خاطرة بمناسبة تعيين دكتورة امال محمد عز الدين و امنة أحمد المكى واليا للوالية الشمالية وولاية نهر النيل
----------------------
بهز بي سيفى فوق ست الحضارة و نوبة
هرم العزة و العفة المقنعة توبا
يوم العركة و الفرسة الكتر حى وبا
راسيات الجبال تكلن حجارن فوقا
-----------------------
فوق بت النخيل و النيل بجر النم
بت عز الرجال جرعة عقود السم
الجود و الكرم مقرونة بيك حرام
جربوا لو رجال عشان تشوفوا الدم
----------------------
الزى امنة من فوق الرجال محسوبة
و بتفوق الرمم الزمتن مخروبة
ما شفناها فى خملة و مشرط توبا
ركازة الأرض فى دامرا و مجذوبا
---------------------------
نحن بناتنا اشباه الرجال ما قياسن
و كضاب البفكر فى خيالو و داسن
كملن الفراسة مكتوبة فى ميراثن
مهيرات الأصل الما وسخنو مداسن
-----------------------
قنعنا من خيرا فى الرجال يا امنة
كرهنا الخيبة و العترة المشت قدامنا
بركة الجيتى قبال نهاية ايامنا
يا ام الرسول خير الخلق ود امنة
-----------------------
على الحلف يا امنة ساعة
شفتك
طريت الثورة يوم كان تطنلق زعرودتك
كنداكة و بت رجال سيف الصرامة قدرتك
شقى النيل و ارويهن سواقى خدرتك
-----------------------
شايف ناس كتار فى دار جعل شمتانة
و فى بت المكوك الصانت عرض اخوانا
المرا ام رجال و بين البشر انسانا
ما شكرنا فى يوم الرجل لو هانا
-----------------------
عليك يا امنة كل الحمل متكول
اسندى فقيرنا و ما تنسيهو عم جقدول
ادفقى الموية و امليها السرابات فول
و راعى اطفالنا و اسقيهن لبن من شول
-----------------------
ما اظن الرجالة عمة و كبر شنبات
شفناهم رجال لابسين طرح لبنات
يوم فض الاعتصام ما قبلن صادرات
خاضن فى الدمى و دنقروا لواءات
----------------------
بروفيسور سيف الدين النقرابي
٢٣ يوليو ٢٠٢٩
#الانحناءة-لكل كنداكات بلادى
ليست هناك تعليقات:
إرسال تعليق