انا السودان
للشاعر عبدالله احمد ناصر
……………..
انا السودان انا الحاضر
انا الغد …..
انا الوطن الكبير. ممتد
وشايل …في .الحضن
نيلين
انا الخيراتي ما بتنعد
انا القادم برز شمر
سواعد الجد
وشاد حيلو علي حيلو
وفوق ايد جيلو خت اليد
……………..
وطن للساحه علم
ولكل الدول تشهد
،،،،،،،،،،
انا الفيني الامان مغروث
وزايد ..ديمه ….بجدد
مكان الالفه بلادي كرم
وبشاشه ……ما بتزهد
…………………
تفيض تنساب مع النيلين
مع الطير الصدح ..غرد
انا لافريقيا بوابه وعاله
اسواري ما بتنهد
……………….
انا الواقف في سماي عماد
سلام وشموخ ترفرف راية
الامجاد
انا للدنيا سله وزاد
وعني اسال التاريخ
علي الماضي البنو
الاجداد
ليست هناك تعليقات:
إرسال تعليق