في قعر راكوبة ست الشاي

 ما مسانِي

من طيف

الحبِيبة

حضُور

ولا شرقَت

شمِس بُكرة ..

وفضلتَ مع

حنِين الشُوق

مساهِر والقلِب

محرُوق 

أضارِي دمُوعِي

والحسرة ..

فما بِقَت

الحبِيبة أمان

ولا السُودان

هُوَ السُودان

صِبح كُل

الجميل

ذِكري ..

وقدُر ما إمتدَّ

فينِي حنِين 

يجِينِي الليل

كئِيب وحزِين

جريح

وخواطرُو

مُنكسرة ..

ويطِل فجر

الصباح

باهِت

بعد ما ماتت

الفِكرة ..

ده يعنِي الحُب ..؟

نهايات لي

فرح بنجيبُو

بالغاااالِي

ونبيعُو رخِيص ؟

ويمُوت 

حتي العشم

جُوَّانا 

واليفضَل نحسُو

بصِيص ..

موؤودة 

المحبة تمُوت 

مِتل كلب

اب زهانة

فطِيس ..

وأنا الشايِل

هَواي جوَّاي

حافظُو مِتِل

قوافِي غُناي

ودِيمة عليهُو

كُنتَ حرِيص ..

يَجِي 

وآخر الزمن

يِِتهان

عِشِق ما جِبتُو

بالبِصبيص ..؟

حراااام والله ..!!

الحُب إكتمال

للشُوق

وراحة بعد

هجِير الصي ..

وشمعات تتوقِد

أفرااااح

وتوهِب للأحبة

الضي ..

وأنا المخلُوق

عشان عينِيك

متين كان

لي جمالِن زَي؟ 

برااااك مالية

الدواخل شُوق

وساكنة علي

حباب عينَي ..

تجرجرِي في

الأماني الحلوَة

تدفرِي في

المحبة علَي ..

مِتين ألقاااااك ..؟

ملان بالوحشة

والجواي تجاهِك 

مِن حكاوِي

عميق ..

مواوِيل مِن

عشم داسيهُو

لي وجعة 

ظلامِي

برِيق ..

هويتِك فِي

زمن راسِم

ملامح الضحكة

كُلما تضِيق ..

أحوال الوطن

والناس

ونحرق بالمآسِي

حرِيق ..

وإنتِي 

الكُنتي لَي

إحساس

وبلة ريق ..

وفي عِز الوجع

بتخُشي 

لي حُرقة 

دواخلِي شهِيق ..

💖💖💖

💖💖

💖

بقلمي ..

وليد الزين ..