الأحد، 3 ديسمبر 2023

المرناح منو

 *المرتاح منو ؟؟؟*🤔🤔🤔

*الفات برة    معتبر   الكفالة دي   ذله*

*والفي بلدو   زهجان   من قعاد   الحله*

*الكوز     شايت    العلماني بره    المله*

*والعلماني شايف الكوز هو سبب العله*

 *****

*بتاع العرقي معتبر اب سجارة ظريف*

*والنشال بشوف انو السياسي حريف*

*الفي البادية مفتكر الحضيري شريف*

*والفي العاصمة يبكي على حياة الريف*

 *****

*الاتزوجت     واتجلبطت    بي   عجينة*

*كارها الدنيا جت معتبره روحا سجينة*

   ****

*الفات   برة  زعلان   انو  فارق ارضو*

*والفي  بلدو من  القعدة   زعلان برضو*

   *****

*البي شعرو بمشي براهو يحلق صلعه*

*والاصلع    بيلبس   عمة  قدر   القلعة*

*الجيعان بشوف انو الفرح في الضلعه*

*والشبعان بشوف الفرحه سفه وولعه*

   *****

*البي اولادو  من الهم   صبح مجنون*

*والماعندو    معتبر   السعادة     بنون*

    *****

*المتزوج   يشكي  ويسعى في   البتحلّو*

*والعزابي يبكي عشان يكون في محلـّو*

ليست هناك تعليقات:

مشاركة مميزة

في قعر ركوبة ست الشاي

 في قعر راكوبة ست الشاي جمبت ستنا                             مآآآآآآآ حارتنا  و بِنريدآآآآآآآ    !!!!!!! لبعض الأوباش في حارتنا وحدتنا الذي...

Post