بجر مسداري من حلتنا للحواتة
خلاص مطر الفرح في منطقتنا اتواتا
المن جاهله قامت دللوها ابواتا
شيلوها جلكي قبال يمسكنو اخواتا
عليك بالله يا نسام صعيدنا النسم
ودي سلامي للزول البموح واتقسم
ضاوية سنونو كان فراها كدي واتبسم
بدرا ضاوي في أسبوعين عميرو اتقسم
صبرتا علي مرايرا قلت يوم بتعدي
لامن عمري ميّل وروحي دايرة تعدي
جاتني الفرحة عادت لي حناني و ودي
تجدد قلبي بعد ماكان قديم ومصدي
بعد ما قلت ضاعت احلامي عمري اتودر
خريف الفرحة عاد لي بلادي سرعة وبدر
ورد امالي جاهو الصيف يبسو وكدر
رشا عليهو مطر الريدة عقبان خدر
ليست هناك تعليقات:
إرسال تعليق