الحبيب الزيو مافي
في صفاتو وفي دلالو
الحنين وطبعو وافي
عيني ما شافت مثالو
***
كل معاني الطيبه فيهو
وحاز جمال الدنيا شالو
القلوب تهوى وتجيهو
خاضعه مفتونه بجمالو
البشوفو بشابي ليهو
والسمع عايز وصالو
هو تايه ما عليهو
والخلوق تايهين في حالو
***
مره لاقيتو ابتسمه
من جمال الصدفه ذاتا
قلته احكيلو وندمته
كنته بس خايف الشماته
أحمد الله الجد سلمته
من عيونو ومن حلاتا
وكان قدرته الليله نمته
يبقى عيني مصيبه جاتا
***
بهوى عينيهو وهلالا
وبعشق اخلاقو النبيله
وكل ما اتحايل حيالا
ألقى ما باليد حيله
ماصفت راضتني مالا
إللي في التحنان بخيله
وخلت العاشق جمالا
يحلم أحلام مستحيله
علي همشري
ليست هناك تعليقات:
إرسال تعليق