزيوت زى زيت الزيتون وبذر الكتان كل يوم .
أنا أحب السودان
السودان بلدى الثانية
دمتم بصحة
الدكتور / أحمد أبو النصر
ليست هناك تعليقات:
إرسال تعليق