السودان

 🇸🇩السودان أمي وأبي

حيرتوا العالم يا سودانيين

زيرو معسكرات ..... 

زيرو خيام 

 المنظمات احتارت من شعب السودان. 

اذ كيف تكون هنالك

 شبكة إيواء مجتمعية فى هذه الحرب !!!

فالجيران قد ساقوا معهم جيرانهم  لأهلهم في الأقاليم القريبة.

أعرف حالات لا تحصى لأسر مناطقهم بعيدة عن الخرطوم جغرافيا وصعب عليهم السفر الى اهاليهم .

لكن أخذهم جيرانهم في الحي ممن يتواجد أهلهم في الأقاليم القريبة في الجزيرة ونهر النيل والشمالية معهم ..

اتصلت بقريبة لي أسألها عن حالها هي وبنتها وولدها، فقالت لي جيرانا اهلهم فى شندى جابوا حافلة ساقوا باقي ناس شارعنا كلهم .

تخيل الجيران مستضافين عند جيرانهم في شندى يسوقوا جيرانهم معاهم، وجيران الجيران يسوقوا بت خالتهم كمان) 

دا اسمو إيواء تكعيب (أس تلاتة)

الناس ديل حيروا منظمة الهجرة الدولية واطباء بلاحدود والمفوضية السامية لللاجئين، طيب يا جماعة المنظمات دي تسترزق من وين يعني؟!! فلستوا بيهم. 

🇸🇩الشعب السوداني يعلنها على رؤوس الاشهاد :

زيرو معسكرات 

زيرو خيام ..

وتعيش إنت ايها الشعب السودانى  ويدوم خيرك

تعيش و الدنيا ما تضيرك

ولو جارت عليك أيام

تعال لعيونا بتشيلك

ولما الليل يروق يحلى

تجي النسمة و تضم شتلة

ضفيرة الليل نلاقيها

شايلة سواد عيون طفلة

🇸🇩 كل الشكر للناس الطيبين 🇸🇩