مدني مقبرة الجنجويد

 مليشيات الدعم السريع وصلوا الحاج عبدالله وكسروا القسم والبنك والمحكمة وحاولوا يدخلوا قرية ابوسقرة نص سكانها ضباينة وقالوا عايزين يشيلوا عربية وما لقوا فيها جاز قالوا بمشوا ويجوا راجعين بعد الصلاة طلع اهالي ابوسقرة كلهم وقالوا ليهم لا عندنا ليكم عربية ولا عندنا ليكم حاجة ولا تجونا ولا نجيكم 

ردا القائد بتاعهم قال ماعندنا معاكم حاجة ونحن جينا نفتش في ناسنا وطالعين منكم ومن الخوف قالوا ليهم البجيكم جوة في قريتكم ارموا في البحر داك 💪 

وكان المتحدث واحد من قبيلة الضباينة وشخصي الضعيف حرررررررم الناس ديل بس سلاحهم دا البتراجلوا بيو مع الناس لكن اقسم بالله نحن زول فينا مسلح ماف وبرضوا رقدوا رز من ماشافوا الجمع دا وعيون الشهادة والرجال الجوهم ديل💪 

يمين بالله واحد عمر سلاح منهم قلنا عمر ساي والله طالعين ومتشهدين 💪 

نزل سلاحه وقال لينا اها مشكلتكم شنو احكوا بعد ما وصلنا ليهم رسالتنا اتحركوا فاتوا والطيران جاء دقاهم في منطقة جنبنا الموقف الجميل اول عربية جات فينا منهم كانو قرابة ٥ مسلحين وقفنا ليهم في نص الشارع وقلنا ليهم اقيفوا واتحاوينا العربية والله  الناس ديل عاينوا في الخلق دي وداسوا بنزين وكبروها التحية للشعب السوداني عامة ولأهالي ابوسقرة خاصة ولقبيلة الضباينة اجمع في كل ربوع الوطن الحبيب واسفايا لو ما جيتا من زي ديل حرررررررم جدادة ما يعشموا فيها مننا وياريت لو كنا مسلحين عشان التفاوض يكون بالذخيرة الحية

مزمل الطيب النيل الضبياني