غربة قاسية وديمة مرة
وكل يوم الرجعة بكرة
الظروف تقسي وتعاند
والحلوق خانقاها عبرة
الزمن بسرعه ماشي
شال شبابنا واحلي زهرة
يا وطن جاوب سؤالنا
هل جراحك يوم بتبرا؟
**
غربة مابترحم مسافر
كل يوم بي هم جديد
الصباحات جد حزينة
والليالي عذاب شديد
كل مرة نقول كفاية
تاني ترجع وبس نعيد
الوطن قال لينا سافروا
والزمن قاسي وعنيد
**
لو بي ايدنا مابنسافر
او نفارق مرة دارنا
الا مجبورين نهاجر
من اهلنا ومن صغارنا
الوجع يسكن نفوسنا
والحزن يصبح شعارنا
ياحليل لمة حبايب
كنا بينهم وفي جوارنا
**
لي متين ياغربة نحن
بي وراك ماشين عمايا
ياسراب بارين خطاكا
واصلو منك ما روايا
في زمان كنتي الوسيلة
وهسة زي الباقية غاية
خلي عندك يوم محنة
ياخي ارجوك بس كفاية
🌹🌹🌹🌹🌹🌹🌹
مهداه لكل الطيور المهاجرة
💔💔💔
ليست هناك تعليقات:
إرسال تعليق