مجاراة بينى وبين إبنتى العزيزه (ريتال) اسال الله تعالى أن يمتعها بالصحه والعافيه
قلت ليها:
فراقك خلى عينى. بالدمع مدرار
وبعدك فوقى يارتوله موقد نار
وحات اسم الله يانجمة نجوم الدار
شايل الليل عشانك بكتب المسدار
*****
قالت لى:
شغل الدنيا ياابوى بينا بانى جدار
وبعدك منى نار وقاده مابندار
وحات اسم الله يابوى الزمن قدار
بساهر الليل بفكر دمعى سال هدار
******
قلت ليها:
مابنساكى إنتى رزينه مالجاجه
ماك شبه المبشتنه فى الكلام خفاجه
وحات اسم الله ياللونك جناين راجا
غير اكتب وأرسل مافضل لى حاجه
*****
قالت لى:
اسمك جووا عقلى انا قد نسجتو نساجه
صورتك فى قلبى واضحه فوقو دباجه
وحات اسم الله يالوعدك بتوفى خواجه
عينى. فى غيابك بالدمع. نخاجه
******
قلت ليها:
ماقاصد. اسيبك. الا بس. مجبور
ابوك يابنتى ممكون الا طبعو صبور
قطر لقيانا. قرب. وفاتح الصنفور
ركزى فى دراستك وشاركى فى الطابور
******
قالت لى:
ياعز القبائل خاطرى بيك مجبور
زرعك لونو اخدر مو يباسا بور
بشرك شأن اشوفك شركى يووت مهبور
بالليل جانى طيفك فوقى عدى عبوور
*****
قلت ليها:
ما بحمل. فراقك درة. البنوت
ظروف جباره حكمت انى ليكى افوت
الخلانى اكتب فيكى. اسوى. بيوت
زينه و بت. قبيله. وشبهك. الياقوت
*****
قالت لى:
بفخر بيكا ابوى إت. باللبيب. منعوت
حروف القافيه بكتبه أغنى فوقك يووت
ابوى شخصك موكر فى عضاى منحوت
معارك الدنيا ندخله ننتصر يانموت
****
معاوية ودجوده
الصورة للمصورة Ålia Shanan
#اللهم_ارحم_امي
ليست هناك تعليقات:
إرسال تعليق