ابوي الشيخ الامين عمر الامين قليلة في حقك الكلمات..
(الحرب اللعينة)
ابوي الشيخ …
يا امل الضعيف الخاف ،،
يا سند البعيد الجاك ،،
في الزمن الصعيب القاسي ،،و زمن الضمير المافي،،
يمينك لي كلو حنان
شمالك لي كلو امان..و ما بخاف
ووقت الدنيا مالت بي
وقت الناس جمعوا علي ،، فتحت بابك لي ،،
عدلت المال و كنت السيف البيقطع لي،،
ابوي يا خزنة الدهب الما بصدي،،
ابوي في الحارة يلمع بريقو ،ما بشيل و ديمة بيدي..
ابوي كنوز الدنيا مهما الزمان يجور و يعدي ،،
غنيانة بيك و ما بفقر..
عزيزة بيك و ما بتذل،،
طويل عمرك بعيد الشر ..
سعيدة بيك و ما بشقي،،
و (الدعامة)انشالله يشيلو الدنيا بي حالا
،،يشيلو الدنيا بي مالا
ما همي ..و جاهك عما،
خزايني البيك مليانة و ما بتفضي ..
و العندو (يابا) شيخ الامين يعيش كسبان و ما بخسر
و لا يحزن و يتحسر..
ليست هناك تعليقات:
إرسال تعليق